അടൂര്‍: ഭര്‍ത്താവുമായി അവിഹതബന്ധം ഉണ്ടെന്ന് ആരോപിച്ച് യുവതി നല്‍കിയ പരാതി ചര്‍ച്ച ചെയ്യുന്നതിനിടെ പൊലീസ് സ്‌റ്റേഷനില്‍ വച്ച് പരാതിക്കാരി എതിര്‍ കക്ഷിയെ തല്ലി. അടികൊണ്ട യുവതി സ്‌റ്റേഷനില്‍ കുഴഞ്ഞു വീണു. ഞായറാഴ്ച രാവിലെ 11 മണിയോടെ ഏനാത്ത് പൊലീസ് സ്‌റ്റേഷനിലാണ് സംഭവം.
കുന്നിട സ്വദേശിനിയാണ് ഭര്‍ത്താവിന്റെ ബന്ധുവായ യുവതിക്കെതിരേ പൊലീസില്‍ പരാതി നല്‍കിയത്. പരാതി അന്വേഷിക്കാന്‍ വേണ്ടി ഇരുകൂട്ടരെയും സ്‌റ്റേഷനില്‍ വിളിച്ചു വരുത്തി. എസ്‌ഐ വിവരങ്ങള്‍ ആരായുന്നതിനിടെ പരാതിക്കാരി എതിര്‍ കക്ഷിയുടെ കവിളത്ത് അടിക്കുകയായിരുന്നു. അല്‍പ്പ സമയത്തിന് ശേഷം അടി കൊണ്ട യുവതി സ്‌റ്റേഷനില്‍ കുഴഞ്ഞു വീണു. ഇവരെ ആശുപത്രിയില്‍ പ്രവേശിപ്പിച്ചു.
