പത്തനംതിട്ട : നിരന്തരം മദ്യപിച്ച് വീട്ടിൽ പ്രശ്നമുണ്ടാക്കിവന്ന സ്ഥിരമദ്യപാനിയായ യുവാവിനെ ചിറ്റാർ ജനമൈത്രി പോലീസ് ലഹരിവിമുക്തി ചികിത്സക്കായി പ്രവേശിപ്പിച്ചു.ചിറ്റാർ രാജ് ഭവനിൽ കെ ആർ അജീഷ് (45)നെയാണ് പോലീസ് ഇൻസ്പെക്ടർ രാജഗോപാലിന്റെ നേതൃത്വത്തിൽ ഇന്നലെ റാന്നി താലൂക്ക് ആശുപത്രിയിലെ ലഹരിമുക്തി ചികിത്സ കേന്ദ്രത്തിലാക്കിയത്. എ എസ് ഐ സുഷമ, സി പി ഓ സുമേഷ് എന്നിവരും പോലീസ് സംഘത്തിൽ ഉണ്ടായിരുന്നു.
