മുംബൈ: നീന്തല്‍ക്കുളത്തിലേക്ക് ഉയരത്തില്‍ നിന്ന് ചാടിയ യുവാവ് ദേഹത്ത് വീണ് എഴുപത്തി രണ്ടുകാരന് ദാരുണാന്ത്യം. നീന്തുന്നതിനിടെ വിഷ്ണു സാവന്തിന്റെ ദേഹത്തേയ്ക്ക് ആണ് മുകളില്‍ നിന്ന് യുവാവ് വീണത്. നീന്തല്‍ക്കുളം ലക്ഷ്യമാക്കി ചാടിയ ഇരുപതുകാരന്‍ അബദ്ധത്തില്‍ വയോധികന്റെ ദേഹത്ത് വീഴുകയായിരുന്നു.
മുംബൈയില്‍ ഞായറാഴ്ച വൈകിട്ട് ഓസോണ്‍ നീന്തല്‍ക്കുളത്തിലാണ് സംഭവം.കഴുത്തിലും ശരീരത്തിന്റെ മറ്റു ഭാഗങ്ങളിലും പരുക്കേറ്റാണ് വിഷ്ണു സാവന്ത് മരിച്ചത്. സാവന്തിന്റെ ഭാര്യയുടെ പരാതിയില്‍ യുവാവിനെതിരെ കേസെടുത്ത് പോലീസ് അന്വേഷണം ആരംഭിച്ചു.
ഫോട്ടോ: ജസ്റ്റ് ഡയല്‍
