പത്തനംതിട്ട: എസ്എഫ്‌ഐ നേതാവിനെ കൊലപ്പെടുത്തിയ കേസിലെ പ്രതിയുടെ ഭാര്യയായ കോണ്‍ഗ്രസ് നേതാവിന് വേണ്ടി സിപിഎമ്മിന്റെ സംരക്ഷണ വലയം. ബാങ്കില്‍ നിന്ന് എടുത്ത വായ്പ തിരിച്ചടുക്കാന്‍ കഴിയാതെ വന്നതിനെ തുടര്‍ന്ന് കോണ്‍ഗ്രസ് നേതാവിന്റെ ഭൂമിയും കെട്ടിടങ്ങളും ലേലം ചെയ്തിരുന്നു. ഇത് ലേലത്തില്‍ എടുത്തയാളെയും കോടതി നിയോഗിച്ച അഭിഭാഷക കമ്മിഷനെയും ഈ ഭൂമിയിലേക്ക് പ്രവേശിക്കുന്നത് തടയാനാണ് സിപിഎം-ഡിവൈഎഫ്‌ഐ നേതാക്കള്‍ അണിനിരന്നത്. ശക്തമായ പോലീസ് സംരക്ഷണയില്‍ അഭിഭാഷക കമ്മിഷന്‍ സ്ഥലത്ത് പ്രവേശിച്ചു. വീട് ഒഴിപ്പിച്ച് ഏറ്റെടുത്തു. പത്തനംതിട്ട നഗരസഭാ മുന്‍ ചെയര്‍പേഴ്‌സണും മഹിളാ കോണ്‍ഗ്രസിന്റെ സംസ്ഥാന നേതാവുമായിരുന്ന അജീബ …

ചെന്നൈ: അതിവേഗ ട്രെയിന് വേണ്ടിയുള്ള കെ-റെയില്‍ പദ്ധതി പാളം തെറ്റിയെങ്കിലും കേരളത്തില്‍ വേഗം വര്‍ധിപ്പിച്ച് ഓടാന്‍ റെയില്‍വേ. ഇതിനുള്ള നിര്‍മാണ പ്രവര്‍ത്തനങ്ങള്‍ 2026 ഓടെ പൂര്‍ത്തിയാകും. മണിക്കൂറില്‍ 130 കിലോമീറ്റര്‍ വേഗതയിലായിരിക്കും ട്രെയിനുകള്‍ സര്‍വീസ് നടത്തുക. മംഗളൂരു ഷൊര്‍ണൂര്‍ റൂട്ടില്‍ 2025ലും ഷൊര്‍ണൂര്‍ തിരുവനന്തപുരം റൂട്ടില്‍ (ആലപ്പുഴ വഴി) 2026ലും പ്രവര്‍ത്തനങ്ങള്‍ പൂര്‍ത്തിയാകും. അതേസമയം തിരുവനന്തപുരം കോട്ടയം റൂട്ടിലെ വേഗം എപ്പോള്‍ 130 കിലോമീറ്ററാകുമെന്ന കാര്യത്തില്‍ വ്യക്തത വന്നിട്ടില്ല. പാളം മാറ്റി സ്ഥാപിക്കല്‍, വളവുകള്‍ ഇല്ലാതാക്കല്‍, പാലങ്ങള്‍ ബലപ്പെടുത്തല്‍, ഒട്ടോമാറ്റിങ് സിഗ്‌നലിങ് സംവിധാനം നവീകരിക്കല്‍, …

ചിറ്റാര്‍: കക്കാട് പവര്‍ഹൗസിലെ രണ്ടു ജനറേറ്ററുകള്‍ക്ക് തകരാര്‍ സംഭവിച്ചതിനെ തുടര്‍ന്ന് പ്രവര്‍ത്തനം നിര്‍ത്തി വച്ചു. ഇതേ തുടര്‍ന്ന് ജലനിരപ്പ് ഉയര്‍ന്നതിനെ തുടര്‍ന്ന് മൂഴിയാര്‍ ഡാമിന്റെ മൂന്നു ഗേറ്റുകള്‍ 30 സെന്റിമീറ്റര്‍ വീതം ഉയര്‍ത്തി. തിങ്കളാഴ്ച വൈകിട്ട് 3.45 നാണ് ജനറേറ്ററുകള്‍ പ്രവര്‍ത്തനം നിര്‍ത്തിയത്. രാത്രി ഏഴു മണിയോടെയാണ് ഡാം ഗേറ്റുകള്‍ ഉയര്‍ത്തിയത്. പരമാവധി 50 കുമെക്‌സ് ജലമാണ് കക്കാട്ടാറ്റിലേക്ക് ഒഴുക്കി വിടുന്നത്. നദിയില്‍ 10 സെന്റിമീറ്റര്‍ വരെ ജലനിരപ്പ് ഉയരുമെന്നതിനാല്‍ ഇരുകരകളിലുമുള്ളവര്‍ ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ …

തിരുവനന്തപുരം: ബിവറേജസ് കോര്‍പറേഷന്റെ സ്വന്തം മദ്യ ബ്രാന്‍ഡായ ജവാന്റെ വില വര്‍ധിപ്പിക്കാനുള്ള ശിപാര്‍ശ സര്‍ക്കാര്‍ തള്ളി. തിരുവല്ലയിലെ ട്രാവന്‍കൂര്‍ ഷുഗേഴ്‌സില്‍ ഉല്‍പാദിപ്പിക്കുന്ന ജവാന് 10% വില വര്‍ധനയാണു ബെവ്‌കോ ആവശ്യപ്പെട്ടിരുന്നത്. സ്പിരിറ്റ് വില വര്‍ധിച്ച സാഹചര്യത്തിലെ ആവശ്യം ആദ്യഘട്ടത്തില്‍ എക്‌സൈസ് വകുപ്പും മുഖ്യമന്ത്രിയുടെ ഓഫിസും അംഗീകരിച്ചിരുന്നു. എന്നാല്‍ ഇതിനിടെ മദ്യക്കമ്പനികളുടെ വിറ്റുവരവു നികുതി സര്‍ക്കാര്‍ ഒഴിവാക്കി നല്‍കി. ഇതിന്റെ ഗുണം ട്രാവന്‍കൂര്‍ ഷുഗേഴ്‌സിനും ലഭിക്കും. ഈ സാഹചര്യത്തിലാണു വില വര്‍ധന വേണ്ടെന്നു സര്‍ക്കാര്‍ തീരുമാനിച്ചത്. കേരളത്തില്‍ ഏറ്റവുമധികം വിറ്റു പോകുന്ന റം ആണു ജവാന്‍. …

കൊല്ലം: റെയില്‍വേയുടെ ഫഌറ്റ് ഗുഡ്‌സ് വാഗണുകള്‍ പൂര്‍ണമായും പ്രയോജനപ്പെടുത്തി റോഡ് നിര്‍മാണ കമ്പനി. ഫലം രണ്ടരക്കോടിയുടെ ലാഭം. ചെലവായത് വെറും 45 ലക്ഷം രൂപ. പത്തനാപുരം, ചടയമംഗലം മണ്ഡലങ്ങളിലെ റോഡ് നിര്‍മ്മാണത്തിനുള്ള യന്ത്രസാധനസാമഗ്രികളാണ് റെയില്‍ മാര്‍ഗം കൊല്ലത്ത് എത്തിച്ചത്. 30 ടോറസ് ലോറികളടക്കം അറുപതിലേറെ വാഹനങ്ങളും യന്ത്രസാമഗ്രികളുമാണ് റെയില്‍വേ ഫ്‌ളാറ്റ് ഗുഡ്‌സ് വാഗണുകളിലെത്തിച്ചത്. കേരളത്തിലാദ്യമായാണ് ഇത്തരത്തില്‍ ഫ്‌ളാറ്റ് ഗുഡ്‌സ് വാഗണുകള്‍ ഉപയോഗിച്ചു വാഹനങ്ങള്‍ എത്തിക്കുന്നത്. 19 ന് ചണ്ഡിഗഡില്‍ നിന്ന് പുറപ്പെട്ട ഗുഡ്‌സ് ട്രെയിന്‍ പത്ത് ദിവസത്തിന് ശേഷമാണ് ഇന്നലെ രാവിലെ 11 മണിയോടെ …

പത്തനംതിട്ട: ആദിവാസി പെണ്‍കുട്ടിയെ പീഡിപ്പിച്ചുവെന്ന് ആരോപിച്ച് പോക്‌സോ നിയമപ്രകാരം അറസ്റ്റിലായ ആദിവാസി യുവാവിന് കോടതി ജാമ്യം അനുവദിച്ചു. കഴിഞ്ഞ മാസം ആവണിപ്പാറ ആദിവാസി കോളനിയില്‍ താമസച്ചിരുന്ന യുവതി തിരുവനന്തപുരം എസ്എടി ആശുപത്രിയില്‍ ആണ്‍കുഞ്ഞിന് ജന്മം നല്‍കിയിരുന്നു. തുടര്‍ന്ന് ആശുപത്രി അധികൃതര്‍ യുവതിയുടെ പ്രായം തെളിയിക്കുന്ന രേഖകള്‍ പരിശോധിക്കുകയും പ്രായപൂര്‍ത്തിയായിട്ടില്ലെന്ന് കണ്ടെത്തുകയും ചെയ്തു. വിവരം അറിഞ്ഞ കോന്നി പോലീസ് പെണ്‍കുട്ടിയെ തട്ടിക്കൊണ്ടു പോയി പീഡിപ്പിച്ച് ഗര്‍ഭിണിയാക്കിയെന്ന് ആരോപിച്ച് ആദിവാസി യുവാവ് രഞ്ജിത്തിനെ പോക്‌സോ നിയമപ്രകാരം അറസ്റ്റ് ചെയ്തു. എന്നാല്‍ ആശുപത്രി അധികൃതര്‍ പരിശോധിച്ച എസ്.എസ്.എല്‍.സി ബുക്കിലും …

പത്തനംതിട്ട: കൈപ്പട്ടൂരില്‍ കോണ്‍ക്രീറ്റ് മിക്‌സിങ് ലോറിയും സ്വകാര്യ ബസ്സും കൂട്ടിയിടിച്ച് ഇരുപത്തഞ്ചോളം പേര്‍ക്ക് പരുക്കേറ്റ അപകടത്തിന് കാരണം ലോറിയുടെ മുന്‍വശത്തെ ടയര്‍ പൊട്ടിയതെന്ന് സംശയം. അമിത വേഗതയില്‍ വന്ന ലോറിയുടെ മുന്‍വശത്ത് വലതു ടയറിന്റെ ഭാഗം അകത്തേക്ക തിരിയുന്നതും തുടര്‍ന്ന് പൊട്ടുന്നതു പോലെയും ദൃശ്യങ്ങളില്‍ വ്യക്തമാണ്. തുടര്‍ന്ന് കോണ്‍ക്രീറ്റ് മിക്‌സര്‍ ബസിലേക്ക് മറിയുകയായിരുന്നു. വീഴ്ചയുടെ ആഘാതത്തില്‍ ബസിന്റെ വശത്താണ് മിക്‌സര്‍ പതിച്ചത്. ഇതാണ് വന്‍ദുരന്തം ഒഴിവാക്കിയത്. മിക്‌സറിന്റെ ഭാഗം തട്ടി ബസ് സൈഡിലേക്ക് മറിഞ്ഞുള്ള അപകടത്തിലാണ് പരുക്കേറെയും ഉണ്ടായിരിക്കുന്നത്. നേരേ മറിച്ച് മിക്‌സര്‍ പൂര്‍ണമായും …

ഇലന്തൂര്‍: സഹകരണ ബാങ്കില്‍ നിന്ന് വായ്പയെടുത്ത് തിരിച്ചടയ്ക്കാതിരിക്കുന്നവരില്‍ നിന്ന് പണം ഈടാക്കാനുള്ള നൂതന വിദ്യ തിരിച്ചടിക്കുന്നു. കാശ് തരാനുള്ളവരുടെ പേരെഴുതയ ഫ്‌ളക്‌സ് ബോര്‍ഡ് കവലകള്‍ തോറും സ്ഥാപിച്ച് നാറ്റിക്കാനുള്ള നീക്കമാണ് വിവാദമായിരിക്കുന്നത്. പരിയാരം സര്‍വീസ് സഹകരണ ബാങ്കാണ് വായ്പാ കുടിശികക്കാരുടെ പേര് വിവരങ്ങള്‍ ഫ്‌ളക്‌സ് ബോര്‍ഡ് സ്ഥാപിച്ച് കവലകളില്‍ പ്രദര്‍ശിപ്പിച്ചത്. സമൂഹ മാധ്യമങ്ങളിലടക്കം ശക്തമായ എതിര്‍പ്പ് ഉയര്‍ന്നതിനെ തുടര്‍ന്ന് മണിക്കൂറുകള്‍ക്കകം ബാങ്ക് അധികൃതര്‍ ബോര്‍ഡുകള്‍ നീക്കം ചെയ്തു. വായ്പക്കാരെ സമ്മര്‍ദ്ദത്തിലാക്കുക എന്ന ലക്ഷ്യത്തോടെ പരിയാരം സര്‍വീസ് സഹകരണ ബാങ്ക് അധികൃതര്‍ നടത്തിയ നീക്കമാണ് വിവാദത്തിലായത്. …

പത്തനംതിട്ട: കോഴഞ്ചേരിക്ക് സമീപം മേലുകരയില്‍ അനധികൃതമായി പാചകവാതകം നിറച്ച് വില്‍ക്കുന്ന കേന്ദ്രത്തില്‍ ജില്ലാ സപ്ലൈ ഓഫീസറുടെ നേതൃത്വത്തില്‍ റെയ്ഡ്. സിലിണ്ടറില്‍ നിന്ന് മറ്റൊന്നിലേക്ക് ഗ്യാസ് നിറയ്ക്കാനുപയോഗിക്കുന്ന യൂണിറ്റ്, നാട്ടില്‍ ഇല്ലാത്ത പ്രവാസികളുടെ ഗ്യാസ് കണക്ഷന്‍ ബുക്ക്, നിറച്ച സിലിണ്ടറുകള്‍ കടത്താനുപയോഗിച്ച് വാഹനങ്ങളുടെ വ്യാജ നമ്പര്‍ പ്ലേറ്റുകള്‍ എന്നിവയാണ് കണ്ടെത്തിയത്. പത്തനംതിട്ട ടൗണിലെ തീ പിടുത്തത്തിന്റെ അടിസ്ഥാനത്തില്‍ ജില്ലാ കലക്ടര്‍ക്ക് ലഭിച്ച രഹസ്യ വിവരത്തെ തുടര്‍ന്നാണ് ജില്ലാ സപ്ലൈ ഓഫീസര്‍ എം. അനില്‍, കോഴഞ്ചേരി താലൂക്ക് സപ്ലൈ ഓഫീസര്‍ പി ജി ലേഖ, ജില്ലാ സപ്ലൈ …

തൃശൂര്‍: ഗുരുവായൂര്‍ ക്ഷേത്രത്തില്‍ നിവേദ്യപാല്‍പായസം തയ്യാറാക്കാന്‍ ഭീമന്‍ വാര്‍പ്പെത്തി. രണ്ടേ കാല്‍ ടണ്‍ ഭാരമുള്ള വാര്‍പ്പാണ് ഇന്ന് രാവിലെ ക്ഷേത്രത്തിലെത്തിച്ചത്. 1500 ലിറ്റര്‍ പാല്‍പായസം തയ്യാറാക്കാന്‍ കഴിയുന്ന കൂറ്റന്‍ നാലു കാതന്‍ ഓട്ടു വാര്‍പ്പാണിത്. പരുമല ആര്‍ട്ടിസാന്‍സ് മെയ്ന്റനന്‍സ് ആന്‍ഡ് ട്രഡീഷനല്‍ ട്രേഡിങ്ങിന്റെ ചുമതലയില്‍ മാന്നാര്‍ അനന്തന്‍ ആചാരിയുടെയും മകന്‍ അനു അനന്തന്റെയും മേല്‍നോട്ടത്തില്‍ നാല്‍പതോളം തൊഴിലാളികള്‍ ചേര്‍!ന്നാണ് വാര്‍പ്പ് നിര്‍മിച്ചത്. നാലു മാസം കൊണ്ടാണ് 88 ഇഞ്ച് വ്യാസവും 24 ഇഞ്ച് ആഴവുമുള്ള വര്‍പ്പ് ഒരുക്കിയത്. ക്രെയിന്‍ ഉപയോഗിച്ചാണ് വാര്‍പ്പ് ക്ഷേത്രത്തിനുളളിലേക്ക് എത്തിച്ചത്. …