ശബരിമല: നിലയ്ക്കല്‍ പാര്‍ക്കിങ് ഗ്രൗണ്ടിപിന്നോട്ടെടുത്ത ബസിനടിയില്‍പെട്ട് തമിഴ്‌നാട് സ്വദേശിയായ തീര്‍ത്ഥാടകന്‍ മരിച്ചു. തമിഴ്‌നാട് തിരുവള്ളൂര്‍ ജില്ലയില്‍ പുന്നപ്പാക്കം അയ്യര്‍ തെരുവ് 73 ല്‍ ഗോപിനാഥ് (24)ആണ് മരിച്ചത്. തമിഴ്‌നാട്ടില്‍ നിന്നുള്ള തീര്‍ത്ഥാടകര്‍ക്ക് അനുവദിച്ചിട്ടുള്ള പത്താം നമ്പര്‍ പാര്‍ക്കിങ് ഗ്രൗണ്ടില്‍ രാത്രി ഒമ്പതേകാലോടെയാണ് സംഭവം. തീര്‍ത്ഥാടകര്‍ വന്ന തമിഴ്‌നാട് രജിസ്‌ട്രേഷന്‍ ബസ് പിന്നോട്ട് എടുക്കുമ്പോഴാണ് അപകടം. ഗോപിനാഥ് വന്ന ബസല്ല ഇയാളെ ഇടിച്ചതെന്ന് നിലയ്ക്കല്‍ പോലീസ് പറഞ്ഞു.  

അടൂര്‍: കഴുത്തില്‍ കെട്ടിയിരുന്ന കയറുമായി ചതുപ്പ് നിലത്തിലേക്ക് വീണു പോത്ത് ചത്തു. ഇത് കണ്ട് ഉടമയായ വയോധികന്‍ കുഴഞ്ഞ് വീണ് മരിച്ചു.  ഏനാദിമംഗലം മങ്ങാട് ഗണപതിവിലാസം തെക്കേതില്‍ രാമകൃഷ്ണന്‍ (70)ആണ് മരിച്ചത്. ഉച്ചയ്ക്ക് 2.20ന് മങ്ങാട് ഗണപതിചിറയിലായിരുന്നു സംഭവം. രാമകൃഷ്ണന്‍ തന്റെ പോത്തിനെ ഗണപതിച്ചിറയ്ക്ക് സമീപമാണ് കെട്ടിയിരുന്നത്. മേയുന്നതിനിടെ താഴ്ചയുള്ള ചതുപ്പിലേക്ക് വീണു പോയ പോത്ത് കഴുത്തില്‍ കയര്‍കുരുങ്ങി തൂങ്ങിനിന്നു. വിവരമറിഞ്ഞ് അടൂരില്‍ നിന്നും അഗ്‌നിരക്ഷാ സംഘം സ്ഥലത്തെത്തുമ്പോഴേക്കും പോത്ത് ചത്തിരുന്നു. ഇത് കണ്ടാണ് രാമകൃഷ്ണന്‍ കുഴഞ്ഞുവീണത്. ഇദ്ദേഹത്തെ ഉടന്‍ തന്നെ ആശുപത്രിയിലേക്ക് കൊണ്ടുപോയെങ്കിലും …

ചെന്നൈ: തമിഴ്‌നാട്ടില്‍ വാഹനാപകടത്തില്‍ രണ്ടു മതാസം മാത്രം പ്രായമുളള കുട്ടിയടക്കം മൂന്നു മലയാളികള്‍ക്ക് ദാരുണാന്ത്യം. കോയമ്പത്തൂര്‍ മധുക്കരയിലാണ് അപകടം. പത്തനംതിട്ട ഇരവിപേരൂര്‍ സ്വദേശികളായ ജേക്കബ് എബ്രഹാം (60), ഷീബ ജേക്കബ്, ആരോണ്‍ ജേക്കബ് (രണ്ടു മാസം) എന്നിവരാണ് മരിച്ചത്. ഒരു കുടുംബത്തിലെ മൂന്നു പേരാണ് മരിച്ചത്. ആരോണിന്റെ അമ്മ അലീനയെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചു. സംഭവത്തില്‍ ലോറി ഡ്രൈവര്‍ കരൂര്‍ സ്വദേശി ശക്തിവേല്‍ അറസ്റ്റിലായിട്ടുണ്ട്. മലയാളികളായ കുടുംബം സഞ്ചരിച്ച ഓള്‍ട്ടോ കാറും ലോറിയും കൂട്ടിയിടിച്ചാണ് അപകടം ഉണ്ടായത്. മലയാളികള്‍ ബംഗളൂരുവിലേക്ക് പോവുകയായിരുന്നു. രാവിലെ …

പത്തനംതിട്ട: എ.എസ്.ഐയെ തൂങ്ങി മരിച്ച നിലയില്‍ കണ്ടെത്തി. സാമ്പത്തിക ബാധ്യത ആത്മഹത്യയിലേക്ക് നയിച്ചുവെന്ന് സംശയം. സംസ്ഥാന ഇന്റലിജന്‍സിലെ എ.എസ്.ഐ അടൂര്‍ പോത്രാട് സ്വദേശി കെ. സന്തോഷ് ആണ് മരിച്ചത്. നഗരത്തില്‍ പൂണിയില്‍ ഫ്‌ളവര്‍ സ്‌റ്റോഴ്‌സിന് എതിര്‍വശം അഭിഭാഷകരുടെ ഓഫീസ് പ്രവര്‍ത്തിക്കുന്ന കെട്ടിടത്തിന്റെ മൂന്നാം നിലയിലെ ടെറസിലാണ് ഇന്ന് വൈകിട്ട് മൃതദേഹം കണ്ടെത്തിയത്. ഇന്റലിജന്‍സില്‍ അടൂര്‍ സ്‌റ്റേഷന്‍ കേന്ദ്രീകരിച്ചാണ് ജോലി ചെയതിരുന്നത്. വൈകിട്ട് മകനെയും കൂട്ടിയാണ് സന്തോഷ് പത്തനംതിട്ടയിലേക്ക് വന്നത്. ഈ വിവരം സഹപ്രവര്‍ത്തകരെയും വിളിച്ച് പറഞ്ഞിരുന്നു. മകനെ സമീപത്തെ ലോഡ്ജ് മുറിയില്‍ ഇരുത്തിയ ശേഷം …

പത്തനംതിട്ട: ഉത്തരാഖണ്ഡ് ഋഷികേശില്‍ കഴിഞ്ഞ നവംബര്‍ 29 ന് ഗംഗാനദിയില്‍ വീണ് കാണാതായ പത്തനംതിട്ട കോന്നി സ്വദേശി ആകാശ് മോഹന്റെ മൃതദേഹം കണ്ടെത്തി. ഋഷികേശിലെ എയിംസില്‍ പോസ്റ്റ്‌മോര്‍ട്ടം നടപടികള്‍ക്കുശേഷം ഭൗതികശരീരം മൃതദേഹം ബന്ധുക്കള്‍ ഏറ്റുവാങ്ങി വൈകുന്നേരത്തോടെ ഡല്‍ഹിയിലേക്ക് കൊണ്ടുപോകും. അപകടവിവിവരം അറിഞ്ഞയുടന്‍ ഉത്തരാഖണ്ഡ് പോലീസിന്റെ നേതൃത്വത്തിലുളള സംസ്ഥാന ദുരന്ത പ്രതികരണ സേന (എസ്ഡിആര്‍എഫ്) യുടേയും റിവര്‍ റാഫ്റ്റിങ് സര്‍വ്വീസ് നടത്തുന്നവരുടേയും നേതൃത്വത്തില്‍ ആകാശ് മോഹനായുളള തിരച്ചില്‍ ആരംഭിച്ചിരുന്നു. ഇന്ന് പുലര്‍ച്ചയോടെ നടത്തിയ തിരച്ചിലിലാണ് മൃതദേഹം കണ്ടെത്താനായത്. ഡല്‍ഹി കേരളഹൗസ് റെസിഡന്റ് കമ്മീഷണറും നോര്‍ക്ക റൂട്ട്‌സ് …

കൊടുമണ്‍: പഴയ കെട്ടിടം പൊളിക്കുന്നതിനിടെ ജാക് ഹാമര്‍ നെഞ്ചത്ത് തുളച്ച് കയറി തൊഴിലാളി മരിച്ചു. കൊടുമണ്‍ കളീയ്ക്കല്‍ ജയിംസ് (60) ആണ് മരിച്ചത്. വ്യാഴാഴ്ച രാവിലെ 11.30 ന് നെടുമണ്‍കാവിലുള്ള പഴയ കെട്ടിടത്തിന്റെ കോണ്‍ക്രീറ്റ് ഭാഗം പൊളിക്കുന്നതിനിടെ താഴെ വീണ ജയിംസിന്റെ നെഞ്ചത്തേക്ക് മെഷീന്‍ തുളച്ചുകയറുകയായിരുന്നു. ഉടന്‍ തന്നെ പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: ബീന. മക്കള്‍: നേഹ അന്ന, നിര്‍മ്മല. മരുമക്കള്‍: ബിജോഷ്, ജിനു.

ആലപ്പുഴ: ചേര്‍ത്തലയില്‍ കെഎസ്ആര്‍ടിസി ബസ് ഇടിച്ച് ബൈക്ക് യാത്രക്കാരായ രണ്ടു യുവാക്കള്‍ മരിച്ചു. നെടുമ്പ്രക്കാട് പുതുവല്‍ നികര്‍ത്തില്‍ നവീന്‍, സാന്ദ്ര നിവാസില്‍ ശ്രീഹരി എന്നിവരാണ് മരിച്ചത്. എക്‌സ്‌റേ ജംഗ്ഷന് സമീപം പുലര്‍ച്ചെ ഒരു മണിയോടെയാണ് അപകടം. ഇരുവരും സംഭവസ്ഥലത്തു തന്നെ മരിച്ചു.മൃതദേഹം പോസ്റ്റ്മാര്‍ട്ടത്തിന് ശേഷം ബന്ധുക്കള്‍ക്ക് വിട്ടു നല്‍കും.

അടൂര്‍: മരം മുറിച്ചു താഴെയിറക്കുന്നതിനിടെ കാല്‍വഴുതി കിണറ്റില്‍ വീണ് മരം വെട്ടുകാരന്‍ മരിച്ചു. നഗരസഭ 16ാം വാര്‍ഡില്‍ പറക്കോട് മറ്റത്തുകിഴക്കതില്‍ ഹസീനയുടെ വീട്ടിലെ കിണറ്റിലാണ് മരംവെട്ടു തൊഴിലാളിയായ ഏഴംകുളം പുതുമല ശ്രീനിലയത്തില്‍ പി.എ. സുരേഷ് (50) വീണത്. ഹസീന ബീവിയുടെ വീട്ടുമുറ്റത്തു നിന്നിരുന്ന പ്ലാവ് മുറിക്കുന്നതിനിടെയാണ് സംഭവം. മരം മുറിച്ചു വടം കെട്ടി ഇറക്കുന്നതിനിടയില്‍ ബാലന്‍സ് തെറ്റി തൊട്ടടുത്തുള്ള കിണറ്റിലേക്ക് തെറിച്ചു വീഴുകയായിരുന്നു. സ്ഥലത്ത് എത്തിയ ഫയര്‍ ആന്‍ഡ് റെസ്‌ക്യൂ സംഘം ഓഫീസര്‍ ദീപേഷിനെ കിണറ്റിലിറക്കി ഹൂക്ക് ഉപയോഗിച്ച് സുരേഷിന്റെ മൃതദേഹം സേനാംഗങ്ങളുടെ സഹായത്തോടെ …

കണ്ണൂര്‍: മലയാംപടിയില്‍ നാടകസംഘം സഞ്ചരിച്ച മിനി ബസ് മറഞ്ഞു. അപകടത്തില്‍ രണ്ട് പേര്‍ മരിച്ചു. കായംകുളം മുതുകുളം സ്വദേശി അഞ്ജലി (32), കരുനാഗപ്പള്ളി തേവലക്കര സ്വദേശിനി ജെസി മോഹന്‍ എന്നിവരാണ് മരിച്ചത്. അപകടത്തില്‍ പരിക്കേറ്റ ഒരാളുടെ നില ഗുരുതരമാണ് കഴിഞ്ഞ രാത്രി നാടകം കഴിഞ്ഞ് കടന്നപ്പള്ളിയില്‍ നിന്ന് ബത്തേരിയിലേക്ക് പോകുന്ന വണ്ടിയാണ് അപകടത്തില്‍പ്പെട്ടത്. മലയാംപടി എസ് വളവില്‍ വെച്ചാണ് മിനി ബസ് മറിഞ്ഞത്. 14 പേരാണ് സംഘത്തില്‍ ഉണ്ടായിരുന്നത്. 9 പേരെ പരിക്കുകളോടെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ദേവ കമ്മ്യൂണിക്കേഷന്‍ കായംകുളം എന്ന …

പത്തനംതിട്ട: റോഡിന് കുറുകെ നായ ചാടിയതിനെ തുടര്‍ന്ന് സ്‌കൂട്ടര്‍ നിയന്ത്രണം വിട്ടു മറിഞ്ഞ് വയോധികന്‍ മരിച്ചു. കൂടല്‍ മംഗലത്ത് തെക്കേതില്‍ പങ്കജാക്ഷന്‍ (71) ആണ് മരിച്ചത്. ഇന്നലെ രാത്രി എട്ടു മണിയോടെ മലയാലപ്പുഴ പുതുക്കുളത്താണ് സംഭവം. കൂടലിലെ വീട്ടില്‍ നിന്നും മകള്‍ ശ്രീജ ഓടിച്ച സ്‌കൂട്ടറില്‍ പെരുനാട്ടിലേക്ക് വരികയായിരുന്നു പങ്കജാക്ഷന്‍. ശ്രീജയുടെ ഭര്‍തൃവീടാണ് പെരുനാട്ടിലേത്. അപകടത്തില്‍ ഗുരുതര പരുക്കേറ്റ പങ്കജാക്ഷനെ ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല. ശ്രീജയ്ക്കും സാരമായ പരുക്കുണ്ട്.