ഏനാത്ത്: സ്‌കൂള്‍ ബസ് അപകടത്തില്‍പ്പെട്ട് ഒരാള്‍ മരിച്ച സംഭവത്തിന് ശേഷം ഒളിവില്‍പ്പോയ ഡ്രൈവര്‍ക്ക് വേണ്ടി പോലീസ് അന്വേഷണം ഊര്‍ജിതമാക്കി. ഹൈക്കോടതി നിര്‍ദേശ പ്രകാരം നടക്കുന്ന അന്വേഷണത്തിന്റെ പശ്ചാത്തലത്തില്‍ പോലീസ് ലുക്കൗട്ട് നോട്ടീസ് പുറത്തിറക്കി. കടമ്പനാട് വടക്ക് തുഷാരമന്ദിരം വീട്ടില്‍ തുളസീധരന്‍ പിള്ള(77)യ്ക്ക് വേണ്ടിയാണ്് പോലീസ് നോട്ടീസ് പുറത്തിറക്കിയത്. കഴിഞ്ഞ ജൂണ്‍ 4 വൈകിട്ട് മുതലാണ് ഇദ്ദേഹത്തെ കാണാതായിരിക്കുന്നത്. അഞ്ചടി ഉയരവും ഇരുനിറത്തോടുകൂടിയതുമായ ഇദ്ദേഹത്തിന് നര കലര്‍ന്ന തലമുടിയാണുള്ളത്. പച്ച നിറത്തിലുള്ള ഫുള്‍ കൈ ഷര്‍ട്ടും വെള്ളമുണ്ടും വെള്ളത്തോര്‍ത്തുമാണ് കാണാതാവുമ്പോള്‍ ധരിച്ചിരുന്നത്. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ താഴെപ്പറയുന്ന ഏതെങ്കിലും ഫോണ്‍ നമ്പറില്‍ബന്ധപ്പെടാന്‍ അറിയിക്കുന്നു. ഡിവൈ.എസ്.പി, അടൂര്‍ 9497990034, ഓഫീസ് 04734 228225, എസ്.ഐ ഏനാത്ത് 9497931187.
