തിരുവല്ല: ഡ്രൈ ഡേയില്‍ 12 ലിറ്റര്‍ വിദേശ മദ്യവുമായി കോയിപ്രം സ്വദേശി എക്‌സൈസ് പിടിയിലായി. തൃക്കണ്ണാപുരം പാറയിരിക്കുന്നതില്‍ മേപ്പുറത്ത് വീട്ടില്‍ എം.ആര്‍.രാജീവ് (58) ആണ് പിടിയിലായത്. എക്‌സൈസ് ഇന്‍സ്‌പെക്ടര്‍ ജി. പ്രസന്നന് ലഭിച്ച രഹസ്യ വിവരത്തെ തുടര്‍ന്ന് നടത്തിയ റെയ്ഡിലാണ് വീട്ടിലെ കിടപ്പുമുറിയില്‍ സൂക്ഷിച്ചിരുന്ന മദ്യവുമായി ഇയാള്‍ പിടിയിലായത് . എക്‌സൈസ് പ്രിവന്റീവ് ഓഫീസര്‍ ഗ്രേഡ് എംകെ വേണുഗോപാല്‍, സിവില്‍ എക്‌സൈസ് ഓഫീസര്‍മാരായ അജിത്ത്, അന്‍സറുദ്ദീന്‍, ആര്യ എന്നിവരുടെ അടങ്ങുന്ന സംഘമാണ് പ്രതിയെ പിടികൂടിയത്.
