തിരുവല്ല: താലൂക്കാശുപത്രിയില്‍ ചികില്‍സയിലിരിക്കേ കാണാതായ യുവാവിന്റെ മൃതദേഹം കെട്ടിടത്തിലെ ഭിത്തിക്കും ലിഫ്ടിനുമിടയില്‍ കുടുങ്ങിയ നിലയില്‍ കണ്ടെത്തി. തുകലശേരി മാടവന പറമ്പില്‍ വീട്ടില്‍ കെ.എസ് ബിജു (36)വിന്റെ മൃതദേഹമാണ് വ്യാഴാഴ്ച വൈകിട്ട് മൂന്നു മണിയോടെ കണ്ടെത്തിയത്. കഴിഞ്ഞ 14 ന് ആശുപത്രിയില്‍ ശസ്ത്രക്രിയയ്ക്ക് വിധേയനായ ശേഷം നിരീക്ഷണത്തില്‍ കഴിയുകയായിരുന്നു ബിജു. 16 നാണ് ഇയാളെ കാണാതായത്. ബന്ധുക്കളുടെ പരാതിയെ തുടര്‍ന്ന് പൊലീസ് കേസ് രജിസ്റ്റര്‍ ചെയ്ത് അന്വേഷണം നടത്തി വരുമ്പോഴാണ് മൃതദേഹം കണ്ടെത്തിയിരിക്കുന്നത്. ആശുപത്രിയുടെ നാലാം നിലയിലെ അടച്ചിട്ടിരുന്ന മുറിയുടെ ലിഫ്റ്റിനും ഭിത്തിക്കും ഇടയില്‍ കുടുങ്ങിയ …

റാന്നി: അന്തരിച്ച മുന്‍ മുഖ്യമന്ത്രി ഉമ്മന്‍ചാണ്ടിക്ക് ആദരാഞ്ജലി അര്‍പ്പിച്ചു മടങ്ങിയ ഐഎന്‍ടിയുസി നേതാവ് വാഹനാപകടത്തില്‍ മരിച്ചു. കുമളി അട്ടപ്പള്ളം കാവുങ്കല്‍ സി.വി വര്‍ഗീസ് (56) ആണ് മരിച്ചത്. പുനലൂര്‍-മൂവാറ്റുപുഴ സംസ്ഥാന പാതയില്‍ മക്കപ്പുഴയ്ക്കു സമീപം ബുധന്‍ പുലര്‍ച്ചെ മൂന്നരയോടെയാണ് അപകടം. കാര്‍ നിയന്ത്രണം വിട്ട് ഡിവൈഡറില്‍ ഇടിക്കുകയായിരുന്നു. ഈ സമയം വര്‍ഗീസിന് ഹൃദയാഘാതം ഉണ്ടായി. തുടര്‍ന്ന് കോഴഞ്ചേരിയിലെ ആശുപത്രിയില്‍ പ്രവേശിപ്പിച്ച വര്‍ഗീസ് വൈകിട്ട് അഞ്ചോടെ മരിച്ചു. ഒപ്പമുണ്ടായിരുന്ന പ്രസാദ് മാണി, ബിേനായ് നടുപ്പറമ്പില്‍ എന്നിവര്‍ പരുക്കില്ലാതെ രക്ഷപ്പെട്ടു. തിരുവനന്തപുരത്ത് നിന്ന് മടങ്ങും വഴിയാണ് അപകടം …

തിരുവനന്തപുരം:മുന്‍ മുഖ്യമന്ത്രി ഉമ്മന്‍ ചാണ്ടി (79) അന്തരിച്ചു. അര്‍ബുദത്തിന് ചികിത്സയിലിരിക്കെ ബെംഗളൂരുവിലെ ആശുപത്രിയില്‍ ഇന്നു പുലര്‍ച്ചെ 4.25നാണ് ഉമ്മന്‍ ചാണ്ടിയുടെ അന്ത്യം. അദ്ദേഹത്തിന്റെ മകന്‍ ചാണ്ടി ഉമ്മന്‍ മരണ വാര്‍ത്ത സ്ഥിരീകരിച്ച് സമൂഹമാധ്യമങ്ങളില്‍ പോസ്റ്റിട്ടിട്ടുണ്ട്. അരനൂറ്റാണ്ടിലേറെ നിയമസഭാംഗമായിരുന്ന ഉമ്മന്‍ചാണ്ടിയുടെ പേരിലാണ് ഏറ്റവും കൂടുതല്‍ കാലം നിയമസഭാ സാമാജികനായിരുന്നതിന്റെ റെക്കോര്‍ഡ്. 1970 മുതല്‍ 2021 വരെ പുതുപ്പള്ളിയില്‍ നിന്നു തുടര്‍ച്ചയായി പന്ത്രണ്ട് തവണയാണ് നിയമസഭയിലെത്തിയത്. രണ്ടു തവണയായി ഏഴു വര്‍ഷം മുഖ്യമന്ത്രിയായിരുന്നു. തൊഴില്‍, ആഭ്യന്തരം, ധനകാര്യം എന്നീ വകുപ്പുകളുടെ മന്ത്രിയായും പ്രതിപക്ഷ നേതാവായും പ്രവര്‍ത്തിച്ചിട്ടുണ്ട്. നിലവില്‍ …

ചേര്‍ത്തല: ഡെങ്കിപ്പനി ബാധിച്ച് മൂന്നാം ക്ലാസ് വിദ്യാര്‍ഥിനി മരിച്ചു. മരുത്തോര്‍വട്ടം ലാപ്പള്ളി മഠത്തില്‍ മനോജിന്റെയും രോഹിണിയുടെയും മകള്‍ സാരംഗി (എട്ട്) ആണ് മരിച്ചത്. സംസ്‌ക്കാരം നടത്തി. തണ്ണീര്‍മുക്കം വെള്ളിയാകുളം യു.പി.സ്‌കൂളിലെ മൂന്നാം ക്ലാസ് വിദ്യാര്‍ത്ഥിനിയാണ്. പനി ബാധിച്ചതിനെ തുടര്‍ന്ന് കഴിഞ്ഞ ഞായറാഴ്ചയാണ് കുട്ടിയെ ആശുപത്രിയില്‍ പ്രവേശിപ്പിച്ചത്. വെള്ളിയാകുളം സ്‌കൂളിലെ ഒന്നാം ക്ലാസ് വിദ്യാര്‍ത്ഥിനി ശിവാനി സഹോദരിയാണ്.

അടൂര്‍: വീട്ടിലെ കിണറിനുള്ളില്‍ വീട്ടമ്മ മരിച്ച നിലയില്‍. പന്നിവിഴ കോട്ടപ്പുറം കല്ലുവിള വീട്ടില്‍ തങ്കമ്മ (72) യെയാണ് ശനിയാഴ്ച രാവിലെ 11.15 ന് കിണറ്റില്‍ മരിച്ച നിലയില്‍ കണ്ടത്. ഫയര്‍ഫോഴ്‌സ് എത്തി പുറത്തെത്തിച്ചു. ഇവര്‍ ഒറ്റയ്ക്കാണ് താമസിച്ചിരുന്നതെന്ന് പോലീസ് പറഞ്ഞു.  

അടൂര്‍:ഏഴംകുളം ക്ഷേത്രക്കുളത്തില്‍ വീട്ടമ്മയെ മരിച്ച നിലയില്‍ കണ്ടെത്തി. കൊടുമണ്‍ രണ്ടാംകുറ്റി രവിപുരംവീട്ടില്‍ പരേതരായ രവീന്ദ്രന്‍ നായര്‍-സതീദേവി ദമ്പതികളുടെ മകള്‍ രശ്മി (44 )യുടെ മൃതദേഹമാണ് കണ്ടെത്തിയത്. ശനിയാഴ്ച ഉച്ചയ്ക്ക് 1.35 ന് നാണ് മൃതദേഹം ക്ഷേത്രക്കുളത്തില്‍ കണ്ടത്. പോലീസ് എത്തി ഫയര്‍ ഫോഴ്‌സ് ഉദ്യോഗസ്ഥരുടെ സഹായത്തോടെ മൃതദേഹം കരയ്‌ക്കെത്തിച്ചു. മൃതദേഹം ഞായറാഴ്ച പോസ്റ്റ്‌മോര്‍ട്ടം നടത്തി ബന്ധുക്കള്‍ക്ക് വിട്ട് നല്കും.  

അടൂര്‍: പത്തനംതിട്ട ജില്ലയില്‍ വീണ്ടും പനി മരണം. ഏഴംകുളം ഈട്ടിമൂട് കുലശ്ശേരി ചാവരുപടിക്കല്‍ പുത്തന്‍ വീട്ടില്‍ ആര്യ (26) യാണ് മരിച്ചത്. ഡെങ്കി സംശയിക്കുന്നു. കൂടുതല്‍ പരിശോധനകള്‍ക്ക് ശേഷം സ്ഥിരീകരണം ഉണ്ടാകും. രോഗം കലശലായി അവശനിലയിലായ ആര്യയെ വെള്ളിയാഴ്ച ഉച്ചയ്ക്ക് അടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരിച്ചു. ദിവസങ്ങളായി പനി ബാധിതയായിരുന്നു. തഹസീദാരുടെ സാന്നിധ്യത്തില്‍ ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം താലൂക്ക് അശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. കോട്ടയം മെഡിക്കല്‍ കോളേജില്‍ മൃതദേഹ പരിശോധനയ്ക്കു നടത്തിയ ശേഷം വീട്ടുവളപ്പില്‍ സംസ്‌കരിക്കും. ഭര്‍ത്താവ് പിന്റുവിനും നേരത്തേ പനി …

പത്തനംതിട്ട: മ്ലാവിനെ വേട്ടയാടിയ കേസില്‍ ഫോറസ്റ്റ് ഉദ്യോഗസ്ഥര്‍ തോക്കുമായി ഹാജരാകാന്‍ ആവശ്യപ്പെട്ടതിനെ തുടര്‍ന്ന് വയോധികന്‍ വീട്ടിനുള്ളില്‍ തൂങ്ങി മരിച്ചുവെന്ന് പരാതി. കോന്നി പൂച്ചക്കുളം സ്വദേശി രാധാകൃഷ്ണനാ(61)ണ് തൂങ്ങിമരിച്ചത്. വ്യാഴാഴ്ച വൈകിട്ട് ആറരയോടെയാണ് കിടപ്പു മുറിയില്‍ തൂങ്ങിയ നിലയില്‍ മൃതദേഹം കണ്ടത്. ഫോറസ്റ്റ് ഉദ്യോഗസ്ഥരുടെ ഭീഷണിയെ തുടര്‍ന്ന് രാധാകൃഷ്ണന്‍ ജീവനൊടുക്കുകയായിരുന്നുവെന്ന് സഹോദരി ആരോപിച്ചു. മൃതദേഹം പത്തനംതിട്ട ജനറല്‍ ആശുപത്രി മോര്‍ച്ചറിയിലേക്ക് മാറ്റി. മ്ലാവിനെ വേട്ടയാടിയ കേസില്‍ കുറേ ദിവസങ്ങളായി വനപാലകര്‍ രാധാകൃഷ്ണന് പിന്നാലെയുണ്ടായിരുന്നുവെന്ന് പറയുന്നു. നാളെ തോക്കുമായി ഫോറസ്റ്റ് സ്‌റ്റേഷനില്‍ ഹാജരാകാന്‍ ഭീഷണിപ്പെടുത്തിയിരുന്നുവെന്നാണ് സഹോദരി പറയുന്നത്. …

പത്തനംതിട്ട: പാലക്കാട് കഞ്ചിക്കോട് കൈരളി സ്റ്റീല്‍ കമ്പനിയിലുണ്ടായ പൊട്ടിത്തെറിയില്‍ കൊല്ലപ്പെട്ട അരവിന്ദ് (22) ജോലിക്ക് കയറിയത് 23 ദിവസം മുന്‍പ് മാത്രമാണ്. ഓമല്ലൂര്‍ പഞ്ചായത്ത് ഐമാലി രാമവിലാസത്തില്‍ പി.ടി. പ്രദീഷിന്റെയും എസ്. രാജശ്രീയുടെയും മകനാണ് അരവിന്ദ്. കൈരളി സ്റ്റില്‍സില്‍ എക്‌സകവേറ്റര്‍ ഓപ്പറേറ്റര്‍ എന്ന തസ്തികയില്‍ മേയ് 29 നാണ് ജോലിക്ക് കയറിയത്. 2021 ല്‍ ഐടിഐയില്‍ നിന്ന് 67 ശതമാനം മാര്‍ക്കോടെയാണ് അരവിന്ദ് പഠിച്ച് ഇറങ്ങിയത്. ഇപ്പോള്‍ കിട്ടിയ ജോലി കുടുംബത്തിന്റെ ഏക പ്രതീക്ഷയായിരുന്നു. ജോലിക്ക് കയറിയ സന്തോഷം തീരുന്നതിന് മുന്‍പാണ് അരവിന്ദിന്റെ ജീവന്‍ …

പത്തനംതിട്ട: ജില്ലയില്‍ ഒരാഴ്ചയ്ക്കിടെ എലിപ്പനി ബാധിച്ച് മരിച്ചത് മൂന്നു പേര്‍. രണ്ടു പേര്‍ തൊഴിലുറപ്പ് തൊഴിലാളികളായ സ്ത്രീകളും മറ്റൊന്ന് പുരുഷനുമാണ്. ആരോഗ്യമന്ത്രിയുടെ ജില്ലയിലാണ് മൂന്നു പേരും മരിച്ചത്. ഇതില്‍ രണ്ടു പേരുള്ളത് മന്ത്രി വീണയുടെ വീട് ഉള്‍പ്പെടുന്ന കൊടുമണ്‍ പഞ്ചായത്തിലാണ്. കൊടുമണ്‍ ഒന്‍പതാം വാര്‍ഡ് കൊടുമണ്‍ ചിറ പാറപ്പാട്ട് പടിഞ്ഞാറ്റേതില്‍സുജാത(50), പതിനേഴാം വാര്‍ഡില്‍ കാവിളയില്‍ ശശിധരന്റെ ഭാര്യ മണി (57) എന്നിവരാണ് മരിച്ച തൊഴിലുറപ്പ് തൊഴിലാളികള്‍. സുജാത മൂന്ന് ദിവസമായി കോട്ടയം മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്നു. സംസ്‌കാരം തിങ്കളാഴ്ച ഉച്ചയ്ക്ക് 12 ന് …