തേനി : മംഗളാദേവി ഉത്സവത്തിന് ചില സംഘടനകളുടെ നേതൃത്വത്തിൽ സംഘർഷമുണ്ടാക്കാൻ തീരുമാനിച്ചിട്ടുണ്ടെന്നും ഇവരെ അറസ്റ്റ് ചെയ്യാൻ നിർദ്ദേശം നൽകിയെന്നുമുള്ള വാർത്ത അടിസ്ഥാന രഹിതമാണന്ന് തേനി ജില്ലാ പോലീസ് സൂപ്രണ്ട് ഡോങ്കരെ പ്രവീൺ ഉമേഷ് അറിയിച്ചു.
ഏതെങ്കിലും പ്രത്യേക വ്യക്തിയുടെ / സ്ഥാപനത്തിന്റെ പേര് ഉണ്ടെങ്കിൽ പൊലീസിന് കൈമാറണമെന്നും ഇത്തരക്കാരെ നിരീക്ഷിക്കുമെന്നും അദ്ദേഹം പറഞ്ഞു.
മെയ് 5 ന് നടക്കുന്ന മംഗളാദേവി ചിത്രപൗർണ്ണമി ഉത്സവത്തിന് വിവിധ സംഘടനകളുടെ നേതൃത്വത്തിൽ ക്ഷേത്രത്തിൽ പ്രവേശിച്ച് പ്രശ്നമുണ്ടാക്കാൻ നീക്കം നടക്കുന്നതായി രഹസ്യാന്വേഷണ വിഭാഗത്തിന് വിവരം ലഭിച്ചുവെന്നും ഇതിന്റെ അടിസ്ഥാനത്തിൽ ചിലരെ കസ്റ്റഡിയിലെടുക്കാൻ എസ്.പി നിർദ്ദേശം നൽകിയതായി കമ്പം, ഉത്തമപാളയം മേഖലകളിൽ പ്രചരിക്കുന്നുണ്ട്.
കേരള – തമിഴ്നാട് അതിർത്തിയിലെ കുമളിക്ക് സമീപമാണ് മംഗളാദേവി ക്ഷേത്രം. ക്ഷേത്രത്തിന്റെ അവകാശത്തെ ചൊല്ലി ഇരു സംസ്ഥാനവും വർഷങ്ങളായി തർക്കത്തിലാണ്.
