പത്തനംതിട്ട: നവകേരളസദസുമായി ബന്ധപ്പെട്ട് പരിപാടി നടക്കുന്ന വിവിധ സ്ഥലങ്ങളില്‍ ഗതാഗതക്രമീകരണങ്ങള്‍ ഏര്‍പ്പെടുത്തിയതായി ജില്ലാ പോലീസ് മേധാവി വി. അജിത് അറിയിച്ചു.
കോന്നി
സര്‍ക്കാര്‍ ഔദ്യോഗിക വാഹനങ്ങളും, പരിപാടിയുമായി ബന്ധപ്പെട്ടുള്ള മോട്ടോര്‍ കേഡ് വാഹനങ്ങളും കോന്നി ഓട്ടോ ടാക്‌സി സ്റ്റാന്റിലാണ് പാര്‍ക്ക് ചെയ്യേണ്ടത്. അരുവാപ്പുലം ഭാഗത്തുനിന്നും കോന്നി മാരൂര്‍പാലം ജംഗ്ഷനിലെത്തുന്ന വാഹനങ്ങള്‍ അവിടെ ആളെ ഇറക്കിയശേഷം കോന്നി എന്‍ എസ് എസ് കോളേജ് ഗ്രൗണ്ടില്‍ പാര്‍ക്ക് ചെയ്യണം. ഏനാദിമംഗലം പഞ്ചായത്തിലെ വാഹനങ്ങള്‍ മാരൂര്‍പാലം ജംഗ്ഷനില്‍ ആളുകളെ ഇറക്കിയശേഷം അമൃത സ്‌കൂള്‍ ഗ്രൗണ്ടിലാണ് പാര്‍ക്ക് ചെയ്യേണ്ടത്. കലഞ്ഞൂര്‍ പഞ്ചായത്തില്‍ നിന്നുള്ളവ മാരൂര്‍ പാലത്തില്‍ ആളുകളെ ഇറക്കിക്കഴിഞ്ഞു എലിയറക്കല്‍ കല്ലേലി റോഡില്‍ ഒരുസൈഡിലായി പാര്‍ക്ക് ചെയ്യേണ്ടതാണ്. വള്ളിക്കോട് പഞ്ചായത്തില്‍ നിന്നുമെത്തുന്ന വാഹനങ്ങള്‍ കോന്നി ആനക്കുടിന് സമീപം ആളുകളെ ഇറക്കി അവിടെ പാര്‍ക്ക് ചെയ്യണം.
പ്രമാടം വി കോട്ടയം പഞ്ചായത്തുകളില്‍ നിന്നുള്ളവ മാരൂര്‍ പാലം ജംഗ്ഷനില്‍ ആളെ ഇറക്കുകയും തുടര്‍ന്ന് കോന്നി എന്‍ എസ് എസ് കോളേജ് ഗ്രൗണ്ടില്‍ പാര്‍ക്ക് ചെയ്യേണ്ടതുമാണ്. പ്രമാടം ളാക്കൂര്‍ ഭാഗത്തുനിന്നുള്ള വാഹനങ്ങള്‍ ചൈനാമുക്കില്‍ ആളുകളെ ഇറക്കുകയും, ചൈനാ മുക്ക് ളാക്കൂര്‍ റോഡില്‍ ഒരുവശത്ത് ഇടുകയും വേണം. പ്രമാടം പൂങ്കാവ് വഴിയെത്തുന്നവ ആനക്കുടിന് അടുത്ത് ആളുകളെ ഇറക്കി, അവിടെ തങ്ങണം. കോന്നി പഞ്ചായത്തില്‍ നിന്നുള്ള വാഹനങ്ങള്‍ മാങ്കുളത്ത് ആളുകളെ ഇറക്കണം, തുടര്‍ന്ന് കോന്നി സെന്റ് ജോര്‍ജ്ജ് ഓര്‍ത്തഡോക്ള്സ് ചര്‍ച്ച് മൈതാനിയില്‍ പാര്‍ക്ക് ചെയ്യേണ്ടതാണ്.
തണ്ണിത്തോട് പഞ്ചായത്തില്‍ നിന്നുള്ളവ കോന്നി പോലീസ് സ്‌റ്റേഷന്‍ ഭാഗത്ത് ആളെ ഇറക്കിയശേഷം കോന്നി ഗവണ്മെന്റ് എച്ച് എസ് എസ് ഗ്രൗണ്ടില്‍ തങ്ങണം. സീതത്തോട് ചിറ്റാര്‍ പഞ്ചായത്തുകളിലെ വാഹനങ്ങള്‍ കോന്നി പോലീസ് സ്‌റ്റേഷന്‍ ഭാഗത്ത് ആളുകളെ ഇറക്കിക്കഴിഞ്ഞു മുരിങ്ങമംഗലം ക്ഷേത്രം മൈതാനിയിലും, മൈലപ്ര മലയാലപ്പുഴ പഞ്ചായത്തുകളില്‍ നിന്നുള്ള കുമ്പഴ വഴിവരുന്നവര്‍ കോന്നി റിപ്പബ്ലിക്കന്‍ വി എച്ച് എസിനു സമീപം ആളെ ഇറക്കിയശേഷം അവിടെ പാര്‍ക്ക് ചെയ്യണം. മൈലപ്ര മലയാലപ്പുഴ പഞ്ചായത്തുകളിലെ വെട്ടൂര്‍ വഴിയെത്തുന്നവര്‍ കോന്നി പോലീസ് സ്‌റ്റേഷന്‍ ഭാഗത്ത് ആളെ ഇറക്കിയശേഷം മുരിങ്ങമംഗലം മെഡിക്കല്‍ കോളേജ് റോഡില്‍ ഒരുവശത്തായി തങ്ങണം. കുമ്പഴ പത്തനംതിട്ട, കോന്നി ആനക്കൂട് പൂങ്കാവ് റോഡുകളില്‍ പാര്‍ക്കിംഗ് അനുവദിച്ചിട്ടില്ല. പരിപാടിയില്‍ പങ്കെടുക്കുന്നവര്‍ വൈകിട്ട് 3.30 ന് മുമ്പ് എത്തേണ്ടതാണ്.
റാന്നി
പത്തനംതിട്ട ഭാഗത്തുനിന്നുള്ള വാഹനങ്ങള്‍ ഉതിമൂട്ടില്‍ നിന്നും തിരിഞ്ഞ് കീക്കൊഴുര്‍ എത്തി പേരൂര്‍ ചാല്‍ പാലം കയറി പുല്ലൂപ്രം വരവൂര്‍ വഴി പേട്ടയിലെത്തി മിനര്‍വ പടിയിലൂടെ എസ് എച്ച് 8 ലൂടെ യാത്ര തുടരേണ്ടതാണ്. എരുമേലി മണിമല ഭാഗത്തുനിന്നുള്ളവ മിനര്‍വ പടിയില്‍ നിന്നും തിരിഞ്ഞ് വരവൂര്‍ പുല്ലൂപ്രം വഴി പേരൂര്‍ ചാല്‍ പാലത്തിലൂടെ കീക്കൊഴുര്‍ ജംഗ്ഷനില്‍ നിന്നും ഉതിമൂട് റോഡില്‍ പ്രവേശിച്ച് എസ് എച്ച് 8 ലൂടെ പോകേണ്ടതുമാണ്.
അടൂര്‍
പള്ളിക്കല്‍ പഞ്ചായത്തില്‍ നിന്നുള്ള ബസ്സുകള്‍ പരിപാടി നടക്കുന്ന സ്ഥലത്തിന് സമീപമുള്ള റിലയന്‍സ് പമ്പിനു മുന്‍വശം ആളെ ഇറക്കിക്കഴിഞ്ഞ് ഗ്രീന്‍വാലി ഓഡിറ്റോറിയത്തിന്റെ പാര്‍ക്കിംഗ് ഗ്രൗണ്ടിലും, കോട്ടമുകള്‍ ദന്താശുപത്രി മുതല്‍ പരുത്തിപ്പാറ ജംഗ്ഷന്‍ വരെയുള്ള റോഡിന്റെ ഇടതുവശത്തും(കിഴക്കുവശം )പാര്‍ക്ക് ചെയ്യേണ്ടതാണ്.
പന്തളം മുനിസിപ്പാലിറ്റിയിലെ ബസ്സുകള്‍ റിലയന്‍സ് പമ്പിനു മുന്‍വശം ആളെ ഇറക്കിയശേഷം കോട്ടമുകള്‍ ദന്താശുപത്രി മുതല്‍ പരുത്തിപ്പാറ ജംഗ്ഷന്‍ വരെയുള്ള റോഡിന്റെ ഇടതുവശത്തും വടക്കടത്തുകാവ് സ്‌കൂള്‍ മൈതാനത്തും തങ്ങേണ്ടതാണ്.
ഏഴാംകുളം കൊടുമണ്‍ പഞ്ചായത്തുകളില്‍ നിന്നുള്ളവ റിലയന്‍സ് പമ്പിനു മുന്‍വശം ആളെ ഇറക്കിയശേഷം കണ്ണംകോട് സെന്റ് തോമസ് ചര്‍ച്ച് ഗ്രൗണ്ടില്‍ പാര്‍ക്ക് ചെയ്യണം. ഇവിടെത്തന്നെയാണ് കടമ്പനാട് ഏറത്ത് പഞ്ചായത്തുകളില്‍ നിന്നുള്ളവയും തങ്ങേണ്ടത്.
തുമ്പമണ്‍ പന്തളം തെക്കേക്കര പഞ്ചായത്തുകളില്‍ നിന്നുള്ളവ റിലയന്‍സ് പമ്പിനുമുന്നില്‍ ആളുകളെ ഇറക്കുകയും,അടൂര്‍ ബൈപ്പാസ്സില്‍ ബൂസ്റ്റര്‍ ചായ ഷോപ്പിന് സമീപം മുതല്‍ കരുവാറ്റ പാലം വരെ റോഡിന്റെ ഇടതുവശം (പടിഞ്ഞാറ് ) തങ്ങേണ്ടതാണ്, ഇടറോഡുകളില്‍ മാര്‍ഗ തടസ്സമുണ്ടാവാതിരിക്കാന്‍ ശ്രദ്ധിക്കണം.
ഹോളി ക്രോസ്സ് ആശുപത്രി ജംഗ്ഷന്‍ മുതല്‍ മൈക്രോലാബിനു മുന്‍വശം വരെയും കോടതിറോഡില്‍ (വണ്‍ വേ ) മാര്‍ക്കറ്റ് റോഡ് വരെയുമാണ് (ഇടതുവശം )അടൂര്‍ മിനിപ്പാലിറ്റിയിലെ ബസ്സുകള്‍ , പരിപാടി നടക്കുന്ന സ്ഥലത്തിന് അടുത്തുള്ള പമ്പിനുമുന്നില്‍ ആളെ ഇറക്കിയശേഷം പാര്‍ക്ക് ചെയ്യേണ്ടത്. ഇടറോഡുകളില്‍ മാര്‍ഗതടസ്സമുണ്ടാവാതിരിക്കാന്‍ ശ്രദ്ധിക്കണം. കൂടാതെ,എസ് എം സില്‍ക്‌സ് മുതല്‍ കെ എസ് ആര്‍ ടി സി വരെ പാതക്ക് തെക്കുവശത്തായും പാര്‍ക്ക് ചെയ്യാവുന്നതാണ്.
കടമ്പനാട് ഏറത്ത് പള്ളിക്കല്‍ പഞ്ചായത്തുകള്‍ പന്തളം മുനിസിപ്പാലിറ്റി എന്നിവിടങ്ങളില്‍ നിന്നുള്ള കാര്‍ ഉള്‍പ്പെടെയുള്ള ചെറുവാഹനങ്ങള്‍, ബൈക്കുകള്‍ എന്നിവ ഗ്രീന്‍ വാലി പാര്‍ക്കിംഗ് ഗ്രൗണ്ട് എ എം ജെ ഹാളിന്റെ പാര്‍ക്കിംഗ് ഗ്രൗണ്ട് ഇതിന്റെ എതിര്‍വശത്തെ ഗ്രൗണ്ടിലും പാര്‍ക്ക് ചെയ്യണം. അടൂര്‍ മുനിസിപ്പാലിറ്റിയിലെ ഇത്തരം വാഹനങ്ങള്‍ മുനിസിപ്പല്‍ ഗ്രൗണ്ട് സെന്‍ട്രല്‍ ടോള്‍ കാത്തോലിക്ക പള്ളി ഹോളി ഏഞ്ചല്‍സ് സ്‌കൂള്‍ ഗ്രൗണ്ട് എന്നിവടങ്ങളിലാണ് പാര്‍ക്ക് ചെയ്യേണ്ടത്.ഗ്രീന്‍ വാലി പാര്‍ക്കിംഗ് ഗ്രൗണ്ടില്‍ തുമ്പമണ്‍ കൊടുമണ്‍ പന്തളം തെക്കേക്കര പഞ്ചായത്തുകളില്‍ നിന്നുള്ള ഇത്തരം വാഹനങ്ങള്‍ക്കും പാര്‍ക്ക് ചെയ്യാവുന്നതാണ്.
17 ന് ഉച്ചക്ക് ഒരുമണി മുതല്‍ അടൂര്‍ ടൗണില്‍ ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്. അടൂരില്‍ നിന്നും പത്തനാപുരം ഭാഗത്തേക്ക് പോകുന്ന വാഹനങ്ങള്‍ തട്ട പോയിന്റില്‍ ഇടതുവശം തിരിഞ്ഞ് ആനന്ദപ്പള്ളി കൊടുമണ്‍ വഴി ഏഴാംകുളം ജംഗ്ഷനില്‍ കെ പി റോഡില്‍ പ്രവേശിച്ച് യാത്ര തുടരേണ്ടതാണ്.പത്തനാപുരത്തുനിന്നും അടൂര്‍ കായംകുളം ഭാഗങ്ങളിലേക്ക് വരുന്നവ പറക്കോട് ജംഗ്ഷനില്‍ ഇടതുതിരിഞ്ഞു പരുത്തിപ്പാറ വടക്കടത്തുകാവ് ജംഗ്ഷനില്‍ എം സി റോഡില്‍ കടന്നു ബൈപ്പാസ് വഴി പോകണം.ഏഴാംകുളം പറക്കോട് കോട്ടമുകള്‍ സെന്‍ട്രല്‍ ടോള്‍ നെല്ലിമൂട്ടില്‍ പടി ട്രാഫിക് സിഗ്‌നല്‍ പോയിന്റ് വരെ ഒരുവാഹനവും പാര്‍ക്ക് ചെയ്യാന്‍ അനുവദിക്കില്ല.
