ബിഗ് ബോസ് താരവും തീയറ്റര്‍ ആര്‍ട്ടിസ്റ്റുമായ ഹിമ ശങ്കരി,തമിഴ് നടന്‍ ലോകേഷ് എന്നിവരെ പ്രധാന കഥാപാത്രങ്ങളാക്കി നവാഗതരായ അജേഷ് സുധാകരന്‍, മഹേഷ് മനോഹരന്‍ എന്നിവര്‍ ചേര്‍ന്ന് സംവിധാനം ചെയ്യുന്ന ‘ചാപ്പകുത്ത് ‘ ഏപ്രില്‍ അഞ്ചിന് പ്രദര്‍ശനത്തിനെത്തുന്നു. സൂഫി പറഞ്ഞ കഥ, യുഗപുരുഷന്‍, അപൂര്‍വ രാഗം, ഇയ്യോബിന്റെ പുസ്തകം എന്നീ സിനിമകളിലൂടെ ശ്രദ്ധേയയായ ഹിമശങ്കരിയുടെ ഏറ്റവും മികച്ച കഥാപാത്രമാണ് ഈ ചിത്രത്തിലേത്.
ടോം സ്‌ക്കോട്ട് മറ്റൊരു പ്രധാന വേഷത്തിലെത്തുന്നു. ജെ.എസ് എന്റര്‍ടെയിന്‍മെന്റ്‌സിന്റെ ബാനറില്‍ ജോളി ഷിബു നിര്‍മ്മിച്ച ‘ചാപ്പകുത്ത് ‘ ഇതിനകം നാല്പതോളം ദേശീയ അന്തര്‍ പുരസ്‌കാരങ്ങള്‍ കരസ്ഥമാക്കി. ഷിബു കല്ലാര്‍,നന്ദു ശശിധരന്‍ എന്നിവരുടെ വരികള്‍ക്ക് ഷിബു കല്ലാര്‍ സംഗീതം പകരുന്നു.
ഉണ്ണി മേനോന്‍,മധു ബാലകൃഷ്ണന്‍,കെ.എസ് ചിത്ര,ശരത് സന്തോഷ് എന്നിവരാണ് ഗായകര്‍.ഛായാഗ്രഹണം: വിനോദ് കെ. ശരവണ്‍, പാണ്ഡ്യന്‍ കുപ്പന്‍. കോ പ്രൊഡ്യൂസര്‍: ഗായത്രി.എസ്, ആവണി.എസ് യാദവ്. എഡിറ്റിങ് വി.എസ് വിശാല്‍,സുനില്‍ എം. കെ. പി.ആര്‍.ഒ: എ.എസ് ദിനേശ്. വൈഡ് സ്‌ക്രീന്‍ മീഡിയ പ്രൊഡക്ഷന്‍സ് ആണ് ചിത്രം പ്രദര്‍ശനത്തിന് എത്തിക്കുന്നത്.
