വടശേരിക്കര: പേഴുംപാറ വിദ്യാധര ഭവനില്‍ പരേതനായ അച്യുതന്റെ ഭാര്യ ഗൗരി (76) നിര്യാതയായി. വടശേരിക്കര പഞ്ചായത്ത് മുന്‍ ജീവനക്കാരിയാണ്. സംസ്‌കാരം വെള്ളിയാഴ്ച 12.30 ന് വീട്ടുവളപ്പില്‍. മക്കള്‍: ഗീത, വത്സല, രാജമ്മ, കെ.എ. വിദ്യാധരന്‍ (നാര്‍ക്കോട്ടിക് സെല്‍ ഡിവൈ.എസ്.പി പത്തനംതിട്ട). മരുമക്കള്‍: മധുസൂധനന്‍ (ഇടമുറി), രാമചന്ദ്രന്‍ (മാവേലിക്കര) പ്രസാദ് (ആറന്‍മുള), ഡോ. സിന്ധു (വെറ്റിനറി സര്‍ജന്‍).

കോന്നി: എസ്എഫ്‌ഐ നേതാവും പത്തനംതിട്ട കാതോലിക്കേറ്റ് കോളേജ് യൂണിയന്‍ മുന്‍ ജനറല്‍ സെക്രട്ടറിയുമായിരുന്ന ഐരവണ്‍ കൃഷ്ണ ഭവനില്‍ ഉണ്ണികൃഷ്ണന്‍ നായരുടെ മകന്‍ ബിമല്‍ കൃഷ്ണ (24). വാഹനാപകടത്തില്‍ മരിച്ചു. തമിഴ്‌നാട്-കര്‍ണാടക അതിര്‍ത്തിയിലെ കൃഷ്ണഗിരിയില്‍ ഞായറാഴ്ച വൈകിട്ട് ആറരയോടെയാണ് അപകടം നടന്നത്. കൃഷ്്ണഗിരിയിലെ ഡാം സന്ദര്‍ശനത്തിന് പോകുമ്പോള്‍ ബിമല്‍ സഞ്ചരിച്ച ബൈക്കില്‍ എതിരെ വന്ന കാര്‍ തട്ടി. റോഡില്‍ വീണ ബിമലിന്റെ ശരീരത്തില്‍കൂടി വന്ന ട്രക്ക് കയറിയിറങ്ങുകയായിരുന്നു. സഹോദരന്‍ അമല്‍ കൃഷ്ണയക്കൊപ്പം ബംഗളുരുവില്‍ സ്വകാര്യ സ്ഥാപനത്തില്‍ ജോലിചെയ്യുകയായിരുന്നു. സംസ്‌കാരം ചൊവ്വാഴ്ച രാവിലെ 11ന് മാതാവ് ബിന്ദുകുമാരിയുടെ …

കോഴഞ്ചേരി: വീട്ടിലുള്ളവരുമായി പിണങ്ങി ഒന്നാം നിലയിലെ മുറിയില്‍ കഴിഞ്ഞിരുന്ന ഗൃഹനാഥന്‍ മരിച്ച വിവരം വീട്ടുകാര്‍ അറിയുന്നത് നാലു ദിവസത്തിന് ശേഷം. കോഴഞ്ചേരി ഗ്രാമപഞ്ചായത്ത് ഏഴാം വാര്‍ഡില്‍ പാമ്പാടിമണ്‍ വീട്ടില്‍ അനില്‍കുമാറിന്റെ (55) മൃതദേഹമാണ് നാലാം നാള്‍ ജീര്‍ണിച്ച നിലയില്‍ കണ്ടെത്തിയത്. വീട്ടിലുള്ളവരുമായി പിണങ്ങിയതിനാല്‍ ഒന്നാം നിലയിലെ മുറിയില്‍ അനില്‍ ഒളിച്ചിരിക്കുകയാണെന്നാണ് കരുതിയത്. നാലാം ദിവസം കയറി നോക്കിയപ്പോള്‍ അടച്ചിട്ട മുറിയില്‍ ജീര്‍ണിച്ച മൃതദേഹമാണ് കണ്ടത്. ദുര്‍ഗന്ധം വമിച്ചിരുന്നില്ലെന്ന് പറയപ്പെടുന്നു. അനിലും കുടുംബത്തിലുള്ളവരും നിരന്തരമായ അഭിപ്രായ ഭിന്നത നിലനിന്നിരുന്നു. നിയമപരമായും സുഹൃത്തുക്കള്‍ വഴിയും പലപ്പോഴും ഇത് …

അടൂര്‍: നാലുമാസം മുന്‍പ് തമിഴ്‌നാട്ടില്‍ വിനോദ സഞ്ചാരത്തിനു പോയപ്പോള്‍ ഉണ്ടായ ആക്രമണത്തില്‍ പരുക്കേറ്റ യുവാവ് ആശുപത്രിയില്‍ ചികിത്സയിലിരിക്കേ മരിച്ചു. ചൂരക്കോട് എന്‍.എസ്.എസ്.ഹയര്‍ സെക്കന്‍ഡറി സ്‌കൂളിലെ ജീവനക്കാരന്‍ മണ്ണടി അറപ്പുര വിളയില്‍ രാധാകൃഷ്ണപിള്ളയുടെയും ശുഭയുടേയും മകന്‍ അനന്ദു കൃഷ്ണന്‍(ഉണ്ണിക്കുട്ടന്‍ 31) ആണ് മരിച്ചത്. കഴിഞ്ഞ നവംബര്‍ ആറിന് അച്ചന്‍കോവില്‍ മേക്കര വച്ച് കേരള അതിര്‍ത്തിയിലുള്ള യുവാക്കളാണ് അനന്ദുവിനേയും സുഹൃത്തുക്കളേയും ആക്രമിച്ചത്. അവിടേക്ക് പോകും വഴി അതിര്‍ത്തിയില്‍ വച്ച് ഇരുകൂട്ടരുമായി വാക്കു തര്‍ക്കമുണ്ടായിരുന്നു. തുടര്‍ന്ന് അനന്ദുവും സുഹൃത്തുക്കളും കുംഭാവുരുട്ടി വെള്ളച്ചാട്ടം കാണാന്‍ പോയി. മേക്കര ഡാം ഭാഗത്ത് …

അടൂര്‍: മണക്കാല ജനശക്തി നഗറില്‍ കെഐപി കനാലില്‍ വീണു കാണാതായ യുവാവിന്റെ മൃതദേഹം പുറത്തെടുത്തു. മണക്കാല, ജനശക്തി സര്‍വോദയം അനില്‍ ഭവനത്തില്‍ അനിലിന്റെ മൃതദേഹമാണ് ഞായറാഴ്ച രാവിലെ ഫയര്‍ ഫോഴ്‌സ് കണ്ടെടുത്തത്. അനില്‍ വീണ ഭാഗത്ത് തന്നെയാണ് മൃതദേഹം കിടന്നിരുന്നത്. മണക്കാല പോളിടെക്‌നിക് കോളജിലെ കാന്റീന്‍ നടത്തിപ്പുകാരനാണ്. ശനിയാഴ്ച വൈകിട്ട് നാലരയോടെയാണ് സംഭവം. സ്‌കൂട്ടര്‍ മറിഞ്ഞതിനെ തുടര്‍ന്ന് അനില്‍ തെറിച്ച് കനാലില്‍ വീണുവെന്നാണ് സംശയം. കനാലില്‍ അതിശക്തമായ ഒഴുക്കായിരുന്നതിനാല്‍ ഫയര്‍ ഫോഴ്‌സിന്റെ സ്‌കൂബ ടീമിന് ഏറെ വെല്ലുവിളി നേരിട്ടു. ഇതിനൊപ്പം തടിക്കഷണങ്ങള്‍ അടക്കമുള്ള മാലിന്യങ്ങളും …

കോയമ്പത്തൂര്‍: ഫ്രിഡ്ജ് പൊട്ടിത്തെറിച്ചു. പൊലീസുകാരനും യുവതിയും മരിച്ചു. കോയമ്പത്തൂര്‍ ജില്ലയിലെ പൊള്ളാച്ചിക്ക് സമീപം നല്ലൂര്‍ ഗ്രാമത്തിലാണ് സംഭവം. ഇന്‍സ്‌പെക്ടര്‍ ശബരിനാഥ്, ശാന്തി എന്നിവരാണ് മരിച്ചത്. വീട്ടിലെ ഫ്രിഡ്ജ് പൊട്ടിത്തെറിച്ചാണ് അപകടമുണ്ടായതെന്ന് പൊലീസ് പറഞ്ഞു. സംഭവത്തില്‍ അന്വേഷണം പുരോഗമിക്കുകയാണ്. വിവരം അറിഞ്ഞ് ഉന്നത പൊലീസ് ഉദ്യോഗസ്ഥരും അഗ്‌നിശമന സേനയും സ്ഥലത്തെത്തി. പോസ്റ്റ്‌മോര്‍ട്ടം നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുനല്‍കുമെന്ന് പൊലീസ് പറഞ്ഞു.

കോഴഞ്ചേരി: മാന്‍ ലോറിയുടെ അറ്റകുറ്റപ്പണിക്കിടെ ഉയര്‍ത്തി വച്ചിരുന്ന ക്യാബിന്‍ താഴേക്ക് വീണു മെക്കാനിക്കിന് ദാരുണാന്ത്യം. ചങ്ങനാശേരി വെങ്കോട്ട മാടപ്പള്ളി വലിയ വീട്ടില്‍ സന്തോഷ് ആണ് മരിച്ചത്. വെള്ളിയാഴ്ച രാവിലെ പുല്ലാട് കുറവന്‍ കുഴിയിലാണ് സംഭവം. ലോറിയുടെ ക്യാബിന്‍ ഉയര്‍ത്തിയതിന് ശേഷം പിന്നില്‍ ഇരുന്ന അറ്റകുറ്റപ്പണി നടത്തുന്നതിനിടെ ഹൈഡ്രോളിക സംവിധാനത്തിലെ തകരാര്‍ മൂലം ക്യാബിന്‍ ഇയാളുടെ മുകളില്‍ പതിക്കുകയായിരുന്നു. ക്യാബിനും ഷാസിയ്ക്കും ഇടയില്‍ കുടുങ്ങി തല്‍ക്ഷണം മരിച്ചു. തിരുവല്ലയില്‍ നിന്നുമെത്തിയ ഫയര്‍ ഫോഴ്‌സ് സംഘം ഏറെ പണിപ്പെട്ടാണ് മൃതദേഹം പുറത്തെടുത്തത്. ഇന്‍ക്വസ്റ്റ് തയാറാക്കിയതിന് ശേഷം മൃതദേഹം …

പത്തനംതിട്ട: കാറും ബൈക്കുകളും കൂട്ടിയിടിച്ചുണ്ടായ അപകടത്തില്‍ രണ്ട് യുവാക്കള്‍ മരിച്ചു. ഇന്നലെ അര്‍ദ്ധരാത്രിയോടെ മേലേവെട്ടിപ്രം ജങ്ഷന് സമീപമുണ്ടായ അപകടത്തില്‍ ബൈക്ക് യാത്രികരായ രണ്ട് പേരാണ് മരിച്ചത്. രണ്ടു പേര്‍ക്ക് പരുക്കേറ്റിട്ടുണ്ട്. പാലക്കാട് സ്വദേശി സജി(28), എറണാകുളം സ്വദേശി ശ്രീജിത്ത്(29) എന്നിവരാണ് മരിച്ചത്. കട്ടപ്പന സ്വദേശി ദേവന്‍, പാലക്കാട് സ്വദേശി അനീഷ് എന്നിവര്‍ക്ക് പരുക്കേറ്റു. ഇവര്‍ നാല് പേരും റാന്നിയില്‍ പെയിന്റിങ് ജോലി ചെയ്യുന്നവരാണെന്ന് പൊലീസ് പറഞ്ഞു. സെന്റ് പീറ്റേഴ്‌സ് ജങ്ഷന്‍ ഭാഗത്തുനിന്ന് താഴെ വെട്ടിപ്രം ഭാഗത്തേക്ക് പോയ ബൈക്കുകളില്‍ എതിര്‍ വശത്തുനിന്ന് വന്ന കാര്‍ …

ഇലവുംതിട്ട: പലചരക്ക് കടയുടമയെ വീടിന്റെ വര്‍ക്ക് ഏരിയായില്‍ തുങ്ങിമരിച്ച നിലയില്‍ കണ്ടെത്തിയ സംഭവത്തില്‍ ദുരൂഹത ആരോപിച്ച് ബന്ധുക്കള്‍ പോലീസില്‍ പരാതി നല്‍കി. രാമന്‍ചിറ ചക്കാലമണ്ണില്‍ ഇളയടുത്തുകാലായില്‍ വീട്ടില്‍ ജോ കോശി(42)യെയാ ണ് ഇന്നലെ പുലര്‍ച്ചെ 5.30 ഓടെ മരിച്ച നിലയില്‍ കണ്ടെത്തിയത്. സംഭവത്തില്‍ ദുരൂഹത ഉണ്ടെന്ന് ആരോപിച്ചാണ് ബന്ധുക്കളുടെ പരാതി. സാമ്പത്തിക ഇടപാടുകള്‍ ഉള്‍പ്പെടെ അന്വേഷിക്കണമെന്ന് പോലീസില്‍ നല്‍കിയ പരാതിയില്‍ ആവശ്യപ്പെടുന്നു.

തിരുവല്ല: പ്രാണിയുടെ കുത്തേറ്റ് ചികില്‍സയിലിരുന്ന എട്ടാം ക്ലാസ് വിദ്യാര്‍ഥിനി മരിച്ചു. എം ജി എം ഹയര്‍ സെക്കണ്ടറി സ്‌കൂള്‍ വിദ്യാര്‍ത്ഥിനി പെരിങ്ങര കോച്ചാരിമുക്കം പാണാറായില്‍ അനീഷ്-ശാന്തികൃഷ്ണ ദമ്പതികളുടെ മകള്‍ അംജിത.പി.അനീഷ് (13) ആണ് ചികിത്സയിലിരിക്കെ തിരുവല്ലയിലെ സ്വകാര്യ ആശുപത്രിയില്‍ ഇന്നലെ മരിച്ചത്. മാര്‍ച്ച് ഒന്നിന് വീടിനടുത്ത് മള്‍ബെറി ചെടിയില്‍ നിന്നും പഴം പറിക്കുന്നതിനിടെ ചെവിക്ക് പിന്നില്‍ ഏതോ പ്രാണി കുത്തിയതായി അംജിത വീട്ടില്‍ പറഞ്ഞിരുന്നു. ദേഹമാസകലം ചൊറിച്ചിലും തടിപ്പും അനുഭവപ്പെട്ട അംജിതയെ പിന്നീട് സ്വകാര്യ ആശുപത്രിയില്‍ പ്രവേശിപ്പിച്ചുവെങ്കിലും ഇന്നലെ മരണം സംഭവിക്കുകയായിരുന്നു. സംസ്‌കാരം നടത്തി. …