കിങ്സ്റ്റണ്‍: ടി 20 ലോകകപ്പില്‍ അട്ടിമറി തുടര്‍ന്ന് അഫ്ഗാന്‍. ബാറ്റിങ്ങിലും ബോളിങ്ങിലും ഫീല്‍ഡിങ്ങിലും ഒരു പോലെ മികച്ചു നിന്ന അഫ്ഗാന്‍ നിര ശക്തരായ ഓസ്‌ട്രേലിയയെ 21 റണ്‍സിനാണ് കെട്ടുകെട്ടിച്ചത്. പ്രാഥമിക റൗണ്ടില്‍ ന്യൂസിലാന്‍ഡിനെ വെറും 75 റണ്‍സില്‍ എറിഞ്ഞൊതുക്കി നേടിയ തകര്‍പ്പന്‍ വിജയത്തിന്റെ തനിയാവര്‍ത്തനമാണ് ഗ്രൂപ്പ് ഒന്നില്‍ ഇന്ന് പുലര്‍ച്ചെ കണ്ടത്.   20 ഓവറില്‍ 149 എന്ന താരതമ്യേനെ എളുപ്പമുള്ള സ്‌കോര്‍ ചേസ് ചെയ്യാനിറങ്ങിയ ഓസീസ് 19.2 ഓവറില്‍ 127 റണ്‍സിന് ഓള്‍ ഔട്ടായി. 41 പന്തില്‍ ആറു ഫോറും മൂന്നു സിക്‌സറുമായി …

ട്വന്റി 20 ലോകകപ്പിലെ ഇന്ത്യയുടെ ഇന്നിങ്‌സ് അവസാനിക്കുമ്പോള്‍ ഒരു ഓവര്‍ ബാക്കിയുണ്ടായിരുന്നു. ശേഷിച്ച ആ ആറു പന്തില്‍ 10 റണ്‍സെങ്കിലും അവസാന ജോഡിക്ക് നേടാമായിരുന്നുവെങ്കില്‍ ഒരു ഫൈറ്റിങ് ടോട്ടല്‍ എന്നാണ് കമന്റേറ്റര്‍മാര്‍ പറഞ്ഞത്. പാകിസ്ഥാന്‍ ഇന്നിങ്‌സ് തുടങ്ങി റിസ്‌വാന്റെ ക്യാച്ച് ദുബെ നിലത്തിട്ടതോടെ ടിവി ഓഫ് ചെയ്ത് ഉറങ്ങാന്‍ പോയവരാണേറെയും. കൊച്ചുവെളുപ്പാന്‍ കാലത്ത് സ്‌കോര്‍ നോക്കുമ്പോള്‍ ഇന്ത്യ ആറു റണ്‍സിന് ജയിച്ചിരിക്കുന്നു. അതേ, ഇന്ത്യ 19 ഓവറില്‍ നേടിയ 119 മറികടക്കാന്‍ 20 ഓവര്‍ കളിച്ചിട്ടും പാകിസ്ഥാനായില്ല. യുഎസ്എയിലെ പ്രവചനാതീതമായ വിക്കറ്റില്‍ തീയുണ്ടകള്‍ വര്‍ഷിച്ച് …

പത്തനംതിട്ട: കെ.കെ. നായര്‍ ജില്ലാ സ്‌റ്റേഡിയത്തിന്റെ നിര്‍മ്മാണ പുരോഗതി ആരോഗ്യ വകുപ്പ് മന്ത്രി വീണാ ജോര്‍ജ് വിലയിരുത്തി. 2025 ഓഗസ്‌റ്റോടെ സ്‌റ്റേഡിയത്തിന്റെ നിര്‍മ്മാണം പൂര്‍ത്തിയാകുമെന്ന് ഉദ്യോഗസ്ഥര്‍ അറിയിച്ചു. ജില്ലാ സ്‌റ്റേഡിയത്തിലെ താഴ്ചയുള്ള ഭാഗങ്ങളില്‍ മണ്ണിട്ട് നികത്തുന്ന പ്രവര്‍ത്തനങ്ങള്‍ മണ്‍സൂണ്‍ ശക്തമാകുന്നതിന് മുമ്പായി സമയബന്ധിതമായി പൂര്‍ത്തീകരിക്കണമെന്ന് മന്ത്രി നിര്‍ദേശിച്ചു. കായിക വകുപ്പിലെ ഉന്നത ഉദ്യോഗസ്ഥര്‍, കിഫ്ബി ഉദ്യോഗസ്ഥര്‍, ഊരാളുങ്കല്‍ ലേബര്‍ കോണ്‍ട്രാക്ട് സൊസെറ്റി ഉദ്യോഗസ്ഥര്‍ തുടങ്ങിയവരുള്‍പ്പടെയുള്ളവരുടെ യോഗമാണ് തിരുവനന്തപുരം സെക്രട്ടറിയേറ്റില്‍ മന്ത്രി വിളിച്ചു ചേര്‍ത്തത്. 47.92 കോടി രൂപയാണ് കെ.കെ. നായര്‍ സ്‌പോര്‍ട്‌സ് കോംപ്ലക്‌സിനായും ബ്ലെസ്സണ്‍ …

പത്തനംതിട്ട: സംസ്ഥാന സീനിയര്‍ ടെന്നിക്കൊയ് ചാമ്പ്യന്‍ഷിപ്പ് മുട്ടത്തുകോണം എസ്.എന്‍.ഡി.പി ഹയര്‍സെക്കന്‍ഡറി സ്‌കൂളില്‍ ആരംഭിച്ചു. ജില്ലാ കലക്ടര്‍ എ. ഷിബു ഉദ്ഘാടനം ചെയ്തു. ഓര്‍ഗനൈസിങ് കമ്മിറ്റി ചെയര്‍മാന്‍ കെ. പദ്മകുമാര്‍ അധ്യക്ഷത വഹിച്ചു. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ. അനില്‍കുമാര്‍ മുഖ്യാതിഥി ആയിരുന്നു. ചെന്നീര്‍ക്കര ഗ്രാമപഞ്ചായത്ത് വൈസ് പ്രസിഡന്റ് രഞ്ജിനി അജിത്ത്, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.കെ ശശി, സംസ്ഥാന അസോസിയേഷന്‍ വൈസ്പ്രസിഡന്റ് പി.ആര്‍. ഗിരീഷ്, സംസ്ഥാന അസോസിയേഷന്‍ സെക്രട്ടറി ശ്യാമ സ്വാമിനാഥന്‍, ജില്ലാ പ്രസിഡന്റ് കെ. സജീവ്, ഓര്‍ഗനൈസിങ് സെക്രട്ടറി …

പാള്‍: ദക്ഷിണാഫ്രിക്കയ്ക്ക് എതിരായ പരമ്പരയുടെ വിധി നിര്‍ണയിക്കുന്ന അവസാന ഏകദിന മത്സരത്തില്‍ സഞ്ജു ഷോ. രണ്ടാം ഏകദിനത്തിലേത് പോലെ ബാറ്റിങ് നിര തകര്‍ന്നടിയുമായിരുന്ന ഇന്ത്യയെ മധ്യഓവറുകളില്‍ തിലക് വര്‍മയ്‌ക്കൊപ്പം ചേര്‍ന്ന് സഞ്ജു സാംസണ്‍ ചുമലിലേറ്റി. അന്താരാഷ്ട്ര ക്രിക്കറ്റില്‍ ഏകദിന സെഞ്ച്വറി നേടുന്ന ആദ്യ പൂര്‍ണമലയാളി എന്ന ബഹുമതി സഞ്ജു സ്വന്തമാക്കി. ശ്രേയസ് അയ്യര്‍, അജയ് ജഡേജ തുടങ്ങിയ പാതിമലയാളികള്‍ ഇതിന് മുന്‍പ് ഏകദിന സെഞ്ച്വറി നേടിയിട്ടുണ്ട്. അന്താരാഷ്ട്ര ക്രിക്കറ്റില്‍ ആദ്യ സെഞ്ച്വറി നേടുന്ന മലയാളി പക്ഷേ സഞ്ജുവല്ല. ടെസ്റ്റില്‍ ട്രിപ്പിള്‍ സെഞ്ച്വറി നേടിയിട്ടുള്ള കര്‍ണാടക …

ലോകകപ്പില്‍ കനത്ത തിരിച്ചടി നേരിട്ട പാകിസ്ഥാന്‍ തിരിച്ചു വരവിന് ഒരുങ്ങുന്നു. ഓസ്‌ട്രേലിയക്കെതിരായ ടെസ്റ്റ് പരമ്പരയ്ക്കുളള പാകിസ്ഥാന്‍ ടീമിനെ പ്രഖ്യാപിച്ചു. ഷാന്‍ മസൂദ് നായകനായ 18 അംഗ ടീമിനെയാണ് പ്രഖ്യാപിച്ചിരിക്കുന്നത്. ഡിസംബര്‍ 14 മുതല്‍ ജനുവരി ഏഴുവരെയാണ് മൂന്ന് മത്സരങ്ങളടങ്ങിയ ടെസ്റ്റ് പരമ്പര. ബാബര്‍ അസം നായക സ്ഥാനത്ത് നിന്നും പടിയിറങ്ങിയ ശേഷമുളള ആദ്യത്തെ പരമ്പരയാണിത്. ലോകകപ്പിലെ മോശം പ്രകടനത്തെ തുടര്‍ന്നാണ് ബാബര്‍ അസം സ്ഥാനം ഒഴിഞ്ഞത്. ബാബര്‍ ടീമില്‍ അംഗമാണ്. ഇടം കൈയ്യന്‍ ഓപ്പണര്‍ സൈ അയ്യൂബ്, പേസ് ബൗളര്‍ കുറം ഷഹ്‌സാദ് എന്നിവര്‍ക്ക് …

ആറന്മുള: സര്‍വീസ് സഹകരണ ബാങ്ക് തെരഞ്ഞെടുപ്പില്‍ കളളവോട്ട് ആരോപിച്ച് ഇരുപക്ഷവും തമ്മില്‍ വാക്കേറ്റം. ചേരി തിരിഞ്ഞ് പോര്‍വിളിച്ച എല്‍.ഡി.എഫ്. യുഡി.എഫ് പ്രവര്‍ത്തകരെ പത്തനംതിട്ട ഡിവൈ.എസ്.പി എസ്. നന്ദകുമാര്‍ വിരട്ടിയോടിച്ചു. രാവിലെ തെരഞ്ഞെടുപ്പ് തുടങ്ങിയപ്പോള്‍ പോളിങ് സമാധാന പരമായിരുന്നു. ഉച്ചയോടെയാണ് വ്യാപക കള്ളവോട്ട് അരങ്ങേറിയത്. ഇരുകൂട്ടരും ചേരിതിരിഞ്ഞതോടെ സിപിഎമ്മുകാര്‍ റോഡ് ഉപരോധിച്ചു. ഈ സമയത്താണ് ഡിവൈ.എസ്.പി ശക്തമായ നിലപാട് സ്വീകരിച്ചത്. ഡിവൈ.എസ്.പി രോഷാകുലനായതോടെ റോഡില്‍ കുത്തിയിരുന്ന സിപിഎമ്മുകാര്‍ എഴുന്നേറ്റ് മാറി. മറ്റ് പല സ്ഥലത്തും നടത്തിയതു പോലെ സിപിഎം ഇവിടെയും വ്യാപകമായി കളളവോട്ട് ചെയ്തുവെന്നാണ് ആരോപണം. …

ഏകദിന ക്രിക്കറ്റ് ലോകകപ്പില്‍ തോറ്റമ്പി പോയ ശേഷം തിരിച്ചു വരവിനൊരുങ്ങുന്ന പാക് ക്രിക്കറ്റ് ടീമിനെ ചൊല്ലി വാക്‌പോരാട്ടം. പാക് ക്രിക്കറ്റ് ബോര്‍ഡ് ചെയര്‍മാന്‍ സാക്ക അഷ്‌റഫിനെതിരേ മുന്‍ ക്യാപ്ടന്‍ ഷാഹിദ് അഫ്രീദി രംഗത്തു വന്നു. സാക്കാ അഷ്റഫ് ഒരു റാൻഡം ക്ലബ്ബിന്റെയും ചെയര്‍മാനല്ല, അദ്ദേഹം പാകിസ്താൻ ക്രിക്കറ്റ് ബോര്‍ഡിന്റെ ചെയര്‍മാനാണ്. ടീമിനെതിരെ വിമര്‍ശനങ്ങള്‍ ഉന്നയിക്കാതെ താരങ്ങളുടെ പ്രശ്നങ്ങള്‍ക്ക് പരിഹാരം കണ്ടെത്താനാണ് ശ്രമിക്കേണ്ടതെന്നും അഫ്രിദി പറഞ്ഞു. ഒരു ടിവി ഷോക്കിടെയായിരുന്നു അഫ്രിദിയുടെ പരാമര്‍ശം. ചെയര്‍മാൻ സ്ഥാനത്തിരിക്കുമ്ബോള്‍ ഒരുപാട് കാര്യങ്ങള്‍ ചിന്തിച്ച്‌ പ്രവര്‍ത്തിക്കണം. രാജ്യത്തെ മാദ്ധ്യമ സ്ഥാപനങ്ങളുടെ …

അഹമ്മദാബാദ്: ആസ്ട്രേലിയക്ക് കനത്ത തിരിച്ചടിയായി ഗ്ലെൻ മാക്സ്‌വെലിന് വീണ്ടും പരിക്ക്. ഗോള്‍ഫ് കളിച്ച്‌ മടങ്ങുന്നതിനിടെ കാല്‍തെറ്റി വീഴുകയായിരുന്നു. തലക്ക് പരിക്കേറ്റ താരത്തിന് ശനിയാഴ്ച ഇംഗ്ലണ്ടിനെതിരായ നിര്‍ണായക മത്സരത്തില്‍ കളിക്കാനാവില്ലെന്ന് ടീം ഹെഡ് കോച്ച്‌ ആൻഡ്രൂ മക്‌ഡൊണാള്‍ഡ് അറിയിച്ചു. എന്നാല്‍ സ്ക്വാഡില്‍ മാറ്റമില്ലെന്നും പ്രോട്ടോക്കോള്‍ പ്രകാരം ആറു മുതല്‍ എട്ടു ദിവസം വരെ മാക്സ്‌വെലിന് വിശ്രമം അനുവദിക്കുമെന്നും കോച്ച്‌ വ്യക്തമാക്കി.ഗോള്‍ഫ് കളിച്ച്‌ മടങ്ങവെ ടീമിന്റെ ബസില്‍ കയറുന്നതിനായി ഗോള്‍ഫ് കാര്‍ട്ടിലേക്ക്(ചെറുവാഹനം) ഓടി കയറാൻ ശ്രമിക്കുന്നതിനിടെ കാല്‍ തെന്നി വീഴുകയായിരുന്നു. വീഴ്ചയില്‍ തല നിലത്തിടിച്ചാണ് പരിക്കേറ്റത്. ന്യൂസിലൻഡിന്റെയും …

തിരുവല്ല: പത്തനംതിട്ട ഇന്റര്‍ ഹോസ്പിറ്റല്‍ ടര്‍ഫ് ക്രിക്കറ്റ് ലീഗ് (പത്തനംതിട്ട പ്രീമിയര്‍ ലീഗ് 2023) 24 മുതല്‍ 26 വരെ നാലുകോടി ഏദെന്‍ സ്‌പോര്‍ട്‌സ് അരീനയില്‍ നടക്കും. ദിവസവും വൈകിട്ട് ആറിന് ആരംഭിക്കുന്ന മത്സരങ്ങള്‍ രാത്രി 11 ന് സമാപിക്കും. തിരുവല്ല ബിലീവേഴ്‌സ് ചര്‍ച്ച് മെഡിക്കല്‍ കോളജ് ആശുപത്രി, പത്തനംതിട്ട ഇന്ത്യന്‍ അക്കാദമി ഓഫ് പീഡിയാട്രിക്‌സ്, നാഷണല്‍ റിസോഴ്‌സ് സെന്റര്‍ ഫോര്‍ എന്‍.സി.ഡി എന്നിവരാണ് ടൂര്‍ണമെന്റിന്റെ സംഘാടകര്‍. 10 ആശുപത്രികളില്‍ നിന്നുള്ള ടീമുകളാണ് ടൂര്‍ണമെന്റില്‍ മാറ്റുരയ്ക്കുന്നത്.