പത്തനംതിട്ട: ഡെങ്കിപ്പനി ബാധിച്ച് ചികിത്സയിലായിരുന്ന കെ ഫോണ്‍ സോണല്‍ മാനേജര്‍ മരിച്ചു. വെട്ടിപ്രം മോടിപ്പടി കാവുകണ്ടത്തില്‍ പരേതനായ അനിരുദ്ധന്റെ മകന്‍ അമല്‍ അനിരുദ്ധനാണ് (29) മരിച്ചത്. ഒരാഴ്ചയായി സ്വകാര്യ ആശുപത്രിയില്‍ ചികിത്സയിലായിരുന്നു. അസുഖം കൂടുതലായതിനെ തുടര്‍ന്ന് കഴിഞ്ഞ ദിവസം പരുമലയിലെ സ്വകാര്യ ആശുപത്രിയിലേക്ക് മാറ്റിയിരുന്നു. ഇവിടെ വച്ചാണ് മരിച്ചത്. സംസ്‌കാരം വ്യാഴം വൈകിട്ട് നാലിന് വീട്ടുവളപ്പില്‍. അമ്മ: ശോഭ. സഹോദരങ്ങള്‍: അരുണ്‍, അഖില്‍.
