കോഴിക്കോട്: കേന്ദ്രബഡ്ജറ്റിന്റെ ഏറ്റവും വലിയ ഗുണഭോക്താവായി കേരളം മാറിയെന്നു ബിജെപി സംസ്ഥാന അധ്യക്ഷൻ കെ.സുരേന്ദ്രൻ. സ്ത്രീകൾക്കും കർഷകർക്കും യുവാക്കൾക്കും ഇത്രയും അധികം ആനുകൂല്യങ്ങൾ കിട്ടിയ മറ്റൊരു ബഡ്ജറ്റ് രാജ്യം കണ്ടിട്ടില്ലെന്നും കോഴിക്കോട് നടത്തിയ വാർത്താസമ്മേളനത്തിൽ അദ്ദേഹം പറഞ്ഞു. ആദായനികുതി പരിധി 12 ലക്ഷം ആക്കിയതിലൂടെ ഇടത്തരക്കാരും സർക്കാർ ഉദ്യോഗസ്ഥരും ഏറ്റവും കൂടുതലുള്ള സംസ്ഥാനം എന്ന നിലയിൽ കേരളത്തിലായിരിക്കും ഏറ്റവും വലിയ പ്രയോജനം ലഭിക്കുക. ഇവിടെ സർവീസ് മേഖലയിൽ ആണ് ഏറ്റവും കൂടുതൽ ആളുകൾ ബന്ധപ്പെട്ടുനിൽക്കുന്നത്. അതുകൊണ്ട് തന്നെ ടാക്സിന് പോകേണ്ട പണം വിപണിയിലെത്തിക്കാൻ സാധിക്കും. …

കോട്ടയം: വിവാഹത്തിന് പിന്നാലെ വധുവിനെ വീട്ടിലാക്കി വരന്‍ മുങ്ങിയ സംഭവം: ഗാര്‍ഹിക പീഡനത്തിന് കടുത്തുരുത്തി പോലീസ് കേസെടുത്തു. റാന്നി സ്വദേശിയായ യുവാവിനെതിരേയാണ് വധുവിന്റെ വീട്ടുകാരുടെ പരാതിയില്‍ പോലീസ് കേസെടുത്തിരിക്കുന്നത്. ഇതു സംബന്ധിച്ച് സൈബറിടങ്ങളില്‍ പ്രചരിക്കുന്നത് കള്ളക്കഥയാണെന്ന് വധുവിന്റെ വീട്ടുകാര്‍ പറയുന്നു. വിവാഹത്തിന് പിന്നാലെ വധുവിനെ വീട്ടില്‍ കൊണ്ടാക്കി സ്വര്‍ണാഭരണങ്ങളും കൈക്കലാക്കി വരന്‍ നാടുവിട്ടെന്നാണ് വധുവിന്റെ ബന്ധുക്കളുടെ പരാതിയില്‍ പറയുന്നത്. എന്നാല്‍, താന്‍ വിവാഹം കഴിച്ച പെണ്‍കുട്ടിയില്‍ കുറ്റം ആരോപിച്ച് വരന്‍ പിറ്റേന്ന് എമര്‍ജന്‍സി ടിക്കറ്റ് എടുത്ത് ജോലി സ്ഥലത്തേക്ക് മടങ്ങുകയായിരുന്നുവെന്ന് യുവാവിന്റെ ബന്ധുക്കളുടെ വിശദീകരണം. …

ഇടുക്കി: വണ്ടന്‍മേട്ടില്‍ കോണ്‍ഗ്രസില്‍ ഉടലെടുത്ത ചേരിപ്പോരും ഗ്രൂപ്പ് തര്‍ക്കങ്ങളും പുതിയ തലത്തിലേക്ക്. സമൂഹമാധ്യമങ്ങളില്‍ ആരോപണ പ്രത്യാരോപണ തമ്മിലടികള്‍ മുറുകയാണ്. കോണ്‍ഗ്രസ് നേതാക്കളെ ‘കുറുവാ’സംഘത്തോട് ഉപമിച്ചുള്ള എ, ഐ ഗ്രൂപ്പുകളുടെ കുറിപ്പുകളും സന്ദേശങ്ങളുമാണ് ഇതിനിടെ ഇത്തരത്തില്‍തില്‍ പ്രചരിച്ച സന്ദേശത്തിലെ ഞെട്ടിപ്പി ക്കുന്ന വെളിപ്പെടുത്തലില്‍ പൊലീസ് അന്വേഷണവും ആരംഭിച്ചിട്ടുണ്ട്. നേതാക്കളുടെ പേര് പറയാതെയും പ്രത്യക്ഷത്തില്‍ തിരിച്ചറിയും വിധത്തില്‍ പൂര്‍വകാല ചരിത്രങ്ങള്‍ പരാമര്‍ശിച്ചുമാണ് വാട്‌സ്ആപ്പ് സന്ദേശങ്ങള്‍. ഒരുമാസത്തിനിടെ എ. ഐ ഗ്രൂപ്പുകള്‍ പലതവണ രഹസ്യ യോഗം ചേര്‍ന്നിരുന്നു. ബ്ലോക്ക്, മണ്ഡലം ഭാരവാഹികള്‍ക്കെതിരെ രൂക്ഷവിമര്‍ശനമാണ് ഗ്രൂപ്പ് യോഗങ്ങളില്‍ നടന്നത്. വാട്‌സ്ആപ്പ് …

കോന്നി: നിര്‍ത്തിയിട്ടിരുന്ന കെ.എസ്.ആര്‍.ടി.സി ബസ് നേരെ ഉരുണ്ട് റോഡിന് എതിര്‍ ദിശയിലെ ഹോട്ടലിലേക്ക് ഇടിച്ചു കയറി. വലിയ അപകടം ഒഴിവായി. കെ.എസ്.ആര്‍.ടി.സി ഓപ്പറേറ്റിങ് സെന്ററില്‍ നിര്‍ത്തിയിട്ടിരുന്നതാണ് ബസ്. സ്റ്റാര്‍ട്ടിങ്ങില്‍ ഹാന്‍ഡ് ബ്രേക്കിട്ട് നിര്‍ത്തിയിരുന്ന കെ.എസ്.ആര്‍.ടി.സി ബസ് താഴേക്ക് ഉരുണ്ട് പോവുകയായിരുന്നു. കോന്നി-ഊട്ടുപാറ സര്‍വീസ് നടത്തുന്ന ബസാണ് ഉരുണ്ട് പോയത്. നടപ്പാതയിലെ കൈവരിയും ഇലക്ട്രിക് പോസ്റ്റും ഇടിച്ചിട്ട വാഹനം ഹോട്ടലിന്റെ മുന്‍വശത്തെ ക്യാബിനും തകര്‍ത്താണ് നിന്നത്. സംസ്ഥാനപാത മറികടന്നാണ് ബസ് റോഡിന് മറുവശത്തേക്ക് പോയത്. കെ എസ് ആര്‍ ടി സി ബസിന്റെ മുന്‍വശത്തെ ചില്ല് …

പത്തനംതിട്ട: വിവിധ ആവശ്യങ്ങള്‍ ഉന്നയിച്ച് യുഡിഎഫ് അനുകൂല സര്‍വീസ് സംഘടനകളും സിപിഐ അനുകൂല സര്‍വീസ് സംഘടനയായ ജോയിന്റ് കൗണ്‍സിലും നടത്തുന്ന പണിമുടക്കിന് ഐക്യദാര്‍ഡ്യം പ്രഖ്യാപിച്ച് കണ്ണൂര്‍ മുന്‍ എഡിഎം നവീന്‍ ബാബുവിന്റെ ഭാര്യ മഞ്ജുഷയും. എന്‍ജിഓ യൂണിയനില്‍ അംഗമായ മഞ്ജുഷ പത്തനംതിട്ട കലക്ടറേറ്റില്‍ സീനിയര്‍ സൂപ്രണ്ടാണ്. പണിമുടക്കിന് ഐക്യദാര്‍ഢ്യം പ്രകടിപ്പിച്ച് ഇന്നലെ തന്നെ മഞ്ജുഷ അവധിക്ക് അപേക്ഷ നല്‍കിയിരുന്നു. മഞ്ജുഷയുടെ നടപടി എന്‍ജിഓ യൂണിയന്‍ നേതാക്കളെ അമ്പരപ്പിച്ചു. മഞ്ജുഷ സമരത്തിന് ഐക്യദാര്‍ഢ്യം അറിയിച്ചത് യൂണിയന് ക്ഷീണമായി. എന്‍ജിഓ യൂണിയന്റെ ഭാരവാഹിയായിരുന്നു നവീന്‍ ബാബു. മഞ്ജുഷയും …

ശബരിമല: ക്ഷേത്രത്തിലെ മണ്ഡലമകരവിളക്ക് ഉത്സവത്തിന് പരിസമാപ്തി കുറിച്ച് ഇന്ന് രാവിലെ നടയടച്ചു. പന്തളം രാജപ്രതിനിധി തൃക്കേട്ടനാള്‍ രാജരാജ വര്‍മയുടെ ദര്‍ശനത്തോടെ രാവിലെ 6:30 നാണ് നട അടച്ചത്. പുലര്‍ച്ചെ അഞ്ചിന് നട തുറന്നശേഷം കിഴക്കേമണ്ഡപത്തില്‍ ഗണപതിഹോമം നടന്നു. തിരുവാഭരണ സംഘം തിരുവാഭരണ പേടകങ്ങളുമായി അയ്യനെ വണങ്ങി അനുവാദം വാങ്ങി പന്തളം കൊട്ടാരത്തിലേക്ക് മടക്കഘോഷയാത്ര തിരിച്ചു. തുടര്‍ന്ന് രാജപ്രതിനിധി സോപാനത്തെത്തി അയ്യപ്പ ദര്‍ശനം നടത്തി. ശേഷം മേല്‍ശാന്തി അരുണ്‍ കുമാര്‍ നമ്പൂതിരി അയ്യപ്പവിഗ്രഹത്തില്‍ വിഭൂതിയഭിഷേകം നടത്തി കഴുത്തില്‍ രുദ്രാക്ഷമാലയും കൈയില്‍ യോഗദണ്ഡും അണിയിച്ചു. ഹരിവരാസനം ചൊല്ലി …

തിരുവനന്തപുരം: ഇന്‍ഡോര്‍ ആസ്ഥാനമായുള്ള ഒയാസിസ് കൊമേഴ്‌സ്യല്‍ പ്രൈവറ്റ് ലിമിറ്റഡ് എന്ന കമ്പനിക്ക് കഞ്ചിക്കോട് ബ്രൂവറി തുടങ്ങാന്‍ അനുമതി നല്‍കിയ സര്‍ക്കാര്‍ വിശ്വാസവഞ്ചനയാണ് നടത്തുന്നതെന്ന് ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രന്‍. മദ്യനയത്തെ സംബന്ധിച്ച എല്‍ഡിഎഫിന്റെ 2016ലെ പ്രകടനപത്രികയിലെ വാഗ്ദാനങ്ങളുടെ ലംഘനമാണിത്. വലിയ അഴിമതി ലക്ഷ്യമിട്ടുള്ള നടപടി ഗുരുതരമായ പാരിസ്ഥിതിക ആഘാതത്തിന് കാരണമാവും. ഡല്‍ഹി മദ്യനയ അഴിമതിയില്‍ പങ്കുള്ള കമ്പനിയുമായുണ്ടാക്കിയ കരാര്‍ സര്‍ക്കാരിന്റെ എല്ലാ വിശ്വാസതയും തകര്‍ക്കുന്നതാണ്. ടെന്‍ഡര്‍ മാനദണ്ഡങ്ങള്‍ പോലും പാലിക്കാതെ ബ്രൂവറി അനുവദിച്ചത് അഴിമതിയാണെന്ന് എല്ലാവര്‍ക്കും അറിയാം. സര്‍ക്കാര്‍ പൂര്‍ണമായും മദ്യലോബിക്ക് കീഴടങ്ങിയിരിക്കുകയാണ്. മദ്യലഭ്യത …

കമ്പംമെട്ട് (ഇടുക്കി): അതിര്‍ത്തി കടക്കാന്‍ പുത്തന്‍ തന്ത്രവുമായി കഞ്ചാവ് മാഫിയ. പച്ചക്കറി വാഹനങ്ങളിലൂടെയാണ് ഇപ്പോള്‍ ലഹരി വസ്തുക്കള്‍ തമിഴ്‌നാട്ടില്‍ നിന്നും വ്യാപകമായി കേരളത്തിലേക്ക് കടത്തുന്നത്. മധ്യകേരളത്തിലേക്കു പ്രധാനമായും പച്ചക്കറി എത്തിക്കുന്നത് തേനി ജില്ലയില്‍ നിന്നാണ്. മുന്‍പു ചെറിയ തോതില്‍ പച്ചക്കറി വ്യാപാരമുണ്ടായിരുന്ന ഗൂഡല്ലൂര്‍ ഇന്നു പച്ചക്കറി ഏജന്റുമാരുടെ പ്രധാന കേന്ദ്രമാണ്. തമിഴ്‌നാട്ടിലെ മറ്റു മാര്‍ക്കറ്റുകളില്‍ നിന്നുള്ള പച്ചക്കറികളും കേരളത്തിലേക്ക് ഇവര്‍ വഴിയാണ് എത്തുന്നത്. നൂറിലധികം വാഹനങ്ങള്‍ ദിവസവും ഇവിടെ നിന്ന് കേരളത്തിലെത്തുന്നു. ഇതു പ്രയോജനപ്പെടുത്തിയാണ് കഞ്ചാവ് ലോബി മുടക്കമില്ലാതെ സാധനമെത്തിക്കുന്നത്. കമ്പത്തിനും ഗൂഡല്ലൂരിനും മധ്യേയുള്ള …

കമ്പംമെട്ട് (ഇടുക്കി): തമിഴ്‌നാട്-കേരള അതിർത്തിയിൽ മനുഷ്യൻ്റെ അസ്ഥികൂടം കണ്ടെത്തി.അതിർത്തി വനമേഖലയിലാണ് അസ്ഥികൂടം പോലീസ് കണ്ടെടുത്തത്. കമ്പം വെസ്റ്റ് വനംവകുപ്പ് പരിശോധന നടത്തിയപ്പോഴാണ് കമ്പംമെട്ട് ചെക്ക് പോസ്റ്റിന് സമീപം വനമേഖലയിൽ അസ്ഥികൂടം കണ്ടെത്തിയത്. ഇക്കാര്യം വനംവകുപ്പ് കമ്പം നോർത്ത് പൊലീസിനെ അറിയിച്ചുതിനെ തുടർന്ന് അവർ സ്ഥലത്തെത്തി തുടർ നടപടികൾ സ്വീകരിച്ചു. കണ്ടെടുത്ത അസ്ഥികൂടത്തിന് 80 മുതൽ 90 ദിവസം വരെ പഴക്കമുണ്ട്.അസ്ഥിയുടെ സാമ്പിൾ പരിശോധന റിപ്പോർട്ട് ലഭിച്ച ശേഷമെ മരണവിവരം പൂർണ്ണമായി വ്യക്തമാകൂവെന്ന് പൊലീസ് പറഞ്ഞു. അസ്ഥികൂടം കണ്ടെത്തിയത് അതിർത്തി മേഖലയിൽ നിന്നായതുകൊണ്ട് തന്നെ ഇടുക്കി …

ശബരിമല: സന്നിധാനത്ത് അയ്യപ്പ ഭക്തരെ സാക്ഷിയാക്കി നടന്ന ചടങ്ങില്‍ 2025 ലെ ഹരിവരാസനം പുരസ്‌കാരം കവിയും ഗാനരചയിതാവും സംഗീത സംവിധായകനുമായ കൈതപ്രം ദാമോദരന്‍ നമ്പൂതിരിക്ക് മന്ത്രി വി.എന്‍. വാസവന്‍ സമ്മാനിച്ചു. ദേവസ്വം ബോര്‍ഡ് ജീവനക്കാരുടെയും തദ്ദേശ സ്ഥാപനങ്ങളുടെയും ജനപ്രതിനിധികളുടെയും വിവിധ വകുപ്പുകളിലെ ഉദ്യോഗസ്ഥരുടെയും മറ്റ് ജീവനക്കാരുടെയും സന്നദ്ധസംഘടനകളുടെയും കൂട്ടായ പ്രവര്‍ത്തനത്തിലൂടെയാണ് ഈ വര്‍ഷത്തെ ശബരിമല മണ്ഡല മകരവിളക്ക് തീര്‍ഥാടനകാലം കുറ്റമറ്റതാക്കാന്‍ കഴിഞ്ഞതെന്ന് മന്ത്രി പറഞ്ഞു. പുരസ്‌കാര വിതരണ ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. സര്‍വ്വമത സാഹോദര്യത്തിനും സര്‍ഗ സമഭാവനക്കുമുള്ള സര്‍ഗാത്മക പ്രവര്‍ത്തനങ്ങളെ അംഗീകരിക്കുന്നതിനായി ശബരിമല …