കോന്നി: ളാക്കൂര്‍ സ്വദേശികളായ ദമ്പതികളെ കുവൈറ്റിലെ താമസ സ്ഥലത്ത് മരിച്ച നിലയില്‍ കണ്ടെത്തി. പ്രമാടം ളാക്കൂര്‍ പുത്തേത്ത് പുത്തന്‍ വീട്ടില്‍ സൈമണ്‍- ലിസി ദമ്പതികളുടെ ഏക മകന്‍ സൈജു സൈമണ്‍ (34), ഭാര്യ ജീന (33) എന്നിവരാണ് മരിച്ചത്. വ്യാഴാഴ്ച രാവിലെ സല്‍മിയായിലെ താമസ സ്ഥലത്ത് സൈജുവിനെ കെട്ടിടത്തില്‍ നിന്നും വീണു മരിച്ച നിലയില്‍ കണ്ടെത്തുകയായിരുന്നു. വിവരമറിഞ്ഞ് എത്തിയ പോലീസ് ഇവരുടെ താമസ സ്ഥലം പരിശോധിച്ചു. മുറി ഉള്ളില്‍ നിന്ന് പൂട്ടിയ നിലയിലായിരുന്നു. തുടര്‍ന്ന് വാതില്‍ പൊളിച്ച് അകത്ത് കയറിയ സുരക്ഷാ ഉദ്യോഗസ്ഥര്‍ ജീനയെ …

പന്തളം: കനത്ത മഴയില്‍ നിയന്ത്രണം നഷ്ടപ്പെട്ട കാര്‍ കടവരാന്തയിലേക്ക് പാഞ്ഞു കയറി. സുഹൃത്തിനെ കാത്തു നില്‍ക്കുകയായിരുന്ന യുവാവ് കാറിടിച്ച് മരിച്ചു. കുരമ്പാല പാലാ മുരുപ്പേല്‍ പരേതനായ ചിന്നത്തമ്പിയുടെ മകന്‍ സി.രാജന്‍ (അയ്യപ്പന്‍ 40 ) ആണ് മരിച്ചത്. ചൊവ്വാഴ്ച രാത്രി 11 ന് എം.സി റോഡില്‍ കുളനട മാന്തുക ജങ്ഷനില്‍ ആയിരുന്നു അപകടം. എ.സി മെക്കാനിക്ക് ആയ സുഹൃത്തിനോടൊപ്പം ജോലിക്ക് സഹായിക്കാന്‍ മാന്തുകയിലെ വീട്ടിലെത്തിയതായിരുന്നു. സുഹൃത്ത് പണം വാങ്ങുന്നതിനായി വീടിനുള്ളിലേക്ക് കയറിയപ്പോള്‍ കടവരാന്തയില്‍ കാത്തു നിന്ന രാജനെ നേരെ കാറിടിച്ചു കയറുകയായിരുന്നു. കൊട്ടാരക്കരയില്‍ നിന്നും …

പന്തളം: എം.സി റോഡില്‍ കുരമ്പാലയ്ക്ക് സമീപം മഹീന്ദ്ര ഥാര്‍ ജീപ്പിടിച്ച് ഗുരുതരാവസ്ഥയില്‍ ചികിത്സയില്‍ കഴിഞ്ഞ യുവാവ് മരിച്ചു. തിരുവല്ല താലൂക്ക് സപ്ലൈ ഓഫീസിലെ അറ്റന്‍ഡര്‍ കൊല്ലം കൈപ്പറ്റ ചിതര സീനത്ത് മന്‍സില്‍ എസ്. സലീമിന്റ മകന്‍ മിലാസ് ഖാന്‍(24) യാണ് മരിച്ചത്. ചൊവ്വാഴ്ച രാവിലെ ഒമ്പതരയോടെ എം.സി റോഡില്‍ കുരമ്പാല പാറമുക്ക് ജങ്ഷനില്‍ കാറിലും രണ്ട് സ്‌കൂട്ടറിലും ഇടിച്ച ശേഷം നിയന്ത്രണം വിട്ട ജീപ്പ് കടയിലേക്ക് ഇടിച്ചുകയറിയിരുന്നു. ജമ്മു കാശ്മീരില്‍ സൈനിക ആശുപത്രിയിലെ ഡോക്ടറായ തിരുവനന്തപുരം സ്വദേശി ആനന്ദ് ഓടിച്ച ജീപ്പ് ആണ് അപകടത്തില്‍പ്പെട്ടത്. …

റാന്നി: പന മരം മുറിക്കുന്നതിനിടെ മധ്യവയസ്‌കന് ദാരുണാന്ത്യം. പീടികപറമ്പില്‍ വിനോദ് കുമാര്‍ (51) ആണ് മരിച്ചത്. വലിയകുളം ചൂരക്കുഴിയില്‍ പനമരം മുറിച്ചിടുന്നതിനിടെ ബുധന്‍ ഉച്ചയ്ക്ക് 12 മണിയോടെയാണ് സംഭവം. വീടിന് സമീപമുള്ള പന മരം മുറിച്ചിടുന്നതിനിടെ തൊട്ടടുത്തുള്ള വൈദ്യുതി പോസ്റ്റിലേക്ക് വീഴുകയായിരുന്നു. പോസ്റ്റ് ഒടിഞ്ഞ് വിനോദിന്റെ ശരീരത്തിലേക്ക് വീഴുകയുമായിരുന്നു. ഇദ്ദേഹത്തെ റാന്നി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംസ്‌കാരം വ്യാഴം വൈകിട്ട് മൂന്നിന് വീട്ടുവളപ്പില്‍. അമ്മ: അംബുജാക്ഷി, ഭാര്യ: സ്മിത,മക്കള്‍: അഭിജിത്ത്,അമൃത.

അടൂര്‍: ജല്‍ജീവന്‍ മിഷന് വേണ്ടി പൈപ്പ് കുഴിയെടുത്തു കൊണ്ടിരുന്ന ജെസിബിയുടെ ബക്കറ്റില്‍ ബൈക്ക് തട്ടിയുണ്ടായ അപകടത്തില്‍ എന്‍ജിനീയറിങ് വിദ്യാര്‍ഥി മരിച്ചു. സഹപാഠിക്ക് ഗുരുതരമായി പരുക്കേറ്റു. തേപ്പുപാറ എസ്എന്‍ഐടി എന്‍ജിനീയറിങ് കോളിലെ ഒന്നാം വര്‍ഷ വിദ്യാര്‍ഥി ഏഴംകുളം ആറുകാലിക്കല്‍ ഈസ്റ്റ് പുളിമൂട്ടില്‍ വടക്കേതില്‍ അംജിത് മണിക്കുട്ടന്‍(20) ആണ് മരിച്ചത്. അംജിത്തിനൊപ്പം ബൈക്കില്‍ ഉണ്ടായിരുന്ന നൂറനാട്, ഉളവുക്കാട് കൈലാസത്തില്‍ എ. നിതിന്‍ (19) ഗുരുതരാവസ്ഥയില്‍ തിരുവല്ല ബിലീവേഴ്‌സ് ആശുപത്രിയില്‍ ചികിത്സയിലാണ്. ചൊവ്വാഴ്ച രാവിലെ 8.30 ന് കോളജ് ഗേറ്റിന് മുന്നിലാണ് അപകടം ഉണ്ടായിരുന്നത്. പൈപ്പ് കുഴിയെടുത്തിരുന്ന ജെസിബി …

റാന്നി: കനത്ത മഴയില്‍ സ്‌കൂട്ടര്‍ സഡന്‍ ബ്രേക്കിട്ടു. തെന്നിമാറിയ സ്‌കൂട്ടര്‍ സൈന്‍ ബോര്‍ഡില്‍ ചെന്നിടിച്ച് യുവാവിന് ദാരുണാന്ത്യം. മക്കപ്പുഴ ആലായില്‍ ഷെറിന്‍ (28)ആണ് മരിച്ചത്. പുനലൂര്‍-മൂവാറ്റുപുഴ സംസ്ഥാനപാതയില്‍ തിങ്കളാഴ്ച വൈകിട്ട് അഞ്ചരയോടെ മന്ദമരുതി പള്ളി പടിക്കും മക്കപ്പുഴ ജങ്ഷനും ഇടയിലാണ് സംഭവം. മന്ദമരുതി ഭാഗത്തു നിന്നും വീട്ടിലേക്ക് പോവുകയായിരുന്നു ഷെറിന്‍. കനത്ത മഴയ്ക്കിടെ പെട്ടെന്ന് സ്‌കൂട്ടര്‍ ബ്രേക്ക് ചെയ്തപ്പോള്‍ റോഡില്‍ നിന്ന് തെന്നി മാറുകയായിരുന്നു. വാഹനം നേരെ സൈന്‍ ബോര്‍ഡില്‍ ചെന്നിടിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. ഷെറിന്‍ സംഭവസ്ഥലത്ത് മരിച്ചതായി പറയുന്നു. അടുത്ത കാലത്ത് അന്താരാഷ്ട്ര …

റാന്നി: ഇട്ടിയപ്പാറ ചെത്തോങ്കരയില്‍ ഇരുചക്ര വാഹനാപകടത്തില്‍ ഗുരുതര പരുക്കേറ്റ് ചികില്‍സയില്‍ കഴിഞ്ഞിരുന്നയാള്‍ മരിച്ചു. പഴവങ്ങാടി മുണ്ടകത്തില്‍ അലക്‌സ് ജേക്കബ് (52 ) ആണ് മരിച്ചത്. ചെത്തോങ്കര മര്‍ത്തോമ്മ പള്ളിക്ക് സമീപം വെള്ളിയാഴ്ച രാത്രി 7.30 നാണ് അപകടം ഉണ്ടായത്. ഇട്ടിയപ്പാറയില്‍ നിന്നും അലക്‌സ് വീട്ടിലേക്ക് ഇരുചക്ര വഹനത്തില്‍ വരുമ്പോള്‍ മന്ദമരുതി ഭാഗത്തു നിന്നും എതിരേ വന്ന കാര്‍ ഇടിച്ചാണ് അപകടം. പരുക്കേറ്റ അലക്‌സിനെ നാട്ടുകാര്‍ ഉടന്‍ തന്നെ മര്‍ത്തോമ, താലൂക്ക് ആശുപത്രികളില്‍ എത്തിച്ചു. അവിടെ നിന്ന് തിരുവല്ലയിലെ സ്വകാര്യ മെഡിക്കല്‍ കോളജിലേക്ക് മാറ്റിയെങ്കിലും ശനിയാഴ്ച …

പത്തനംതിട്ട: നാരങ്ങാനത്ത് ദമ്പതികള്‍ തൂങ്ങി മരിച്ച നിലയില്‍. മാടുമേച്ചില്‍ പുത്തന്‍പുരയില്‍ രാജ ദുരൈയുടെ മകന്‍ ബിജു (39) ഭാര്യ സുമ (34) എന്നിവരെയാണ് വീടിനുള്ളില്‍ തൂങ്ങി മരിച്ച നിലയില്‍ കണ്ടത്.ബിജു നാലു വര്‍ഷമായി ക്യാന്‍സറിന് ചികിത്സയിലായിരുന്നു. കടുത്ത സാമ്പത്തിക പ്രതിസന്ധിയിലായിരുന്നു കുടുംബം എന്ന് പറയുന്നു. സംസ്‌കാരം പിന്നീട്. മക്കള്‍:വിഷ്ണു, വൈഷ്ണവി.

പന്തളം: വിഷുദിനത്തില്‍ ഉത്സവം കൂടാന്‍ പോകുന്ന വഴി കാറിടിച്ച് പരുക്കേറ്റ് ചികില്‍സയിലായിരുന്ന നാലാം ക്ലാസുകാരന്‍ മരിച്ചു. കുരമ്പാല മാധവം വീട്ടില്‍ ജയചന്ദ്രന്‍-മായ ദമ്പതികളുടെ ഇളയമകന്‍ മഹാദേവനാ(10)ണ് മരിച്ചത്. പുഴിക്കാട് ഗവണ്‍മെന്റ് യു.പി.സ്‌കൂളിലെ നാലാം ക്ലാസ് വിദ്യാര്‍ത്ഥിയായിരുന്നു. ശനിയാഴ്ച രാവിലെ 11:30 ന് പന്തളം-മാവേലിക്കര റോഡില്‍ ഇടപ്പോണ്‍ ജങ്ഷന് സമീപമായിരുന്നു അപകടം. വെണ്മണി ശാര്‍ങ്ഗക്കാവ് ദേവീക്ഷേത്രത്തിലെ വിഷു ഉത്സവത്തിനായി അമ്മ മായയുടെ സഹോദരി യുടെ വീട്ടില്‍ എത്തിയതായിരുന്നു മഹാദേവന്‍. ക്ഷേത്രത്തില്‍ പോയി മടങ്ങി വരുമ്പോള്‍ ആയിരുന്നു അപകടം സംഭവിച്ചത്. തലയ്ക്ക് ഗുരുതരമായി പരുക്കേറ്റ മഹാദേവന്‍ സ്വകാര്യ …

കൊല്ലം: നടന്‍ ഭരത് മുരളിയുടെ മാതാവ് ദേവകിയമ്മ (88) അന്തരിച്ചു. അസുഖത്തെ തുടര്‍ന്ന് ചികിത്സയിലിരിക്കെയാണ് അന്ത്യം.സംസ്‌കാരം ഞായറാഴ്ച കൊല്ലം കുടവട്ടൂര്‍ ഹരി സദനത്തില്‍ നടക്കും. പി കൃഷ്ണപിള്ളയാണ് ഭര്‍ത്താവ്. ഹരി, തുളസി, ഷീല, ഷീജ എന്നിവരാണ് മറ്റ് മക്കള്‍. തന്റെ ജീവിതത്തില്‍ വലിയ സ്വാധീനം ചെലുത്തിയ വ്യക്തിയായിരുന്നു അമ്മ ദേവകിയെന്ന് മുരളി പലവേദികളിലും പറഞ്ഞിരുന്നു. 2009 ഒഗസ്റ്റ് ആറിനാണ് ഹൃദയാഘാതത്തെ തുടര്‍ന്ന് മുരളി മരിക്കുന്നത്.