അടൂര്‍: അജ്ഞാത വാഹനമിടിച്ച് പരുക്കേറ്റ് റോഡില്‍ കിടന്നയാള്‍ മരിച്ച സംഭവത്തില്‍ ദുരൂഹതയേറുന്നു. ഇടിച്ച വാഹനമേതെന്ന് കണ്ടൊത്താന്‍ കഴിഞ്ഞിട്ടില്ല. സിസിടിവി ദൃശ്യങ്ങളിലെന്നും പറയുന്നു. അടൂര്‍-തട്ട-പത്തനംതിട്ട റോഡില്‍ പോത്രാടിനു സമീപം അജ്ഞാത വാഹനം ബൈക്കിലിടിച്ച് യാത്രക്കാരന്‍ പന്തളം തെക്കേക്കര പാറക്കര കൊല്ലംപറമ്പില്‍ കെ.ബി. ബെന്നി(52)യാണ് മരിച്ചത്. യാക്കോബായ സഭ കൊല്ലം ഭദ്രാസനാധിപന്‍ മാത്യൂസ് മോര്‍ തേവോദോസിയോസ് മെത്രാപ്പോലീത്തയുടെ ഡ്രൈവറായിരുന്നു ബെന്നി. ചൊവ്വാഴ്ച രാത്രി ഒന്‍പതിനാണ് അപകടം നടന്നതെന്ന് കരുതുന്നു. ബെന്നി തട്ട ഭാഗത്തേക്ക് പോകുകയായിരുന്നു. അതു വഴി വന്ന മന്ത്രി റോഷി അഗസ്റ്റിന്റെ നേതൃത്വത്തിലായിരുന്നു രക്ഷാപ്രവര്‍ത്തനം. ബെന്നിയെ …

പന്തളം: പിക് അപ് വാനുമായി കൂട്ടിയിടിച്ച് സ്‌കൂട്ടര്‍ യാത്രക്കാരനായ യുവാവ് മരിച്ചു. സഹയാത്രികന് പരുക്കേറ്റു. മുടിയൂര്‍ക്കോണം വിജയലക്ഷ്മിവിലാസം രാധാകൃഷ്ണന്റെ മകന്‍ ഹരി എന്ന് വിളിക്കുന്ന ആകാശ് (19) ആണ് മരിച്ചത്. കുരമ്പാല തെങ്ങു വിളയില്‍ അഭിജിത്തിനെ (19) പരുക്കുകളോടെ ആശുപത്രിയില്‍ പ്രവേശിപ്പിച്ചു. വ്യാഴം ഉച്ചയ്ക്ക് 12.30 ന് പന്തളം-മാവേലിക്കര റോഡില്‍ പൂളയില്‍ മുക്കിന് സമീപമായിരുന്നു അപകടം. ബൈക്ക് യാത്രികര്‍ പന്തളം ഭാഗത്തേക്ക് വരികയായിരുന്നു. വിജയലക്ഷ്മിയാണആകാശിന്റെ മാതാവ്. സഹോദരങ്ങള്‍: അജയ്, ആദര്‍ശ്. മൃതദേഹം അടുര്‍ ജനറല്‍ ആശുപത്രി മോര്‍ച്ചറിയില്‍.

പാലക്കാട്: മരുമകന് എടുത്തു കൊടുത്ത ലോണിന് വന്നത് 1.38 കോടിയുടെ ജപ്തി നോട്ടീസ്. നോട്ടീസ് ലഭിച്ചതിന് പിന്നാലെ ഗൃഹനാഥന്‍ തൂങ്ങിമരിച്ചു. പാലക്കാട് കള്ളിക്കാട് കെഎസ്എം മന്‍സിലില്‍ അയൂബ് (60) ആണ് മരിച്ചത്. മരുമകന് ബിസിനസ് ആവശ്യത്തിനായി സ്വകാര്യ ബാങ്കില്‍ നിന്ന് വായ്പ എടുത്തിരുന്നു. തിങ്കളാഴ്ച രാവിലെയാണ് സംഭവം. വീട്ടിനുള്ളില്‍ അയൂബിനെ തൂങ്ങിമരിച്ച നിലയില്‍ കണ്ടെത്തുകയായിരുന്നു. മരുമകന്റെ ബിസിനസ് ആവശ്യത്തിനായി സ്വന്തം വീട് ഉള്‍പ്പെടെ വസ്തുവകകള്‍ ഈടായി നല്‍കി സ്വകാര്യ ബാങ്കില്‍ നിന്ന് വായ്പ എടുത്തിരുന്നു. വായ്പ തിരിച്ചടവ് മുടങ്ങിയതിനെ തുടര്‍ന്ന് 1.38 കോടി രൂപ …

പന്തളം: നിയന്ത്രണം വിട്ട ബൈക്ക് മതിലിടിച്ച് സംഗീത അധ്യാപകന്‍ മരിച്ചു. സഹയാത്രികന് പരുക്കേറ്റു. തിരുവനന്തപുരം സ്വാതി തിരുന്നാള്‍ സംഗീത കോളേജിലെ റിട്ട. അധ്യാപകനും കറ്റാനം വെട്ടിക്കോട് അമൃതവര്‍ഷിണി വീട്ടില്‍ കെ.കെ ഓമനക്കുട്ട(64)നാണ് മരിച്ചത്. പന്തളം-മാവേലിക്കര റോഡില്‍ മുടിയൂര്‍ക്കോണം ചെറുമലയ്ക്ക് സമീപം ഞായറാഴ്ച നാലുമണിയോടെ ആയിരുന്നു അപകടം. ആറന്മുള ക്ഷേത്രത്തില്‍ ബന്ധുവിന്റെ വിവാഹത്തില്‍ പങ്കെടുത്തശേഷം വീട്ടിലേക്ക് മടങ്ങുമ്പോള്‍ ആയിരുന്നു അപകടം. ഒപ്പമുണ്ടായിരുന്ന ബന്ധു കുറത്തികാട് മേല്‍പ്പള്ളി വിജയഭവനത്തില്‍ ചന്ദ്രന്‍ (58) നെ പരുക്കുകളോടെ പന്തളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. വെട്ടിക്കോട്ടില്‍ സംഗീത സ്‌കൂള്‍ നടത്തിവരികയായിരുന്നു. ഭാര്യ. …

പത്തനംതിട്ട: ഭാര്യാപിതാവ് മരിച്ച വിവരം അറിഞ്ഞ് പഞ്ചാബില്‍ നിന്ന് നാട്ടിലേക്ക് തിരിച്ച മരുമകന്‍ റെയില്‍വേ സ്‌റ്റേഷനില്‍ കുഴഞ്ഞു വീണു മരിച്ചു. ആറന്മുള ദീപാലയത്തില്‍ കെ.ആര്‍.രവീന്ദ്രന്‍ നായര്‍( ജില്ലാ സഹകരണ ബാങ്ക് റിട്ട.എക്‌സിക്യൂട്ടീവ് ഓഫീസര്‍ 70), മരുമകന്‍ പന്തളം തോന്നല്ലൂര്‍ വടക്കേനലു  തുണ്ടിയില്‍ പരേതനായ രാഘവന്‍ പിളളയുടെയും ജാനകിയമ്മയുടെയും മകന്‍ ആര്‍.സതീഷ് കുമാര്‍ (55-ഐ.ഓ.എല്‍.കെമിക്കല്‍സ് പഞ്ചാബ്) എന്നിവരാണ് മരിച്ചത്. ഭാര്യാപിതാവിന്റെ മരണവാര്‍ത്തയറിഞ്ഞ് നാട്ടിലേക്ക് മടങ്ങും വഴിയാണ് സതീഷിന്റെ മരണം. ദല്‍ഹിയിലെത്തി വിമാനത്തില്‍ നാട്ടിലേക്ക് വരാന്‍ വേണ്ടി ലുധിയാന റെയിവേ സ്‌റ്റേഷനില്‍ എത്തിയപ്പോഴാണ് അസുഖം ഉണ്ടായത്. ഒപ്പമുണ്ടായിരുന്ന …

കടമ്പനാട്: അഞ്ചു ദിവസം പഴക്കമുള്ള 65 വയസ് പ്രായം തോന്നിക്കുന്ന പുരുഷന്റെ മൃതദേഹം കനാല്‍ കലുങ്കിനു സമീപത്തെ ഓവിനുള്ളില്‍ നിന്നും കണ്ടെത്തി. കടമ്പനാട് മാഞ്ഞാലി അരയാലപുറം ഭാഗത്തെ കനാലിന് കുറുകെയുള്ള കലുങ്കിനു സമീപത്തെ വെള്ളം ഒഴുകി പോകാനുള്ള ഓവിനുള്ളില്‍ നിന്നാണ് മൃതദേഹം കണ്ടെത്തിയത്. ദുര്‍ഗന്ധമുണ്ടായതിനെ തുടര്‍ന്ന് നാട്ടുകാര്‍ നടത്തിയ പരിശോധനാലാണ് മൃതദേഹം കണ്ടത്. ഞായറാഴ്ച വൈകിട്ട് അഞ്ചിനാണ് മൃതദേഹം കണ്ടെത്തിയത്. മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. ഏനാത്ത് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.

അടൂര്‍: രാവിലെ പൂജ കഴിഞ്ഞ് വിശ്രമിച്ചിരുന്ന ശാന്തിക്കാരനെ വിശ്രമമുറിയില്‍ മരിച്ച നിലയില്‍ കണ്ടെത്തി. തെങ്ങുംതാര ഉമാമഹേശ്വര ക്ഷേത്രത്തിലെ ശാന്തിക്കാരന്‍ പുനലൂര്‍ മണിയാര്‍ തോമ്പില്‍ കിഴക്കേതില്‍ പുത്തന്‍ വീട്ടില്‍ രഘുനാഥന്‍ (50) ആണ് മരിച്ചത്. തെങ്ങുംതാരയില്‍ വാടകയ്ക്ക് താമസിക്കുന്ന കെട്ടിടത്തിലെ മുറിയിലാണ് മൃതദേഹം കണ്ടത്. ഞായര്‍ രാവിലെ പൂജയ്ക്ക് ശേഷം ഒമ്പതിന് തിരികെ പോന്നു. വൈകിട്ട് കാണാത്തതിനെ തുടര്‍ന്ന് ക്ഷേത്ര ഭാരവാഹികള്‍ താമസിക്കുന്നിടത്ത് തിരക്കി ചെന്നപ്പോഴാണ് കട്ടിലില്‍ മരിച്ച നിലയില്‍ കണ്ടെത്തിയത്. അടൂര്‍ പോലീസ് കേസെടുത്തു. ഒന്നര മാസം മുന്‍പാണ് ഈ ക്ഷേത്രത്തില്‍ ശാന്തിയ്‌ക്കെത്തിയത്.

പത്തനംതിട്ട: മൈലപ്ര പഞ്ചായത്ത് പ്രസിഡന്റ് ചന്ദ്രിക സുനില്‍ (59) അന്തരിച്ചു. അസുഖ ബാധിതയായി ചികിത്സയിലായിരുന്നു. മഹിളാ അസോസിയേഷന്‍ പത്തനംതിട്ട ഏരിയാ ജോയിന്റ് സെക്രട്ടറിയും സിപിഎം മൈലപ്ര ലോക്കല്‍ കമ്മിറ്റിയംഗവുമാണ്. നാല് തവണ മൈലപ്ര പഞ്ചായത്തംഗവുമായിരുന്നു. സംസ്ക്കാരം ഞായർ 1 മണി. മൈലപ്ര മാധവവിലാസത്തില്‍ എന്‍ ആര്‍ സുനില്‍ കുമാര്‍ (സിപിഎം മൈലപ്ര ലോക്കല്‍ കമ്മിറ്റിയംഗം, എന്‍എസ്എസ് കരയോഗം വൈസ് പ്രസിഡന്റ്) ആണ് ഭര്‍ത്താവ്. മക്കള്‍: ശരത് എസ്. കുമാര്‍ (ബാങ്ക് ഓഫ് ബറോഡ പന്തളം ബ്രാഞ്ച്), ശ്യാമിലി എസ്.കുമാര്‍ (മൈലപ്ര പഞ്ചായത്ത് ഇന്റേറണ്‍). മരുമക്കള്‍: …

പന്തളം: കാണാതായ യുവാവിനെ തോട്ടില്‍ മരിച്ച നിലയില്‍ കണ്ടെത്തി. തുമ്പമണ്‍ പാണ്ടിയാന്‍ തുണ്ടില്‍ കിഴക്കേതില്‍ അലക്‌സാണ്ടറുടെ മകന്‍ ജോജന്‍ അലക്‌സിന്റെ (35) മൃതദേഹമാണ് തുമ്പമണ്‍-കീരുകുഴി റോഡില്‍ പമ്പു പാലത്തിനു സമീപത്തെ തോട്ടിലെ വെളളത്തില്‍ കാണപ്പെട്ടത്. മൃതദേഹത്തിനു രണ്ടു ദിവസത്തോളം പഴക്കമുണ്ടെന്ന് പോലീസ് പറഞ്ഞു. വ്യാഴാഴ്ച വൈകിട്ട് നാലരയോടെയാണ് വെള്ളത്തില്‍ കമിഴ്ന്നു കിടക്കുന്ന നിലയില്‍ മൃതദേഹം കണ്ടത്. രണ്ടു ദിവസമായി ജോജനെ കാണാനില്ലായിരുന്നുവെന്ന് ബന്ധുക്കള്‍ പറഞ്ഞു. മൃതദേഹം ഇന്‍ക്വസ്റ്റിനു ശേഷം അടൂര്‍ ജനറല്‍ ആശുപത്രി മോര്‍ച്ചറിയിലേക്ക് മാറ്റി. വെള്ളിയാഴ്ച കോട്ടയം മെഡിക്കല്‍ കോളേജ് ആശുപത്രിയില്‍ പോസ്റ്റ് …

പത്തനംതിട്ട: കോണ്‍ക്രീറ്റ് മിക്‌സര്‍ യൂണിറ്റുമായി വന്ന ട്രാക്ടര്‍ ഇറക്കത്തില്‍ നിയന്ത്രണം വിട്ട് മറിഞ്ഞ് ഡ്രൈവര്‍ മരിച്ചു. പീരുമേട് സ്വദേശി അഭിലാഷ് (38) ആണ് മരിച്ചത്. വ്യാഴാഴ്ച വൈകിട്ട് 4.45 ന് മലയാലപ്പുഴ സ്‌റ്റേഷന്‍ പരിധിയില്‍പ്പെട്ട കൊമ്പനോലിയിലായിരുന്നു അപകടം. റോഡ് പണിക്കായുള്ള കോണ്‍ക്രീറ്റ് മിക്‌സര്‍ യൂണിറ്റ് പ്ലാന്റ് ഘടിപ്പിച്ച ട്രാക്ടറാണ് ഇറക്കം ഇറങ്ങുമ്പോള്‍ നിയന്ത്രണം വിട്ട് മറിഞ്ഞത്. ഭാരമേറിയ മിക്‌സിങ് പ്ലാന്റ് ട്രാക്ടറിന് പിന്നില്‍ ഘടിപ്പിച്ചിരിക്കുകയായിരുന്നു. ഇറക്കം ഇറങ്ങുമ്പോള്‍ അമിത ഭാരമുള്ള മിക്‌സര്‍ യൂണിറ്റ് നിയന്ത്രണം തെറ്റി ട്രാക്ടറിന്റെ പിന്നില്‍ വന്നിടിച്ചു. തുടര്‍ന്ന് മിക്‌സര്‍ യൂണിറ്റുമായി …