അടൂര്‍: ലോകത്താകമാനം ആവശ്യക്കാരേറെയുള്ള അവക്കാഡോ പഴക്കൃഷി വിജയം കണ്ടതിന്റെ സന്തോഷത്തിലാണ് കടമ്പനാട് തുവയൂര്‍ സൗത്ത് പനവിള ഷോണ്‍ വില്ലയില്‍ സുജിത്ത് ടി. തങ്കച്ചന്‍. യാത്രയ്ക്കിടെ എറണാകുളത്ത് നിന്നും അഞ്ച് വര്‍ഷം മുന്‍പാണ് അവക്കാഡോ തൈ വാങ്ങിയത്. നട്ട് അഞ്ച് വര്‍ഷം കഴിഞ്ഞതോടെയാണ് പൂവിട്ടത്. രണ്ട് മാസം കൊണ്ട് പഴമാകും. കിലോയ്ക്ക് മുന്നൂറ് രൂപ വരെ വിലയുണ്ടെന്ന് കര്‍ഷകര്‍ പറഞ്ഞു. പോഷകഗുണങ്ങള്‍ ഏറെയുള്ള അവക്കാഡോ പഴം ഷേക്കാക്കി കുടിക്കുന്നതാണ് ആള്‍ക്കാര്‍ക്ക് പ്രിയം. ഇപ്പോള്‍ വൃക്ഷം നിറയെ പൂത്തുലഞ്ഞ് കായ പിടിച്ചു കിടക്കുകയാണ്. മലയോര മേഖലയില്‍ അപൂര്‍വമായാണ് …

റാന്നി: കുട്ടികളെ വരവേല്‍ക്കാന്‍ വ്യത്യസ്തമായ രീതിയില്‍ പ്രവേശനോത്സവം സംഘടിപ്പിച്ച് വെച്ചൂച്ചിറ എണ്ണൂറാം വയല്‍ സി.എം.എസ്.എല്‍.പി സ്‌കൂള്‍. അരിക്കൊമ്പന്‍ എന്ന പേര് നല്‍കിയ റോബോട്ടിക് ആനയാണ് കുട്ടികളെ വിദ്യാലയ പ്രവേശനോത്സവത്തില്‍ വരവേല്‍ക്കാനെത്തിയത്. രാവിലെ മുതല്‍ തന്നെ അരിക്കൊമ്പനെ കാണുന്നതിന് കുട്ടികള്‍ ഉള്‍പ്പെടുന്ന വലിയ ജനക്കൂട്ടമാണ് വിദ്യാലയത്തിലെത്തിയത്. കുട്ടികളെ വരവേറ്റും അവര്‍ക്ക് സല്യൂട്ട് നല്‍കിയും സൗഹൃദ ഭാവത്തില്‍ നില്‍ക്കുന്ന അരിക്കൊമ്പനെ കണ്ടപ്പോള്‍ കുരുന്നുകള്‍ക്ക് അത്ഭുതം അടക്കാനായില്ല. ചിന്നക്കനാലിലും കമ്പത്തും ജനങ്ങളുടെ പേടി സ്വപ്നമായ അരിക്കൊമ്പന്‍ ഇത്ര പാവമായിപ്പോയോ എന്നാണ് കുരുന്നുകള്‍ ചോദിക്കുന്നത്. പുതിയ അധ്യയന വര്‍ഷത്തില്‍ അരിക്കൊമ്പന്റെ …

അടൂര്‍: റോഡ് തരാമെന്ന് പറഞ്ഞ് നാട്ടുകാരെ വിളിച്ചു വരുത്തി പാര്‍ട്ടി ജില്ലാ സെക്രട്ടറിയെ കൊണ്ട് രക്തഹാരം അങ്ങോട്ടിട്ട് ചെങ്കൊടിയും പിടിപ്പിച്ചു. പിറ്റേന്ന് പാര്‍ട്ടി പത്രത്തില്‍ 20 കോണ്‍ഗ്രസ് കുടുംബങ്ങള്‍ സിപിഎമ്മില്‍ ചേര്‍ന്നുവെന്ന് വാര്‍ത്തയും നല്‍കി. തങ്ങള്‍ പോലുമറിയാതെ തങ്ങള്‍ സിപിഎമ്മായെന്ന് അറിഞ്ഞ് കുടുംബങ്ങള്‍ പ്രതിഷേധിച്ചതോടെ സിപിഎമ്മിന് സോഷ്യല്‍ മീഡിയയില്‍ പൊങ്കാല. കടമ്പനാട് പഞ്ചായത്ത് മൂന്നാം വാര്‍ഡില്‍ മലങ്കാവ് തറാരുവിള ഭാഗത്ത് നിന്നും 20 കുടുംബങ്ങള്‍ കോണ്‍ഗ്രസ് വിട്ട് സിപിഎമ്മിനൊപ്പം ചേര്‍ന്നുവെന്നും അവരെ ജില്ലാ സെക്രട്ടറി കെ.പി ഉദയഭാനു രക്തപതാക നല്‍കി സ്വീകരിച്ചുവെന്നുമായിരുന്നു വാര്‍ത്ത. പിറ്റേന്ന് …

അജോ കുറ്റിക്കന്‍ കമ്പം (തമിഴ്‌നാട്): മുല്ലപ്പെരിയാറിന് പിന്നാലെ അരിക്കൊമ്പന്‍ വിഷയമുയര്‍ത്തി കേരളത്തിനെതിരെ സമരം നടത്താന്‍ ചില സംഘടനകള്‍ നീക്കം തുടങ്ങി. കാലാകാലങ്ങളായി കേരള വിരുദ്ധ സമരങ്ങളുമായി രംഗത്തുള്ള ചിലരാണ് പുതിയ ശ്രമങ്ങള്‍ക്ക് പിന്നിലെന്നാണ് വിവരം. കേരള- തമിഴ്‌നാട് ചേരിതിരിവ് സൃഷ്ടിക്കുകയെന്ന ലക്ഷ്യമിട്ടാണ് ഇവരുടെ പ്രവര്‍ത്തനം. നിരവധി പേരെ കൊലപ്പെടുത്തിയ അരിക്കൊമ്പനെ പിടികൂടി തമിഴ്‌നാട് അതിര്‍ത്തി വന മേഖലയില്‍ തുറന്ന് വിട്ടതിന് പിന്നില്‍ കേരളത്തിന് ഗൂഢലക്ഷ്യമുണ്ടെന്നാന്ന് ഇവര്‍ ചില ഓണ്‍ലൈന്‍ പോര്‍ട്ടലുകളിലൂടെയും സാമൂഹിക മാധ്യമങ്ങളിലും പ്രചരിപ്പിക്കുന്നത്.അതിര്‍ത്തി മേഖലയിലെ തമിഴരെ കൊന്നൊടുക്കുന്നതിനായാണ് ആനയെ അതിര്‍ത്തിയില്‍ വിട്ടതെന്നതടക്കമാണ് പ്രചാരണം. …

പത്തനംതിട്ട: സ്ഥാപിക്കാത്ത ക്രാഷ് ബാരിയറിന് ലക്ഷങ്ങള്‍ പാസാക്കി കൊടുത്ത സംഭവത്തില്‍ പൊതുമരാമത്ത് ഉദ്യോഗസ്ഥര്‍ക്ക് സസ്‌പെന്‍ഷന്‍. സ്ഥലം മാറ്റി മാസങ്ങള്‍ക്ക് ശേഷമാണ് സസ്‌പെന്‍ഡ് ചെയ്തിരിക്കുന്നത്. കുമ്പഴ-ളാക്കൂര്‍-കോന്നി റോഡിന്റെ പണിയുമായി ബന്ധപ്പെട്ടാണ് കൃത്രിമം നടന്നതായി കണ്ടെത്തിയത്.അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ ബിനു, അസിസ്റ്റന്‍്‌റ് എന്‍ജിനീയര്‍ അഞ്ചു സലിം എന്നിവര്‍ക്കാണ് സസ്‌പെന്‍ഷന്‍. ഇവരെ നേരത്തേ സ്ഥലം മാറ്റിയിരുന്നു. ബിനുവിനെ ഡല്‍ഹി കേരളാ ഹൗസിലേക്കാണ് മാറ്റിയിരുന്നത്. സിപിഎമ്മിന്റെ സര്‍വീസ് സംഘടനയുടെ സംസ്ഥാന നേതാവായിരുന്നു ബിനു. നേരത്തേ ഇയാളെ സ്ഥലം മാറ്റി മുഖം രക്ഷിക്കുകയാണ് സര്‍ക്കാര്‍ ചെയ്തത്. പ്രത്യക്ഷത്തില്‍ അഴിമതിക്ക് തെളിവുണ്ടായിരുന്നു. ക്രമക്കേട് …

കൊച്ചി: യുപിഎസ്‌സിയുടെ ഐപിഎസ് സെലക്ഷന്‍ രീതികളിലെ പൊള്ളത്തരം തുറന്നു കാട്ടി സെന്‍ട്രല്‍ അഡ്മിനിസ്‌ട്രേറ്റീവ് ട്രിബ്യൂണല്‍(ക്യാറ്റ്). സംസ്ഥാന സര്‍ക്കാരിന്റെയും യുപിഎസ്‌സിയുടെയും ഇരട്ടത്താപ്പുകള്‍ക്ക് കനത്ത പ്രഹരം നല്‍കി ക്യാറ്റ് പുറപ്പെടുവിച്ച ഉത്തരവില്‍ മറൈന്‍ എന്‍ഫോഴ്‌സ്‌മെന്റ് എസ്പി സി. ബാസ്റ്റിന്‍ സാബുവിനെ ഐപിഎസ് സെലക്ഷന്‍ ലിസ്റ്റില്‍ പരിഗണിക്കാന്‍ നിര്‍ദേശം. ക്യാറ്റ് നേരത്തേ നല്‍കിയ രണ്ട് ഇടക്കാല ഉത്തരവുകള്‍ പരിഗണിക്കാതിരുന്ന യുപിഎസ്‌സിയുടെയും സംസ്ഥാന സര്‍ക്കാരിന്റെയും നടപടികള്‍ ഉത്തരവില്‍ പരാമര്‍ശ വിധേയമായിട്ടുണ്ട്. യുപിഎസ്‌സി സെലക്ഷന്‍ രീതിയിലെ പാളിച്ചകള്‍ പൊളിച്ചു കാട്ടുന്നതാണ് ജുഡിഷ്യല്‍ മെമ്പര്‍ ജസ്റ്റിസ് സുനില്‍ തോമസ്, അഡ്മിനിസ്‌ട്രേറ്റീവ് മെമ്പര്‍ കെ.വി. …

കോന്നി: ക്ഷേത്രദര്‍ശനത്തിന് കേരളത്തില്‍ വന്ന മലേഷ്യന്‍ സ്വദേശി ചോറ്റാനിക്കര ക്ഷേത്രത്തിലേക്കുള്ള യാത്രമധ്യേ കോന്നിയിലെ ഹോട്ടലില്‍ മറന്നു വച്ചത് എടിഎം കാര്‍ഡും പാസ്‌പോര്‍ട്ടും പണവുമടങ്ങുന്ന് ബാഗ്. പൊലീസും ഹോട്ടലുടമയും ഏറെ പണിപ്പെട്ട് ഇയാളെ കണ്ടെത്തി ബാഗ് കൈമാറി. മലേഷ്യന്‍ സ്വദേശി ചന്ദ്രശേഖരന്‍ സിന്നത്തമ്പി മടങ്ങിയത് മനം നിറഞ്ഞ്. മലേഷ്യയില്‍ നിന്ന് മൂന്നു സുഹൃത്തുക്കളുമൊത്ത് ക്ഷേത്രദര്‍ശനം നടത്തുന്നതിന് വേണ്ടി വന്നതാണ് ചന്ദ്രശേഖരന്‍. മലേഷ്യയിലെ ക്ഷേത്രത്തില്‍ പൂജാരിയാണ്. തമിഴ്‌നാട്ടുകാരായ ഇദ്ദേഹത്തിന്റെ കുടുംബം വര്‍ഷങ്ങള്‍ക്ക് മുമ്പ് മലേഷ്യയില്‍ താമസമാക്കിയതാണ്. വേളാങ്കണ്ണിയില്‍ നിന്ന് ടാക്‌സി വിളിച്ച് പാലക്കാട്ടേക്ക് പോകുന്ന വഴി കോന്നി …

പത്തനംതിട്ട: കക്കാട് പവര്‍ ഹൗസില്‍ രണ്ടു ജനറേറ്ററുകള്‍ ഡ്രിപ്പായി. മൂഴിയാര്‍ ഡാമില്‍ ജലനിരപ്പ് ഉയരുന്നു. റെഡ് അലേര്‍ട്ട് പ്രഖ്യാപിച്ചു: കക്കാട്ടാറിന് കരയിലുള്ളവര്‍ക്ക് ജാഗ്രതാ നിര്‍ദേശം. രാത്രി 9.10 ന് ജലനിരപ്പ് 190 മീറ്ററിന് മുകളില്‍ എത്തിയതിനെ തുടര്‍ന്നാണ് റെഡ് അലെര്‍ട്ട പ്രഖ്യാപിച്ചിട്ടുള്ളത്. ഇത് 192.63 മീറ്ററായി ഉയര്‍ന്നാല്‍ ഡാമിന്റെ ഷട്ടറുകള്‍ തുറന്ന് അധിക ജലം കക്കാട്ടാറിലേക്ക് ഒഴുക്കുമെന്ന് ജില്ലാ കലക്ടര്‍ അറിയിച്ചു. ഇതു കാരണം ആങ്ങമൂഴി, സീതത്തോട് ഭാഗങ്ങളില്‍ ജലനിരപ്പ് ഉയരാന്‍ സാധ്യതയുണ്ട്. കക്കാട്ടാറിന്റെയും മൂഴിയാര്‍ മുതല്‍ കക്കാട് പവര്‍ ഹൗസ് വരെ ഇരുകരകളിലും …

പന്തളം: എന്‍എസ്എസ് കോളജ് പ്രിന്‍സിപ്പാള്‍ നന്ത്യത്ത് ഗോപാലകൃഷ്ണന് സസ്‌പെന്‍ഷന്‍. ഗവേഷക വിദ്യാര്‍ത്ഥിനിയോട് മോശമായി പെരുമാറിയെന്ന പരാതിയിലാണ് സസ്‌പെന്‍ഷന്‍. ഒരു വര്‍ഷം മുന്‍പ് നടന്ന സംഭവത്തിലാണ് ഇപ്പോള്‍ നടപടിയുണ്ടായിരിക്കുന്നത്. തിരുവനന്തപുരം എംജി കോളജ് പ്രിന്‍സിപ്പാള്‍ ആയിരിക്കേയാണ് മോശമായി പെരുമാറിയെന്ന് ഗവേഷക വിദ്യാര്‍ഥി പരാതി നല്‍കിയത്. അന്വേഷണ കമ്മിഷന്റെ പ്രാഥമിക റിപ്പോര്‍ട്ടിന്റെ അടിസ്ഥാനത്തില്‍ ഗൈഡ് ഷിപ്പില്‍ നിന്ന് ഗോപാലകൃഷ്ണനെ നീക്കം ചെയ്തിരുന്നു. ഒരു വര്‍ഷം മുമ്പാണ് ഇയാളുടെ കീഴില്‍ ഗവേഷണം നടത്തിയ വിദ്യാര്‍ത്ഥി കേരള സര്‍വകലാശാലയ്ക്ക് പരാതി നല്‍കിയത്. സര്‍വകലാശാലയുടെ ആഭ്യന്തര അന്വേഷണ സമിതി നടത്തിയ അന്വേഷണത്തില്‍ …

പത്തനംതിട്ട: കേരളാ, കാലിക്കറ്റ്, എംജി, കണ്ണൂര്‍ എന്നീ സര്‍വകലാശാലകളില്‍ നടത്തി വന്ന പ്രൈവറ്റ് രജിസ്‌ട്രേഷനും വിദൂര വിദ്യാഭ്യാസ കോഴ്‌സുകളും നിരോധിച്ച സര്‍ക്കാര്‍ നടപടിയെ തുടര്‍ന്ന് പാരലല്‍ വിദ്യാര്‍ത്ഥികളെ ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റി (ഇഗ്‌നോ)യില്‍ ചേര്‍ക്കാന്‍ പാരലല്‍ കോളേജ് അസോസിയേഷന്‍ സംസ്ഥാന സമ്മേളനത്തില്‍ തീരുമാനം. ബിരുദ/ബിരുദാനന്തര ബിരുദ തലത്തില്‍ അടുത്ത മാസം തുടങ്ങുന്ന അക്കാദമിക വര്‍ഷത്തില്‍ ഒരു ലക്ഷം വിദ്യാര്‍ത്ഥികളെ എങ്കിലും പാരലല്‍ വിദ്യാഭ്യാസ മേഖലയില്‍ എത്തിക്കും. ഇവരെയാണ് ഇഗ്‌നോയില്‍ ചേര്‍ക്കുന്നത്. സമയബന്ധിതമായി പരീക്ഷകളും ഫലപ്രഖ്യാപനവും നടത്തുകയും താരതമ്യേന കുറഞ്ഞ ഫീസ് ഈടാക്കുകയും ചെയ്യുന്നതിനാലാണ് …