ശബരിമല: മകരവിളക്ക് തീര്‍ത്ഥാടനത്തിനായി ശബരിമല ശ്രീ ധര്‍മ്മശാസ്താ ക്ഷേത്ര നട തുറന്നശേഷം ആദ്യ മൂന്ന് ദിവസങ്ങളില്‍ (ഡിസംബര്‍ 30 മുതല്‍ ജനുവരി 1 വരെ) എക്‌സൈസ് പമ്പയില്‍ 16 റെയ്ഡുകള്‍ നടത്തുകയും 83 കേസുകളിലായി 16,600 രൂപ പിഴ ഈടാക്കുകയും ചെയ്തു.
നിലയ്ക്കലില്‍ 33 റെയ്ഡുകള്‍ നടത്തുകയും 72 കേസുകളിലായി 14,400 രൂപ പിഴ ഈടാക്കുകയും ചെയ്തു. സന്നിധാനത്ത് 16 റെയ്ഡുകള്‍ നടത്തുകയും 40 കേസുകളിലായി 8,000 രൂപ പിഴയീടാക്കുകയും ചെയ്തു.
പമ്പയില്‍ മൂന്ന് ദിവസങ്ങളിലായി 8 ഹോട്ടലുകളിലും 7 ലേബര്‍ ക്യാമ്പുകളിലും പരിശോധന നടത്തി. നിലയ്ക്കലില്‍ 16 ഹോട്ടലുകളിലും 11 ലേബര്‍ ക്യാമ്പുകളിലും പരിശോധന നടത്തി. സന്നിധാനത്ത് 9 ലേബര്‍ ക്യാമ്പുകളിലാണ് പരിശോധന നടന്നത്.
