റാന്നി: മദ്യപിച്ച് ബഹളമുണ്ടാക്കിയത് അന്വഷിക്കാന്‍ എത്തിയ എസ്.ഐയെ കൈയേറ്റം ചെയ്ത കേസില്‍ മൂന്നു പേരെ അറസ്റ്റ് ചെയ്തു. പഴവങ്ങാടി, ചരിവു കാലായില്‍ ശ്രീജിത്ത് (35), പുലിയൂര്‍ കുളിക്കാംപാലം പൂവണ്ണം മുറിയില്‍ നന്ദു (28), കിടങ്ങന്നൂര്‍ നീര്‍വിളാകം മേപ്പുറത്ത് അഖില്‍ (28) എന്നിവരെയാണ് അറസ്റ്റ് ചെയ്തത്.
ഇട്ടിയപ്പാറ-ഐത്തല റോഡില്‍ ഐത്തല എല്‍.പി സ്‌കൂളിനു സമീപം മദ്യപിച്ച് ബഹളം ഉണ്ടാക്കിയത് നാട്ടുകാര്‍ പോലീസില്‍ അറിയിക്കുകയായിരുന്നു. വിവരം അന്വേഷിക്കാന്‍ വന്ന എസ്, ഐ ശ്രീഗോവിന്ദിനെ മൂവരും ചേര്‍ന്ന് കൈയ്യേറ്റം ചെയ്യാന്‍ ശ്രമിച്ചുവെന്നാണ് പോലീസ് പറയുന്നത്. തുടര്‍ന്ന് പോലീസ് മൂന്ന് പേരെയും പിടികൂടി. എസ്‌ഐയെ കൈയേറ്റം ചെയ്യാന്‍ ശ്രമിച്ചതിനും ഡ്യൂട്ടി തടസപ്പെടുത്തിയതിനും, പോലീസ് കേസ് രജിസ്റ്റര്‍ ചെയ്ത് കോടതിയില്‍ ഹാജരാക്കിയ ഇവര്‍ക്ക് ജാമ്യം അനുവദിച്ചു.
