തിരുവല്ല: ഓതറ പുതുക്കുളങ്ങര ഭഗവതി ക്ഷേത്രത്തില്‍ പടയണി ഉത്സവത്തിന്റെ സമാപന ചടങ്ങുകള്‍ക്കിടെ സംഘര്‍ഷം. മൂന്നു പേര്‍ക്ക് കുത്തേറ്റു. ചെങ്ങന്നൂര്‍ വാഴാര്‍മംഗലം ഉമ്മറ തറയില്‍ വീട്ടില്‍ എസ്. സഞ്ജു, വാഴാര്‍മംഗലം ഉമ്മറത്തറയില്‍ വീട്ടില്‍ കാര്‍ത്തികേയന്‍, വാഴാര്‍മംഗലം ചെമ്പകശ്ശേരി വീട്ടില്‍ പവിന്‍ എന്നിവര്‍ക്കാണ് കുത്തേറ്റത്.
വ്യാഴാഴ്ച പുലര്‍ച്ചെ 12.30 നായിരുന്നു സംഭവം. കാര്‍ത്തികേന്റെ പുറത്തും പവിന്‍, സഞ്ജു എന്നിവര്‍ക്ക് വയറിനും ആണ് കുത്തേറ്റത്. മൂവരെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഓതറ സ്വദേശികളായ രണ്ടു പേരെ പ്രതികളാക്കി തിരുവല്ല പോലീസ് കേസെടുത്തു.
മണ്ണു മാഫിയകള്‍ തമ്മില്‍ മണ്ണെടുപ്പിനെ ചൊല്ലി ഉണ്ടായ തര്‍ക്കമാണ് വാക്കേറ്റത്തിലും സംഘര്‍ഷത്തിലും കലാശിച്ചതെന്ന് പോലീസ് പറഞ്ഞു. കുത്തേറ്റവരുടെ നില ഗുരുതരമല്ലെന്ന് പൊലീസ് അറിയിച്ചു.
