പത്തനംതിട്ട: കോഴഞ്ചേരി കോയിപ്രം ബ്ലോക്ക് പഞ്ചായത്ത് ഭരണം യു.ഡി.എഫ് തിരികെ പിടിച്ചു. കൂറുമാറി ഇടത് പക്ഷത്ത് ചേര്‍ന്ന് മുന്‍പ് യു.ഡി.എഫ് ഭരണം അട്ടിമറിച്ച കോണ്‍ഗ്രസ് അംഗം ഉണ്ണി പ്ലാച്ചേരിയെ തെരഞ്ഞെടുപ്പ് കമ്മിഷന്‍ അയോഗ്യനാക്കുക കൂടി ചെയ്തത് ഇരട്ടി മധുരം സമ്മാനിച്ചു. സി.പി.എം വിട്ട് യു.ഡി.എഫിനൊപ്പം വന്ന എടക്കാട് ഡിവിഷന്‍ അംഗം ജെസി സൂസന്‍ ജോസഫാണ് പ്രസിഡന്റ്. കേരളാ കോണ്‍ഗ്രസ് പ്രതിനിധി എല്‍സാ തോമസ് വൈസ് പ്രസിഡന്റായി. കുറൂമാറ്റത്തിലൂടെ എല്‍.ഡി.എഫ് കൈക്കലാക്കിയ ഭരണം അതെ നാണയത്തില്‍ തിരിച്ചു പിടിക്കുകയായിരുന്നു യു.ഡി.എഫ്. അവിശ്വാസ പ്രമേയത്തിലൂടെ എല്‍.ഡി.എഫ് ഭരണ …

പത്തനംതിട്ട: സിപിഎം സംസ്ഥാന കമ്മിറ്റിയില്‍ നിന്ന് ഒഴിവാക്കിയതില്‍ അതൃപ്തി പരസ്യമാക്കിയുള്ള ഫേസ്ബുക്ക് പോസ്റ്റ് മുന്‍ എംഎല്‍എ എ. പത്മകുമാര്‍ പിന്‍വലിച്ചു. ‘ചതിവ്, വഞ്ചന, അവഹേളനം… 52 വര്‍ഷത്തെ ബാക്കിപത്രം…ലാല്‍ സലാം’ എന്നായിരുന്നു പത്മകുമാറിന്റെ്‌റെ ഫേസ്ബുക്ക് പോസ്റ്റ്. താടിക്ക് കൈ കൊടുത്തിരിക്കുന്ന ചിത്രം പ്രൊഫൈല്‍ ഫോട്ടോയാക്കുകയും ചെയ്തിരുന്നു. പോസ്റ്റിലെ വാചകങ്ങള്‍ പിന്‍വലിച്ചെങ്കിലും പ്രൊഫൈല്‍ ചിത്രം മാറ്റിയിട്ടില്ല. പോസ്റ്റ് മാധ്യമങ്ങളില്‍ വാര്‍ത്തയായതിന് പിന്നാലെയാണ് പത്മകുമാര്‍ പിന്‍വലിച്ചത്. വീണാ ജോര്‍ജിനെ സംസ്ഥാന കമ്മിറ്റിയില്‍ പ്രത്യേക ക്ഷണിതാവാക്കിയതിലുള്ള അതൃപ്തിയാണ് പത്മകുമാര്‍ പരസ്യമാക്കിയത്. ഉച്ചഭക്ഷണത്തിന് പോലും നില്‍ക്കാതെയാണ് പത്മകുമാര്‍ സമ്മേളന നഗരി …

പത്തനംതിട്ട: ലഹരി ഉപയോഗം തടയാന്‍ കാര്യക്ഷമമായി പ്രവര്‍ത്തിക്കുന്നില്ലെന്ന് ആരോപിച്ച് കെ.എസ്.യു ജില്ലാ കമ്മിറ്റി എക്‌സൈസ് കോംപ്ലക്‌സിലേക്ക് നടത്തിയ പ്രതിഷേധ മാര്‍ച്ചില്‍ സംഘര്‍ഷം. ഡി.സി.സി ഓഫീസില്‍ നിന്നാരംഭിച്ച മാര്‍ച്ച് കോളജ് ജങ്ഷനിലെ ഓഫീസിന് മുന്നില്‍ പോലീസ് ബാരിക്കേഡ് വച്ചു തടഞ്ഞു. തുടര്‍ന്ന് പോലീസും പ്രവര്‍ത്തകരുമായി വാക്കേറ്റവും സംഘര്‍ഷവുമുണ്ടായി. പ്രവര്‍ത്തകനെ പോലീസ് മര്‍ദിച്ചെന്നു ആരോപിച്ച് മറ്റുള്ളവര്‍ ബാരിക്കേഡ് ചാടിക്കടക്കാന്‍ ശ്രമിച്ചു. ബാരിക്കേഡ് കടന്ന് എക്‌സൈസ് കോംപ്ലക്‌സിലേക്ക് ഓടിയ പ്രവര്‍ത്തകരെ പോലീസ് ബലം പ്രയോഗിച്ചു അറസ്റ്റ് ചെയ്തു നീക്കി. പ്രതിഷേധ മാര്‍ച്ച് മുന്‍ ഡിസിസി പ്രസിഡന്റ് പി.മോഹന്‍രാജ് ഉദ്ഘാടനം …

പത്തനംതിട്ട: ക്ഷേത്രങ്ങളില്‍ പൂജ കഴിക്കുന്ന ശാന്തിക്കാരെയും പുരോഹിതന്‍മാരെയും മനുഷ്യരായിട്ടെങ്കിലും കാണേണ്ടതുണ്ടെന്ന് യോഗക്ഷേമ സഭ സംസ്ഥാന അദ്ധ്യക്ഷന്‍ അക്കീരമന്‍ കാളിദാസന്‍ ഭട്ടതിരിപ്പാട് പറഞ്ഞു. ഉത്സവങ്ങളും എഴുന്നള്ളിപ്പുകളുമായി ബന്ധപ്പെട്ട് ആന ഇളകി ബഹളമുണ്ടാക്കി ഇക്കൂട്ടര്‍ പലരും അപകടത്തില്‍പ്പെടുകയും മരിക്കുകയും ചെയ്യുകയാണ്. ഇവര്‍ക്ക് ഇന്‍ഷുറന്‍സ് പരിരക്ഷയോ റിസ്‌ക് അലവന്‍സോ ഒന്നുമില്ല. ഇന്നും വെറും ക്ലാസ്‌ഫോര്‍ ജീവനക്കാര്‍ മാത്രമായ ഇവര്‍ക്ക് അപകടമുണ്ടായാല്‍ സഹായിക്കുവാന്‍ ബാദ്ധ്യതപ്പെട്ട ഉദ്യോഗസ്ഥന്‍മാരോ ബന്ധപ്പെട്ടവരോ തയാറാകുന്നില്ല. ആനപ്പുറത്തു കയറുവാന്‍ ഭയമുള്ള പൂജാരിമാര്‍ അവരുടെ ചുമതലയില്‍ സ്വന്തം ചെലവില്‍ ആളെ കൊണ്ടുവരേണ്ട അവസ്ഥയാണ്. ഈ അവസ്ഥ മാറിയേതീരൂ. ഇവര്‍ക്ക് …

പന്തളം: എംസി റോഡില്‍ കുരമ്പാലയില്‍ കാറും കെഎസ്ആര്‍ടിസി ബസും കൂട്ടിയിടിച്ചുണ്ടായ അപകടത്തില്‍ രണ്ടു യുവാക്കള്‍ക്ക് ഗുരുതരപരുക്ക്. ഇടപ്പോണ്‍ സ്വദേശികളായ സന്ദീപ്, വിഷ്ണു എന്നിവര്‍ക്കാണ് പരുക്ക്. ഞായര്‍ രാവിലെ ആറേമുക്കാലോടെയാണ് അപകടം. പന്തളത്ത് നിന്നും അടൂരിലേക്ക് വന്ന ബസും എതിര്‍ ദിശയില്‍ പോയ മാരുതി സ്വിഫ്ട് കാറും കൂട്ടിയിടിക്കുകയായിരുന്നു. കാറിനുള്ളില്‍ കുടുങ്ങിപ്പോയ യാത്രക്കാരെ ഫയര്‍ ഫോഴ്‌സ് എത്തി വെട്ടിപ്പൊളിച്ച് വെളിയില്‍ ഇറക്കുകയായിരുന്നു. രണ്ടു പേരുടെയും നില ഗുരുതരമാണെന്നറിയുന്നു.  

തിരുവല്ല: ഓടിക്കൊണ്ടിരുന്ന കാറിനു മുകളിലേക്ക് തേങ്ങ വീണു. ഡ്രൈവര്‍ക്ക് നിയന്ത്രണം തെറ്റി കാര്‍ മരത്തില്‍ ഇടിച്ച് തീപിടിച്ചു. അഗ്‌നിശമന സേനയെത്തി തീ അണച്ചു. യാത്രക്കാര്‍ അത്ഭുതകരമായി രക്ഷപ്പെട്ടു. കറ്റോട് തിരമൂലപുരം റോഡില്‍ ഇരുവള്ളിപ്പറയില്‍ ശനിയാഴ്ച ഉച്ചയ്ക്ക് ഒന്നരയോടെ ആയിരുന്നു അപകടം. കറ്റോട് ഭാഗത്തേക്ക് വന്ന കുട്ടികള്‍ അടങ്ങുന്ന മൂന്ന് യാത്രക്കാര്‍ സഞ്ചരിച്ചിരുന്ന മാരുതി ആള്‍ട്ടോ കാര്‍ ആണ് അപകടത്തില്‍പ്പെട്ടത്. കാര്‍ മരത്തില്‍ ഇടിച്ചതിനെ തുടര്‍ന്ന് നിസ്സാര പരുക്കേറ്റ മൂവരെയും നാട്ടുകാര്‍ ചേര്‍ന്ന് സ്വകാര്യ ആശുപത്രിയില്‍ എത്തിച്ചു. സംഭവം അറിഞ്ഞ് തിരുവല്ലയില്‍ നിന്നും എത്തിയ അഗ്‌നിശമന …

പത്തനംതിട്ട: ആശ വര്‍ക്കര്‍മാരുടെ സമരത്തില്‍ സര്‍ക്കാരും സിപിഎമ്മും സ്വീകരിക്കുന്ന നിലപാടിനെതിരേ രൂക്ഷ വിമര്‍ശനവുമായി ഇടതു സഹയാത്രികനും യാക്കോബായ സഭ നിരണം ഭദ്രാസന മുന്‍ അധിപനുമായ ഡോ. ഗീവറുഗീസ് മാര്‍ കൂറിലോസ്. തൊഴിലാളി വര്‍ഗ പാര്‍ട്ടിയായ സിപിഎം മുതലാളിത്ത പാര്‍ട്ടി ആയോ എന്ന് സംശയിക്കുന്നതില്‍ തെറ്റില്ലെന്ന് അദ്ദേഹം പറഞ്ഞു. ന്യായമായ ആവശ്യത്തിനായി സമരം നടത്തുന്ന ആശാ പ്രവര്‍ത്തകരോട് ദുരഭിമാനം വെടിഞ്ഞ് ചര്‍ച്ച നടത്താന്‍ സര്‍ക്കാര്‍ തയാറാകണം. ആശാ പ്രവര്‍ത്തകര്‍ക്ക് ഐക്യദാര്‍ഢ്യം പ്രഖ്യാപിച്ച് കോണ്‍ഗ്രസ് കോഴഞ്ചേരി മണ്ഡലം കമ്മറ്റി നടത്തിയ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. തൊഴിലാളി …

അടൂര്‍: പെട്രോള്‍ പമ്പിന് സമീപമുള്ള സ്റ്റുഡിയോയ്ക്കുള്ളില്‍ തീ ആളിപ്പടരുന്നു. തൊട്ടടുത്തുള്ള പോലീസ് സ്‌റ്റേഷനില്‍ നിന്ന് ഓടിയിറങ്ങി വന്ന പോലീസ് ഇന്‍സ്‌പെക്ടര്‍ പിന്നെ ഒന്നും നോക്കിയില്ല. ഒന്നാം നിലയിലുള്ള സ്റ്റുഡിയോയ്ക്ക് വെളിയില്‍ നിന്ന് തീ അണയ്ക്കാനുള്ള ശ്രമം അദ്ദേഹം തുടങ്ങി. താഴെയുള്ള കടയുടെ ദുര്‍ബലമായ മേല്‍ക്കൂരയില്‍ കയറി നിന്നായിരുന്നു അദ്ദേഹത്തിന്റെ രക്ഷാപ്രവര്‍ത്തനം. പൂട്ടിയിട്ടിരുന്ന സ്റ്റുഡിയോയുടെ ജനാല ഗ്ലാസ് അടിച്ചു പൊട്ടിച്ച് അകത്തേക്ക് വെള്ളമൊഴിച്ച് തീ കെടുത്താനായിരുന്നു ശ്രമം. അടൂര്‍ ഏനാത്ത് എസ്എച്ച്ഓ അമൃത സിങ് നായകമാണ് വന്‍ തീ കണ്ടിട്ടും സമചിത്തത കൈവിടാതെ അണയ്ക്കാന്‍ ശ്രമിച്ചത്. …

മേഘമല (തമിഴ്‌നാട്): വനത്തില്‍ കന്നുകാലികളെ മേയിക്കുന്നത് വനം വകുപ്പ് നിരോധനം ഏര്‍പ്പെടുത്തിയതോടെ മേഘമലയിലെ ഗ്രാമ പ്രദേശങ്ങളില്‍ നിന്നും വന്‍തോതില്‍ കന്നുകാലികളെ കേരളത്തിലേക്ക് വില്പന നടത്തുന്നു. കഴിഞ്ഞ ദിവസമാണ് ചിന്നമന്നൂര്‍ വനംവകുപ്പ് വനമേഖലയില്‍ കാലി മേയ്ക്കുന്നത് തടഞ്ഞു നോട്ടീസ് പതിച്ചത്. വനമേഖല ആശ്രയിച്ച് ജീവിച്ച കര്‍ഷകര്‍ക്ക് ഇത് തിരിച്ചടിയായി. മേഘമല, മണലാരു, വെണ്ണിയാരു, ഇരവങ്ങലരു, മഹാരാജമെട്ട്, മേല്‍ മണലാരു, വെണ്ണിയാരു പ്രദേശങ്ങളിലെ തോട്ടം തൊഴിലാളികളില്‍ ഭൂരിപക്ഷവും ആടുമാടുകളെ വളര്‍ത്തുന്നുണ്ട്. ഇവയെ വന മേഖലയില്‍ അഴിച്ചുവിട്ടാണ് വളര്‍ത്തിയിരുന്നത്. വനം വകുപ്പിന്റെ നോട്ടീസ് ലഭിച്ചതോടെ കുറഞ്ഞ നിരക്കില്‍ ഉരുക്കളെ …

കമ്പംമെട്ട് (ഇടുക്കി): രാത്രികാലങ്ങളില്‍ കമ്പംമെട്ട് വനപാതയിലൂടെ കലമാന്‍ കൂട്ടത്തോടെ സഞ്ചരിക്കുന്നതിനാല്‍ വാഹനങ്ങളുമായി എത്തുന്നവര്‍ ജാഗ്രത പുലര്‍ത്തണമെന്ന് തമിഴ്‌നാട് വനംവകുപ്പ് നിര്‍ദേശം നല്‍കി. ഇവ രാത്രിയിലാണ് തീറ്റ തേടി വനത്തിലേക്ക് റോഡ് മുറിച്ചുകടക്കുന്നത്. അപകടങ്ങള്‍ക്ക് സാധ്യതയുണ്ട്. അതിനാല്‍, കമ്പംമെട്ടില്‍ നിന്നും കമ്പത്തേക്ക് വാഹനമോടിക്കുന്നവര്‍ ജാഗ്രത പുലര്‍ത്തണം. മേഖലയില്‍ ചെന്നായ കൂട്ടവും റോഡില്‍ വിഹരിക്കുന്നുണ്ട്. ഇത് സംബന്ധിച്ച് ചെക്ക് പോസ്റ്റില്‍ ഡ്രൈവര്‍മാര്‍ക്ക് മുന്നറിയിപ്പ് നല്‍കാന്‍ സംവിധാനം ഒരുക്കിയതായി വനം വകുപ്പ് അറിയിച്ചു.കമ്പംമെട്ട് റോഡില്‍ വനപാലകര്‍ നൈറ്റ് പട്രോളിങ് നടത്തുന്നുണ്ട്.