നാരങ്ങാനം:- മനോവൈകല്യമുള്ള മകനോടൊപ്പം കഴിഞ്ഞിരുന്ന വീട്ടമ്മയെ വീടിന് സമീപം മരിച്ച നിലയിൽ കണ്ടെത്തി.നാരങ്ങാനം നിരന്നകാലാ ജംഗ്ഷന് സമീപം മേമുറിയിൽ പരേതനായ ചെറിയാൻ ഏബ്രഹാമിൻ്റെ ഭാര്യ മറിയാമ്മ ഏബ്രഹാ (76) മാണ് മരിച്ചത്. രാവിലെ 8 മണിയോടെയാണ് സമീപവാസികൾ മൃതശരീരം കണ്ടത്. മുഖത്തും ശരീരഭാഗങ്ങളിലും പാടുകളും രക്തം കട്ടപിടിച്ച പോലെയും കണ്ടിരുന്നു. ആറന്മുള പോലീസെത്തി അനന്തരനടപടികൾ സ്വീകരിച്ചു. ഫോറൻസിക് വിദഗ്ദ്ധരും സ്ഥലത്തെത്തി തെളിവെടുത്തു. സംസ്കാരം പിന്നീട്. മക്കൾ:- കെ.സി.ഏബ്രഹാം (സജൻ), കെ.സി.ജോൺ

കോഴഞ്ചേരി: അമിത വേഗതയിലെത്തിയ കാര്‍ ഇടിച്ച് സ്‌കൂട്ടര്‍ യാത്രികന്‍ മരിച്ചു. കാര്‍ മറ്റ് മൂന്ന് സ്‌കൂട്ടറുകളില്‍ ഇടിച്ചതിനെ തുടര്‍ന്ന് മൂന്നുപേര്‍ക്ക് പരുക്കേറ്റു. പ്ലാങ്കമണ്‍ വെളളിയറ കൊച്ചേത്തറയില്‍ ഉണ്ണികൃഷ്ണ(45)നാണ് മരിച്ചത്. പരുക്കേറ്റവരില്‍ ഒരാളുടെ നില ഗുരുതരമാണ്. കാറിന്റെ ഡ്രൈവര്‍ മദ്യലഹരിയിലായിരുന്നുവെന്ന് പോലീസ് പറഞ്ഞു. ചൊവ്വാഴ്ച ഉച്ചയ്ക്ക് 12 ന് അയിരൂര്‍ പഞ്ചായത്തിലെ വാളംപടിക്കും പാലച്ചുവടിനും ഇടയിലായിരുന്നു സംഭവം. വാളംപടിക്ക് സമീപം വെച്ച് തടിയൂര്‍ പുത്തന്‍ശബരിമല പുളിക്കല്‍ പ്രസന്നകുമാറിന്റെ സ്‌കൂട്ടറില്‍ ഇടിച്ച കാര്‍ അവിടെ നിന്നും ചെറുകോല്‍പ്പുഴ ഭാഗത്തേക്ക് വന്ന് പാലച്ചുവടിന് സമീപം വച്ച് പ്ലാങ്കമണ്‍ വെളളിയറ …

ആലപ്പുഴ: ഭര്‍തൃവീട്ടില്‍ യുവതിയെ മരിച്ച നിലയില്‍ കണ്ടെത്തിയ സംഭവത്തില്‍ ഫേസ്ബുക്ക് സ്റ്റാറ്റസില്‍ നിന്ന് ആത്മഹത്യാക്കുറിപ്പ് കണ്ടെത്തി പോലീസ്. പിതാവിന്റെ മരണത്തില്‍ ദുഃഖിതയാണെന്നും പിതാവിനൊപ്പം പോകുന്നുവെന്നുമാണ് കുറിപ്പിലുള്ളത്. എന്നാല്‍ സ്റ്റാറ്റസ് ഇട്ടത് പെണ്‍കുട്ടി തന്നെയാണോ എന്ന് പോലീസ് പരിശോധിക്കുന്നുണ്ട്. ആലപ്പുഴ നഗരസഭയില്‍ ലെജനത്ത് വാര്‍ഡില്‍ ആസിയ(22)യാണ് മരിച്ചത്. നാല് മാസം മുമ്പായിരുന്നു ഡെന്റല്‍ ടെക്‌നീഷ്യനായിരുന്ന ആസിയയുടെ വിവാഹം. വിവാഹത്തിന് ഒരു മാസം മുമ്പാണ് ആസിയയുടെ പിതാവ് മരിച്ചത്. മൂവാറ്റുപുഴയില്‍ താമസിച്ച് ജോലി ചെയ്തുവരുന്ന ആസിയ ആഴ്ച്ചയില്‍ ഒരു ദിവസമാണ് ഭര്‍തൃവീട്ടില്‍ വരുന്നത്. ഞായറാഴ്ച ഭര്‍ത്താവും മാതാപിതാക്കളും …

പത്തനംതിട്ട: ആഢംബര ബൈക്ക് നിയന്ത്രണം വിട്ടു മറിഞ്ഞ് യുവാവ് മരിച്ചു. സുഹൃത്തിന് ഗുരുതരമായി പരുക്കേറ്റു. ഇലന്തൂര്‍ നിരവത്തു വീട്ടില്‍ ജലജ മനുവിന്റെ (ബിന്ദു) മകന്‍ മിഥുന്‍ (മണികണ്ഠന്‍-21) ആണ് മരിച്ചത്. കൂടെയുണ്ടായിരുന്ന പുനലൂര്‍ സ്വദേശി അനന്തു ഗുരുതരാവസ്ഥയില്‍ ചികില്‍സയിലാണ്. ഇന്നു പുലര്‍ച്ചെ രണ്ടരയോടെ അഞ്ചക്കാലായിലാണ് അപകടമുണ്ടായത്. ഇവര്‍ സഞ്ചരിച്ചിരുന്ന ഡ്യൂക്ക് ബൈക്ക് നിയന്ത്രണം വിട്ടു മറിയുകയായിരുന്നു. പരുക്കേറ്റ ഇരുവരെയും പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും മിഥുന്‍ മരിച്ചു. മൈക്രെയിന്‍ സര്‍വീസിലെ ജീവനക്കാരായിരുന്നു ഇരുവരും.

തിരുവല്ല: സൈക്കിളില്‍ നിന്ന് വീണ് വയോധികന്‍ മരവിച്ചു. കല്ലുങ്കല്‍ പാപ്പിനാട്ടില്‍ വീട്ടില്‍ കെ.പി മുരളി (61) ആണ് മരിച്ചത്. വെള്ളിയാഴ്ച ഉച്ചയ്ക്ക് 12 മണിയോടെ തുകലശ്ശേരി ശ്രീരാമകൃഷ്ണ ആശ്രമത്തിന് സമീപം ആയിരുന്നു സംഭവം. തലയ്ക്ക് ഗുരുതര പരുക്കേറ്റ് വഴിയരികില്‍ വീണു കിടന്നിരുന്ന മുരളിയെ സമീപവാസികള്‍ ചേര്‍ന്ന് താലൂക്ക് ആശുപത്രിയില്‍ എത്തിച്ചു. തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും രണ്ടു മണിയോടെ മരിച്ചു. അസ്വാഭാവിക മരണത്തിന് പോലീസ് കേസ് രജിസ്റ്റര്‍ ചെയ്തിട്ടുണ്ട്. ഭാര്യ: ശ്യാമള. മക്കള്‍: ശ്യാം, ശരത്. മരുമകള്‍:: നിഖില. സംസ്‌കാരം പിന്നീട്.

കോഴഞ്ചേരി: റാന്നി സ്വദേശിയായ യുവാവിനെ വാടകവീടിനു സമീപം ഷോക്കേറ്റു മരിച്ച നിലയില്‍ കണ്ടെത്തി. അയിരൂര്‍ തടിയില്‍ കരിഞ്ചോല തുണ്ടിയില്‍ വിഷ്ണു പ്രകാശ് (24)ആണ് മരിച്ചത്. മൃതദേഹം വീട്ടിലേക്കുള്ള വഴിയില്‍ വൈദ്യുതി പോസ്റ്റില്‍ നിന്നും വീട്ടിലേക്കുള്ള സര്‍വ്വീസ് വയറില്‍ തട്ടിയ നിലയിലായിരുന്നു. പുലര്‍ച്ചെ ആളുകള്‍ മൃതദേഹം കാണുമ്പോഴും സര്‍വ്വീസ് വയറില്‍നിന്ന് വൈദ്യുതി പ്രവഹിക്കുന്നുണ്ടായിരുന്നു. പൊലീസ് എത്തി പ്രാഥമിക പരിശോധനകള്‍ക്കും പൊസ്റ്റുമോര്‍ട്ടത്തിനും ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. സംസ്‌ക്കാരം പിന്നീട്. മാതാവ് സുജയ്ക്കൊപ്പമാണ് യുവാവ് വാടക വീട്ടില്‍ താമസിച്ചിരുന്നത്. അവിവാഹിതനാണ്. സ്വകാര്യ ബസിലെ കണ്ടക്ടര്‍ ആണ്.

തിരുവല്ല: നിരണം ഗ്രാമപഞ്ചായത്ത് മുന്‍ പ്രസിഡന്റ് ആയിരുന്ന കൂറ്റുനടയില്‍ ദേവീ പ്രസാദം വീട്ടില്‍ ലത പ്രസാദ് ( 55 ) അന്തരിച്ചു. തുടര്‍ച്ചയായി അഞ്ചു തവണ ഗ്രാമപഞ്ചായത്ത് അംഗം ആയിരുന്നു. രണ്ടുതവണ ഗ്രാമപഞ്ചായത്ത് പ്രസിഡണ്ടായും ഒരുതവണ പഞ്ചായത്ത് വൈസ് പ്രസിഡണ്ടായും സേവനം അനുഷ്ഠിച്ചിട്ടുണ്ട്. അര്‍ബുദ രോഗബാധ കഴിഞ്ഞ രണ്ടു വര്‍ഷക്കാലമായി ചികിത്സയിലായിരുന്നു. ഇന്ന് പുലര്‍ച്ചെ രണ്ടരയോടെ പരുമലയിലെ സ്വകാര്യ ആശുപത്രിയില്‍ വെച്ച് ആയിരുന്നു അന്ത്യം. സംസ്‌കാരം പിന്നീട് നടക്കും.

പന്തളം: കാട്ടുപന്നി ഭീഷണി മറികടക്കാന്‍ സ്ഥാപിച്ച വൈദ്യുതി വേലിയില്‍ തട്ടി രണ്ടു കര്‍ഷകര്‍ ഷോക്കേറ്റ് മരിച്ചു. കുരമ്പാല കുരമ്പാല തോട്ടുകര പാലത്തിന് സമീപത്ത് കൃഷി ഭൂമിയില്‍ കൃഷി ചെയ്യാന്‍ ഇറങ്ങിയ കുരമ്പാല സ്വദേശികളായ അരുണോദയം വീട്ടില്‍ ചന്ദ്രശേഖരന്‍, പനങ്ങാട്ടില്‍ ഗോപാലക്കുറുപ്പ് എന്നിവരാണ് മരിച്ചത്. രാവിലെ ഏഴരയോടെയാണ് സംഭവം. ചന്ദ്രശേഖരക്കുറുപ്പിനാണ് ആദ്യം ഷോക്കേറ്റത്. ഇതു കണ്ട് രക്ഷിക്കാന്‍ ശ്രമിക്കുന്നതിനിടെയാണ് ഗോപാലക്കുറുപ്പിനും ഷോക്കേറ്റത്. ഇവരെ അടൂര്‍ ഗവണ്‍മെന്റ് ഹോസ്പിറ്റലില്‍ എത്തിച്ചെങ്കിലും മരിച്ചുവെന്ന് ഡോക്ടര്‍ അറിയിച്ചു.

അടൂര്‍: സ്‌കൂട്ടര്‍ ഡിവൈഡറില്‍ ഇടിച്ച് പിതാവ് മരിച്ചു. ഒപ്പമുണ്ടായിരുന്ന രണ്ടു മക്കളും പരുക്കുകളോടെ രക്ഷപ്പെട്ടു. അടൂര്‍ പറന്തല്‍ ഇടക്കോട് ജീസസ് വില്ലയില്‍ തോമസ് ബെന്നി(45) ആണ് മരിച്ചത്. ആറും മൂന്നും വയസുള്ള മക്കളായ സേറ മേരി തോമസ്, ഏബല്‍ തോമസ് ബെന്നി എന്നിവര്‍ പരുക്കുകളോടെ രക്ഷപ്പെട്ടു. കെ.പി.റോഡില്‍ അടൂര്‍ കരുവാറ്റ ജങ്ഷനിലുള്ള സിഗ്‌നലിനു സമീപം തിങ്കള്‍ ഉച്ചയ്ക്ക് 12നായിരുന്നു അപകടം. പറന്തല്‍ ഭാഗത്തു കൊട്ടാരക്കര കലയപുരത്തുള്ള ഭാര്യ ബ്ലെസിയുടെ വീട്ടിലേക്ക് പോകും വഴിയാണ് അപകടമുണ്ടായതെന്ന് ബന്ധുക്കള്‍ പറഞ്ഞു. പരുക്കേറ്റു കിടന്ന ഇവരെ നാട്ടുകാര്‍ അടൂര്‍ …

കോന്നി: കാണാതായ ലോറി ഡ്രൈവറെ പാറക്കുളത്തില്‍ മരിച്ച നിലയില്‍ കണ്ടെത്തി. തേക്കുതോട് മൂര്‍ത്തിമണ്‍ അയനിവിളയില്‍ ജി. വിനോദ് കുമാറി (49) നെയാണ് ആഞ്ഞിലി കുന്നിലെ ഉപയോഗ ശൂന്യമായ പാറക്കുളത്തില്‍ മുങ്ങി മരിച്ച നിലയില്‍ കണ്ടെത്തിയത്. ഉച്ചയ്ക്ക് 2.30 ഓടെ നാട്ടുകാരാണ് കുളത്തില്‍ മൃതദേഹം കാണുന്നത്. കോന്നി പോലീസില്‍ വിവരം അറിയിക്കുകയും, പോലീസ് മേല്‍നടപടികള്‍ സ്വീകരിക്കുകയും ചെയ്തു. വിവാഹിതനായ ഇയാള്‍ 10 വര്‍ഷമായി ബന്ധം വേര്‍പെടുത്തി കഴിയുകയായിരുന്നത്രെ. ഒരു വര്‍ഷത്തിലേറെയായി കിഴക്കുപുറത്ത് വാടക വീട്ടിലായിരുന്നു താമസം. മൂന്നു നാലു ദിവസമായി ഇയാളെ കാണാനില്ലായിരുന്നു.