തിരുവല്ല: പുളിക്കീഴിലെ ജലവിതരണ വകുപ്പിന്റെ പൈപ്പുകള്‍ മോഷ്ടിച്ച് ആക്രിക്കടയില്‍ വിറ്റ സംഭവത്തില്‍ മൂന്ന് ഇതര സംസ്ഥാന തൊഴിലാളികള്‍ പോലീസിന്റെ പിടിയിലായി.
ആസാം സ്വദേശി സുബ്ദുല്‍ ഹുസൈന്‍ (20), ബംഗാള്‍ സ്വദേശിഇബ്രാഹിം (22), പ്രായപൂര്‍ത്തിയാകാത്ത മറ്റൊരാള്‍ എന്നിവരെയാണ് പുളിക്കീഴ് എസ്‌ഐ
എസ്.ഷെജീമിന്റെ നേതൃത്വത്തില്‍ അറസ്റ്റ് ചെയ്തത്. ജലജീവന്‍ മിഷന്‍ പദ്ധതിയുടെ ഭാഗമായി സ്ഥാപിക്കാന്‍ ആലംതുരുത്തിയിലെ ജലസംഭരണിയുടെ സമീപം ഇട്ടിരുന്ന പൈപ്പുകളാണ് സംഘം
മോഷ്ടിച്ചത്.
പല ദിവസങ്ങളിലായി ആയിരുന്നു മോഷണം. പൈപ്പുകള്‍ മാന്നാറിലെ ആക്രിക്കടയില്‍ വില്‍ക്കുകയായിരുന്നു അവരുടെ രീതി. സിസിടിവി പരിശോധിച്ച് മോഷണം നടത്താന്‍ ഇവര്‍ ഉപയോഗിച്ച വാഹനം കണ്ടെത്തിയാണ് പ്രതികളെ അറസ്റ്റ് ചെയ്തത്. തൊണ്ടിമുതല്‍ മാന്നാറിലെ കടയില്‍ നിന്നു കണ്ടെടുത്തു.
