കമ്പംമെട്ട്: ഹൈറേഞ്ച് മേഖലയില്‍ കുരിശടികള്‍ക്ക് നേരെ കല്ലേറ്. ഇന്നലെ രാത്രിയാണ് കമ്പംമെട്ട് കട്ടപ്പന റൂട്ടിലുള്ള വിവിധ കുരിശടികള്‍ നശിപ്പിച്ചത്.
കമ്പംമെട്ട്, തങ്കച്ചന്‍കട, മൂങ്കിപ്പള്ളം, മന്തിപ്പാറ, പഴയ കൊച്ചറ,ചേറ്റുകുഴി,ആമയാര്‍, പുളിയന്മല, കട്ടപ്പന എന്നിവിടങ്ങളിലെ കുരിശടിയാണ് അജ്ഞാതര്‍ നശിപ്പിച്ചത്.
കല്ലേറില്‍ കുരിശടികളുടെ ഗ്ലാസുകള്‍ തകര്‍ന്നു. അര്‍ദ്ധ രാത്രിയോടെയാണ് ആക്രമണം ഉണ്ടായതെന്ന് കരുതുന്നു. പൊലീസ് നടത്തിയ അന്വേഷണത്തില്‍ ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയതെന്ന് കണ്ടെത്തി. സംഭവത്തില്‍ പൊലീസ് അന്വേഷണം ഊര്‍ജിതമാക്കി.
