പന്തളം: വീട്ടിലെ അലമാരയില്‍ സൂക്ഷിച്ചിരുന്ന 40 പവന്‍ സ്വര്‍ണാഭരണങ്ങള്‍ മോഷ്ടിച്ചു. കുളനട കൈപ്പുഴ കൈതക്കാട് മേലത്തേതില്‍ റിട്ട: അദ്ധ്യാപകന്‍ അനില്‍ കോശിയുടെ വീട്ടിലെ കിടപ്പുമുറിയിലെ അലമാരയില്‍ സൂക്ഷിച്ചിരുന്ന സ്വര്‍ണാഭരണങ്ങളാണ് മോഷ്ടിച്ചത്. ചൊവ്വാഴ്ച വൈകിട്ട് മകള്‍ അലമാര തുറന്നു നോക്കുമ്പോഴാണ് സ്വര്‍ണാഭരണങ്ങള്‍ മോഷണം പോയ വിവരം അറിയുന്നത്. ലോക്കറില്‍ സൂക്ഷിച്ചിരുന്ന വള, മാല, കമ്മല്‍, കൊലുസ്, അരഞ്ഞാണം, മോതിരം, കുരിശ്, ലോക്കറ്റ് തുടങ്ങിയവയാണ് മോഷ്ടാക്കള്‍ അപഹരിച്ചത്. പകരം മുക്കു പണ്ടത്തില്‍ തീര്‍ത്ത ഒരു വള അലമാരയില്‍ മോഷ്ടാവ് വച്ചിരുന്നു. അനില്‍ കോ ശി നല്‍കിയ പരാതിയെ തുടര്‍ന്ന് പോലീസ് കേസെടുത്ത് അനേ്വഷണം ആരംഭിച്ചു.
