തനിച്ച് താമസിക്കുന്ന വീട്ടമ്മയുടെ മതില്‍ പൊളിച്ചു നീക്കിയെന്ന് പരാതി: പിന്നില്‍ സിപിഎം നേതാക്കളെന്ന് പരാതി

0 second read
0
0

കോഴഞ്ചേരി: തനിച്ച് താമസിക്കുന്ന വയോധികയുടെ മതില്‍ അര്‍ധരാത്രിയില്‍ പൊളിച്ച് മാറ്റിയതായി പരാതി. ടി.ബി.ജങ്ഷന് സമീപം വാഴയില്‍പ്പടി സുബ്രഹ്മണ്യ സ്വാമി ക്ഷേത്ര റോഡിന് സമീപം താമസിക്കുന്ന കോലത്ത് തോളൂര്‍ സാറാമ്മ ഫിലിപ്പ്(68) ആണ് ആറന്മുള പോലീസില്‍ പരാതി നല്‍കിയത്. സംഭവത്തെപ്പറ്റി സാറമ്മ പറയുന്നത് ഇങ്ങനെ: ബുധനാഴ്ച വൈകിട്ട് ആറ് മണിയോടെ വീടിന് മുമ്പില്‍ കൂടി മണ്ണുമാന്ത്രി യന്തം പോകുന്നത് കണ്ടു. അടുത്ത് മറ്റൊരു വീടിന്റെ പണി നടക്കുന്ന സ്ഥലത്തേക്ക് പോയതാണന്ന് കരുതി. എന്നാല്‍ പുലര്‍ച്ചെ് ഒരു മണിയോടെ വലിയ ശബ്ദം കേട്ട് ജനാല തുറന്നപ്പോള്‍ തന്റെ വീടിന്റെ മതില്‍ യന്ത്രം ഉപയോഗിച്ച് പൊളിക്കുന്നതാണ് കണ്ടത്. സാറാമ്മ കതക് തുറന്ന് ചോദ്യം ചെയ്തപ്പോള്‍ യന്ത്രത്തിന്റെ അതിഥി തൊഴിലാളിയായ ഡ്രൈവര്‍ കമ്പി വടിയുമായി അക്രമിക്കാന്‍ വന്നു. ഈ സമയം ഇതിനടുത്ത് സി.പി.എം ലോക്കല്‍ കമ്മറ്റിയംഗമായ യുവാവും മറ്റ് രണ്ട് പേരും നില്‍പ്പുണ്ടായിരുന്നു. ഇവരുടെ നേതൃത്വത്തിലാണ് മതില്‍ പൊളിച്ചതെന്ന് സാറാമ്മ പറയുന്നു. ഭയന്ന് വീട്ടില്‍ക്കയറിയ സാറാമ്മ ഭര്‍തൃ സഹോദരനേയും ബന്ധുക്കളേയും വിവരമറിച്ചു. ഇവര്‍ വന്ന ശേഷം ആറന്മുള പോലീസില്‍ പരാതി നല്‍കി. രണ്ടര ലക്ഷത്തോളം രൂപയുടെ നഷ്ടം ഉണ്ടാതായും സാറാമ്മ പറയുന്നു.

Load More Related Articles
Load More By Veena
Load More In CRIME

Leave a Reply

Your email address will not be published. Required fields are marked *

Check Also

കാടുമൂടിക്കിടന്ന പറമ്പിലെ പൊട്ടക്കിണറ്റില്‍ വീണ പോത്തിനെ അതിവേഗം രക്ഷിച്ച് അടൂര്‍ അഗ്നിരക്ഷാസേന

പന്തളം: കാടുപിടിച്ചു കിടന്ന പറമ്പിലെ പൊട്ടക്കിണറ്റില്‍ വീണ പോത്തിനെ അഗ്നിരക്ഷാസേന രക്ഷിച്ച…